原來你奶奶係加速師 
不過都要jm 你果斷搬返娘家 
1個讚
‘掉晒我雪櫃啲人奶’
即刻爆佢老尾
琴日終於崩潰爆喊，老公好驚我產後抑鬱
叫我去睇醫生，或者返娘家住兩日
但係返娘家住兩日，個b咪比奶奶照顧囉…
我老公究竟明唔明我點解會抑鬱嫁
緊係帶埋阿b返娘家啦
2個讚
我同你情況差唔多，BB出院嗰一秒已經搶咗我個女抱住一支箭咁走咗去，上車都仲抱到實一實，話覺得我唔識抱死都唔肯俾翻BB我抱
因為早已預定返娘家坐月，佢直都去到我娘家先肯放低BB。之後成日都嚟探BB，次次探親BB個抱佢成粒鐘，我埋身餵佢又衝入房睇住晒，我用樽餵又要掙住餵，又次我已經特登入我媽間房餵奶佢竟然照衝入嚟
我老公講佢講過千萬次都仲係咁，我勁唔開心，壓力勁大，日日都喊，好難想像坐完月返去會點樣……
1個讚
我真係好唔想老爺奶奶掂bb，就啱啱bb痾屎，奶奶都搶住幫bb洗屁股…
我已經好努力同自己講係生完賀爾蒙影響姐，好少事，落街行個圈透下氣，但係係街到都會留眼淚
佢直頭見到我係UV機拎奶樽出黎兩隻眼發光添
1個讚
我都係過來人，絕對明白你嘅感受，或者試試調整自己嘅目標同期望會舒服啲。
我近排慢慢地學識「反正你哋申請嚟做，就你哋去做好喇」，難得有人自願申請餵奶、換片、沖涼、洗奶樽，你就多咗空間泵奶、補眠、同BB玩，何樂而不為？半夜BB喊照揾幫手，揾多幾次自然有人會打退堂鼓
育兒路有排行，要著眼以後日子，你真心愛錫BB，BB知道㗎
一齊加油
2個讚
嫲嫲要食奶奶
嫲嫲要換片片
嫲嫲要洗pat pat
嫲嫲…… 嫲嫲…… 嫲嫲…… 嫲嫲……
搶先一步嗌佢哋幫手，效果更佳
4個讚
其實我老公叫我做ftm，奶奶自把自為辭職幫我湊，但係冇人叫佢湊，日日都唔敲門就開門入黎就話抱bb出廳（重點係佢趁我老公一出門口返工先咁做，老公完全唔知）
同埋我全埋身喂，所以喂奶都係我自己黎，佢最黑人憎係個b其實都未滿月，未識得扭計，bb痾屎痾尿又唔會喊，一喊一定係肚餓，我聽到佢喊，緊係出廳諗住抱佢入房喂奶啦，但係一出去奶奶就抱住咗，問我係咪想食奶，我已經答咗十萬八千次佢喊就係要食奶，佢呢下就一定唔會入房搵我嫁喎，抱到實一實
你問下佢係咪要仔唔要乸
我知我老公好緊張我，但係佢會愚孝先囉
淨係識話我唔尊重佢地，黑佢地面
但係次次做親我唔中意嘅野佢都唔係到，奶奶把口講，佢就信哂
就算我想放鬆d，比佢地玩下，都要比時間我原諒佢地嫁，但係我想唔諗咁多果陣，一出廳就見到老爺收工返黎唔洗手，抱住我個b，個頭哄到勁埋，我點做到唔理啊…我唔搶個b入房，咪自己返房唔開心喊囉…都冇解決方法…
你同老公要確確實實認真傾傾，你去俾老公知道你同奶奶實際上嘅關係同你嘅睇法，老公係你同奶奶溝通一道重要橋樑，講清楚你自己嘅底線同期望。
你奶奶嘅育兒方式同現在脫晒節喇，如果奶奶唔肯聽你哋講，試試揾自己媽媽過嚟幫下手做俾佢睇，你、媽媽、奶奶當傾閒偈咁講你哋育兒嘅方法佢知，睇下咁樣又得唔得？
不過你又要再諗諗係咪要做FTM，做FTM你就要有心理準備日日夜夜對住個B同奶奶，同奶奶又唔太咬弦就有排你受呀
另一角度睇，佢甘鍾意個B好過憎你個B，完全唔理。
2個讚
我都覺得有時改變唔到咪轉換下自己心態，一咪咁轉牛角尖冇事都變有事。
佢地錫bb都好過佢地唔錫bb，有冇主動同兩老講話出面咁多菌，返到屋企一定要洗手沖涼換衫先好抱bb，如果唔係bb有咩事大家都心痛。
其實你做到咁明顯成日同bb里埋係房，佢地實知你唔鐘意，但你奶奶又鐘意bb喔，咁緊係日日都厚住面皮入黎抱阿b出廳架。
或者可以試下餵完奶掃完風趁bb未訓果時主動抱佢出去俾兩老抱下，俾之前問清楚洗左手未啊，跟住30分鐘左右到咪同佢地講好啦，阿b要訓教啦，佢要試下自己係床仔訓啦。
一咪唔俾佢地掂bb，佢地咪仲搶得犀利。
2個讚
搬走囉 咁唔鐘意
好明顯佢唔明啦，你一於抱埋個B返娘家啦
樓主，你應該抱埋阿B返娘家。俾佢知根本唔係照顧阿B壓力大而抑鬱，係因為佢阿媽而抑鬱。
BB仲係我肚到，但已經聽到99佢好自豪咁講佢嘅湊仔方式。例如我老公3個月大，俾條炒菜芯佢啜，4個月坐都未識坐，俾雞脾佢"梅"，同我講呢啲咪即係你地啲咩咩BLW. (我提過想行BLW)。仲話自己當年啲人奶多到漏哂，衫濕哂…我都幾肯定一開始佢一定嫌我唔夠奶…
我聽完同自己講，為咗阿B嘅生命安全。我一定要做FTM!!
4個讚
我同老公攤開晒黎傾過啦，我同奶奶一齊住咗咁多年都相安無事，第一次有問題，老公都係第一次知，好彩佢好有耐心咁聽我講點解會咁，我有咩要求咁。
而家等奶奶適應下新模式，希望應該冇咩問題。
我真係好彩嫁咗個好老公
3個讚
加油
生完身體未復原，餵人奶又冇得瞓，仲要對住呢種奶奶真心會崩潰。要有心理準備長期作戰