同意呢樣野係雙向，至少老公會同你分享，我亦想知樓主冇興趣聽老公講番工事時係比緊咩反應？
同埋你淨係分享氣憤事，定有分享其他開心嘢丫～你話小事唔分享，可能佢正正想聽呢啲，所以先會同你分享佢嘅小事啊～
的確Mary Peter 我唔識，但如果佢哋有嘢可以令我老公感興趣，我都會想知發生咩事～
當時老公只會覺得我係自己諗太多冇必要嘅嘢，自己搞到自己唔開心⋯⋯我有係醫學角度同佢解釋咩係產後抑鬱，佢都唔願意去明白！
就算冇生過，我同細妹傾人地都有反應！sad 
有比反應呀，但唔知係咪我反應太好，依家Mary 同Peter 好似朋友咁，佢想同我分享Mary Peter 係公司發生咩事，但但去到我分享我係公司發生咩事時就dead air
我都想雙向，但到我想講時冇囉
1個讚
我覺得d男人係咁架，如果你準備講大長篇，佢哋只會聽到個序，之後就會遊魂
所以我有嘢要呻，一定將重點講咗先，然後先講detail發洩，因為我知道一講detail我老公又入唔到耳
所以我成日覺得老公係世上最守到秘密嘅人，因為佢根本冇聽我講
4個讚
咁你真係做得好好，所以老公先會咁鐘意同你分享！ 
不過你就慘啲⋯⋯我老公都冇我聽嘅時候咁好反應架，但佢會認真聽，然後「哦～」咁。
同埋如果我番工比人鬧，佢應該會覺得係我錯，然後講道理教我點點點，所以我唔會分享對自己不利嘅消息
1個讚
世上最守到秘密嘅人 笑咗
一樣呀，佢覺得係我諗多咗同悲觀，係我問題，佢嘅唔理解令我嘅抑鬱火上加油。我已經想死，仲要怪我想死
1個讚
我嗰個仲衰，佢直頭喺我好辛苦，控制唔到情緒大叫爆喊嘅時候再大聲鬧我
已經唔只一次，佢對我仔都係咁。佢可能係唔識甚至乎唔知道咩叫安慰/關心人
又有一次我有啲嘢煩想呻吓⋯⋯
佢：你呢個問題冇解決辦法㗎喎，咁你煩咩呢？
我：係㗎，我想呻吓啫
佢：咁你呻完未？
我：
唔好話心事同唔開心嘅事傾唔到，就連我講嘢搞笑啲，又或者講吓仔女嘅好笑嘢咁，佢最多都係hea住“哦”一聲，然後就冇其他對話，但好多時係連哦一聲都冇，完全唔知佢有冇聽到我講嘢。我成日都覺得自己好似儍婆咁自言自語。
1個讚
我老公都好鍾意同我講公司野，我聽少少就會遊魂
我好少對佢提公司野，有時講d激氣野，佢唔係企喺我果便，係會說教咁企對面黎話我，自己會仲激氣
啲男人唔是講公司嘢都會話返你，我揸車俾人隊尾，佢第一句就話要留意下路面情況，要避開危險
我話俾人撞點樣避開
然後我每次俾佢睇啲炒車片，我都會話肯定是受害者唔啱，佢無注意到後方有架車會撞到佢，足足串左佢半年，佢而家唔敢再叫我“小心啲”
1個讚
最憎佢講道理，道理我都識，有時係想佢安慰下啫，點知越講越嬲
咪係囉
我一定搵機會駁返咀
1個讚
I feel you
1個讚