每次返到屋企，有時講起d係公司好氣憤嘅事，講完一輪之後對方完全冇反應，虛應都冇，但佢自己返到黎又不停講自己公司d野，呀peter今日點點點，呀mary今日點點點，我想講我唔知peter同mary係邊個，唔想知佢地今日做過咩，但我講d嬲野時，我口中個個人即係我係你老婆囉，比d反應我證明你關心梗我得唔得？
2個讚
You are not alone! 所以有時會上討論區寫野抒發下，好過同佢講
4個讚
我會直接發脾氣剷佢
我有時會諗係咪我説話技巧好冇趣味？個人好冇自信…
其實我之前同佢講過，但次次好快又打回原形
要反應強烈啲
有啲男人既感官記性十分遲鈍
或者會喺煮飯時整啲正餸佢嘆，咁佢會深刻啲
要佢習慣自動俾反應你
1個讚
唔關事，我試過用唔同方法去表達，最終佢話我不斷倒D負面情緒俾佢，有時佢都好辛苦。自始我明白，即使大家係幾親密都好，佢都係無責任食曬我D負面嘢，所以我只會講少少，俾佢知我有點唔開心，佢真係想知多啲會問，否則我上訂論區寫下抒發下就算
慳返啖氣好過
有啲人天生係咁自我
淨係想人聽佢分享
到人同佢講
佢又表現到咩都好小事
不值一提
搞到呻嗰個覺得自己小題大做咁
所以呻都要搵啱對象
3個讚
我老公又係好鍾意同我講公司野，佢仲會返返下工打黎同我傾幾句，放工返黎又會講幾句
已經聽到知道哂佢所有同事大概性格、喜好、做事風格
所以佢成日都會問埋我意見
我覺得啦，自己心境平和，聽下都冇所謂，起碼老公肯咩都同自己分享
我自己心境平和，心事比較少，就算有心事，我都知老公唔會太明白，男女真係好有別，所以講一次，明就明，唔明都冇咩所謂
但起碼佢會有d表示，抱下、呵下既
反而最鍾意同老公傾無聊白痴野，佢自己都會傾到笑到反肚，我自己又會好開心
2個讚
其實我要求好簡單，可能講句公式化嘅安慰説話都可以，可惜冇
你有同佢講過嗎？
因為我結婚初期都覺得難磨合，佢成日唔明白我，佢俾既反應亦唔係我要既
最後，同佢慢慢傾，不過佢幾年後先做到
可以參考下「愛之語」，兩公婆睇下自己係屬於咩既愛表達方式，有用架
工事或情緒絕不能帶回家
會唔會係你老公覺得你放太多負俾佢
佢覺得好辛苦
但又唔想直接同你講去令你難受
只好唔俾反應你
其實我知佢唔冇反應所以小事都唔會講，但好偶然有d真係好激心嘅佢個反應都係咁，好灰
哩樣真，由其是香港人大壓力，邊有咁多人有心聽人地既煩惱？有時間自己去嘆下休息下仲好，除非內容佢有興趣，講真無咩人真心會聆聽同開解人
我做人樹窿就多，但我想搵人開解返自己真係唔易
我同老公平時呻呢啲小事時佢會仔細聽同比意見
但之前經歷產後抑鬱就完全比唔到support
我一個人捱過咗，但係呢個傷以後都唔會好…
1個讚
抱抱！
男人係唔會明乜嘢叫做產後抑鬱，所以我生完都費事同佢講，寧願揾D生過既朋友傾。
我相信大家都好想另一半既係soul mate 亦係生活上的好拍擋，但如果只可以二揀一，你會點㨂？
1個讚
我係男, 話你知, 佢講MARY PETER 的事, 其實係同你分享緊佢的生活
但你唔想知, 唔在意, 即係其實你都係唔聆聽佢,所以佢都對你的事無興趣
有時係雙向的。
3個讚
絕對係，所以我咁多年來都好耐心咁聽佢講公司野
聽下聽下，反而會聽出趣味，想像到佢公司人生百態
一般男人都比較悶，唔係講公司野就係講打機睇波，佢地冇咩野講架咋
唔好懷恨，一旦有恨意，佢做乜嘢都會觸發到你嘅恨
我係男人，我係好少野講，多聽老婆講公司野，俾埋意見
大家係要傾係要夾，無一對夫婦一開始就夾到，就算結左幾年十年，有幾多對係100%明白對方？係需要時間雙向磨合