養魚時無漏水，D魚死咗先漏，你同佢講，因為D魚頂住，所以魚一死就漏，唔係養魚漏水
唉，迷信真係好麻煩。但你住佢度又唔可以唔理佢意見，最緊要係，一日d魚仲響度，佢都會對住你女講難聽說話，影響埋小朋友。
不過你99好明顯係萌塞迷信，有乜嘢唔好事發生就賴落d魚度，完全係佢自己覺得喳喎，冇「專業人士」認可。就算今次唔再養魚，如果第日佢又發生咗啲唔好事，都會搵其他嘢賴。呢啲人好麻煩。
如果你好想養魚，不如同佢鬥迷信，例如話養響東南方旺財，咁岩佢打麻雀又贏錢，咁佢可能會信係風水魚
又或者話魚用嚟擋煞，魚死即係幫佢擋左災
同老人住一向麻煩，後生人同老人最好吾好住埋一齊。
兩公婆應該最好係自己住
佢比說話你聽真係好無耐
我養四隻貓、屋企長老唔係一齊住、都成日比說話我聽、話幾百呎屋學人養咁多貓做乜…
呀仔出世果陣、又話啲貓佢「責」親小朋友、又話敏感又盛…
同住就咁麻煩架喇！無計！
不過講真啲魚又真係易死既！
所以唔洗理佢啊！到時死左咪唔再養囉！
啲老人家冇嘢做就乜都管，好心得閒就周圍去，咪搞啲後生啦
我阿媽就係，全個世界就係屋企四幅牆，我嫁咗九世，又話我屋企乜乜物物，我買個電視大佢又 um 一輪又話唔好又話乜，最慘冇 point，最後我發火話我自己屋企我自己錢我兩公婆用乜關你乜事，你自己部電視唔大就得啦，佢即刻收聲
忍佢冇用㗎，佢想你順晒佢意，但管嚟做乜？佢自己朝朝空肚飲咖啡我夠勸過好多次，佢夠叫我唔好理佢，對人嚴對自己寛，搞到兩母女呢十年乜都唔講
我早搬出去就係怕咗佢，我廿幾歲接每個電話佢都要知道係邊個搵我，我同佢講咁鍾意管買隻 Barbie 公仔
啲 control freak 女人好恐怖，無論係自己阿媽定奶奶
1個讚
唔同住都會問呢樣問果樣 何況同住。。。真係好煩 
其實魚仔真係好易死,今次完左,你都唔好再買啦 
背後呻下都好