跨性別人士試穿運動內衣被拒 店員稱「需顧及其他女性觀感」 6IXTY8IGHT 道歉認員工處理失當
一名完成性別重置手術、身分證顯示為女性的跨性別人士，今（25 日）在跨性別權益會陪同下到平機會投訴，稱連鎖內衣店 6IXTY8IGHT 上月拒絕她使用試衣室，懷疑是因自己仍有男性聲線遭拒。事主許小姐認為店員不容許她試身屬差別待遇，要求 6IXTY8IGHT 道歉，並促請平機會徹查；6IXTY8IGHT 回應稱，對涉事員工的處理失當深感抱歉。
許小姐在上月 22 日到 6IXTY8IGHT 的德福商場分店購買運動內衣。她說，起初詢問店員試身室是否如常開放，店員稱她可先購買，回家試身，不合身才更換。許小姐及後發現店內有其他顧客在試衣室試穿同款內衣，遂問店員為何其他人可在店內試穿，卻建議她帶回家試穿，店員稱公司只容許女顧客使用試衣室。許小姐詢問該店經理何謂「女性」的定義，經理稱「在場的顧客都是女性」。
經理：需顧及其他女性觀感
許小姐不滿，向經理展示其身份證上顯示為女性，但經理改以公司指引為由，表示需顧及其他女性的觀感，不接受「女性以外的人」使用試身室。許小姐繼而問自己在該公司定義下屬甚麼性別，經理說她是女子，但繼繽要求她回家試穿。許小姐之後出示其殘疾人士登記證，表明自己是已完成性別重置手術的跨性別女性，但仍然遭拒絕。
許小姐質疑店員是以其男性聲線判斷性別，又認為店員不容許她使用試衣室是差別待遇，亦涉嫌違反《殘疾歧視條例》（《條例》），因為跨性別者的權利受到《條例》保障。
現時跨性別者進行性別重置手術後，可獲發醫管局發出的證明書，到入境事務處辦理更改身份證上性別的手續。跨性別權益會代表丁丁表示，相關部門處理他們更改身份證上性別時，亦不會考慮其聲線及外貌，不滿跨性別者在難以改變聲線下，「咁我哋係唔係一世都唔可以公平使用女性設施？同埋得到女性待遇呢？」
6IXTY8IGHT 回覆《立場》查詢，形容今次屬個別事件，對同事處理失當深感抱歉，又稱會與相關部門溝通，避免再有類似情況發生。
我自己唔介意跨性別人士試身，
但間店都要顧及介意嘅女士呢。
3個讚
我都覺得係，成日叫人包容，但都唔應該令人有不安在先
1個讚
職員建議返屋企試，都好折衷嘅方法。
亦可能我哋一直都係女性，唔在意，
但對於佢哋好在意人哋認為佢係男。
2個讚
我覺得係歧視， 因為佢證件既性別已經係女性。
試身室係一間房，我覺得無咩大問題。 反而有時去咁些衣服連鎖店既試身室，用布簾又男女共用， 果啲先恐怖。
3個讚
其實入到去都一格格分開 隔離格係誇性別女人 真係對自己無影響 希望大家對誇性別放寛心 講真介意 我自己覺得d男人陪埋女朋友/老婆入黎揀其實仲尷尬啦 我每次去 都會叫老公係出面打機等我算
2個讚
雖然已有晒證明佢做左變性手術，但內文話佢仲係男人聲，唔通佢對在場每個女顧客都show 證以示清白？否則的話我真係以為有個男人係度試緊女性內衣。
我認我係會非常不安，唔會出聲，但唔會幫襯。
至於話有男客人入場，根本就兩件事啦，有冇變性人都好，男顧客入女裝部都要well behave架啦
4個讚
事主身份證 顯示 係係女性，法律地位已經承認係女性，e間鋪明知情況下，仍然拒絕事主使用試衫室，明顯係歧視。
如果作為一個中國既小漁港，你拉佢去浸豬籠都理所當然，但(如果仲係) 作為一個面向全球既文明城市，我對鋪行為予以遣責。
4個讚
我試過響女廁見到一個外型好男仕既人響入面，自己都嚇咗一跳，但原來有位比我早入去既姨姨已同佢「嘈」緊，大意係果位姨姨提佢呢度係女廁，但果位外型一睇覺得係男士既人話人歧視佢云云…
其實跨性別人士可唔可以照顧下大眾感受？係，你哋覺得自己已變性/心理上係另一性別，但事實係大眾真係會因為你哋明顯既性徵或外型有所顧慮，可以話公眾教育未夠好，但響普及之前，真係唔可以強迫所有人接受，係有機會會嚇親人，亦唔知佢自稱變性係真定假。如果係我…同Kipling一樣，我會唔試身唔買住。
所以我覺得店家容許果位人士返屋企試已係折衝辦法。
7個讚
如果係一個男女共用fitting room, 入去嘅女顧客自然有心理準備一定會有其他性別在場，
如果係男fitting room, 如果有其他性別在場，相信佢地一樣會嚇親。
唔駛下下講國際如何，去到外國有明顯其他性別人士入男、女fitting room（除非本身冇分性別）, 一樣會被人爆
我見過清潔阿姐喝停一個想入女廁嘅Tom boy, 佢解釋返，大家笑兩笑就冇事，個女人仲自嘲終於似男人。可以話香港性別定型得好緊要，但我亦覺得唔少人太玻璃心
4個讚
其實我都唔介意跨性別人士用更衣室
只是站在店員角度去想，其他女性顧客可能會唔理解，唔通逐一她們解釋？到時可能事主仲尷尬
而且不是每位女性解釋完也能體諒，到時店員又是被投訴的對象
反而調返轉由事主去體諒可能有一些不理解的女性顧客，回家試穿，是否大家都開心些？
2個讚
無錯，清潔阿姐盡左責，被誤會人仕又解釋咗，有皆大歡喜結局當然最好。但如果Tom Boy外型太男性而引起在場其他女性擔憂或不安，希望佢唔好覺得人哋係歧視佢，亦希望佢哋可站返響人哋角度諗，體諒一下。
1個讚
認同！有次去gym，換緊衫其間有位「男性」經過，我好驚！嚇到除左一半即刻著返！再望下先知係原來係女性！不過都怕左，等佢行開先換！
我哋同佢哋3唔識7，點樣體諒咁多野？又唔見佢哋體諒下嚇親我哋
1個讚
有時都驚遲啲正常反而係小眾、外國已經有誇性別廁所、亦唔可以教爸爸媽媽…
