我奶奶好愛個孫我明白，但係成日咩都搶住做，直頭當咗我個女係佢個女咁。
搞到我而家好唔想抱個b出房，好唔想比佢掂
我而家個lin頭痛到死，我都堅持埋身喂，就係唔想比佢用奶樽喂
沖涼又死都跟入沖涼房，幫阿b沖涼，佢又係都要插隻手落黎，我出到聲比爸爸學下沖涼啦，佢都唔會出去，會踎係隔離摸下阿b個身…
Bb床要推出廳，老爺會係廚房食煙，但係淨係開抽氣扇，唔閂門，然後個電視開到大大聲，又成日講粗口，好唔想比阿b出房。
我老公就一時時，有陣時奶奶做多咗會出聲話比我做，但係又陣時又會放出廳比佢地玩下個b
直頭出院果日，奶奶抱住我個b兩個鐘唔放落床，我上網搵唔可以抱bb抱咁耐嘅新聞比老公睇，老公先叫佢地唔好抱咁多。我都唔捨得抱咁多…好想佢快d認得媽咪
阿b夜晚入房跟我地訓，朝頭早佢會偷開房門，問我洗唔洗休息下，幫我睇，我覺得自己講到好明顯，我話「唔洗啦奶奶，阿b食完奶訓教我都一齊訓，我一d都唔攰，同埋係房靜d，比佢係到訓得啦。」但係佢都會問返十次八次都唔死心
夜晚食完晚飯就放阿b出廳比佢地睇下啦（老公話比佢地望下個孫）到夠鐘喂奶，無啦啦見到阿b換咗衫，我真係無言，而家你當阿b係公仔咁玩咩，得閒就換下片，得閒就換下衫
我次次放親出去，都喂飽，換好片，訓著埋先放出去，等佢地冇得氹，淨係放係bb床望。
最難頂係冇衛生常識，出完街唔洗手唔換衫未除口罩就想抱b，我係床邊放哂搓手液，酒精，都唔放心，都要再問多句洗咗手未（換衫就冇可能換，佢地返屋企絕對唔換衫）
我就黎頂唔順大嗌「我先係佢親生老母，唔好同我搶b！！」
1個讚
食煙、粗口、電視、衛生都好有問題，除非你好強硬，如果唔搬走，有排你受。
依家你都話氹埋佢瞓覺先放廳，大d 識行識走你都困唔住佢淨係喺房。
3個讚
已經盡力提佢地嫁啦，每次老爺一放工就叫佢去洗手，但係真係用水洗囉…又唔可以企係佢隔離叫佢用洗手液
奶奶仲朝朝都落街買餸，返黎又唔換衫…講極都唔聽，星期日我爸媽上黎探bb，入到黎用無酒精消毒液噴衫，佢地仲話我阿爸阿媽誇張…
樓主，真係唔識比意見你點做，我都係咁，同佢哋講過我哋想做多啲，但都冇用，不過我嗰個叫做比較講理，同佢講咗之後冇發脾氣，只係講咗之後冇改善… 一樣係事事搶嚟做
覺得樓主老公都好盡力balance 㗎喇，佢有時都會幫下你，證明佢有呢個awareness. 但佢有時又唔可以做到淨係幫你，一陣刺激到奶奶發脾氣係會仲衰
見到你話因為奶奶所以堅持埋身覺得好有同感，因為我都係 
不過你真係要搽返啲嘢for nipple，始終係長久戰！同埋飲多啲水呀，自己身體都好緊要。
同埋你要相信bb 呀，佢哋好叻㗎，知道邊個係媽咪，一歲前我都好無信心，一歲後佢就係咁媽媽媽媽。
只可以講一句：u are not alone. 大家加油。
2個讚
奶奶成日都好想抱，出院果日，抱咗3-4個鐘冇放低過，搞到阿b訓唔到教，（我都未抱到阿b
）我搵新聞比老公睇話會影響發育，我老公先叫佢地唔好抱咁多。
今朝早6-7點阿b扭計，食一陣奶又唔啜，我出去熱返之前泵d母乳，諗住拎入房喂，奶奶見到問我係咪冇奶比阿b食，叫我補奶粉啦，我嬲到想喊…
我奶奶仲要係老公面前一個樣（扮到好關心我，同老公講我好識湊b），係我面前另一個樣（話我呢樣果樣唔啱，咩都插隻手落黎），之後老公放工就會話我抱阿b係房成日，唔比抱出廳，我老公就會抱佢出廳。
佢之前有返工嫁，我都冇要求過佢要幫手湊，同老公傾過，叫我做ftm，但係奶奶自把自為辭咗職…同埋佢冇咩興趣，唯一係中意打麻雀…
大家加油
都係寄託黎嘅
