唔知有冇post錯區
我老公好似變咗另一個人，我懷疑佢俾鬼上身！
佢以前對我好好，好就得我
自從阿仔出世之後佢就好似變咗另一個人
線索一
我地屋企個wifi password係佢改既（我個英文名加5201314），但係佢竟然唔記得左，仲問番我，我提左佢之後，佢就問點解改得咁難聽
線索二
佢餵阿仔食飯，次次都餵到阿仔大喊，可能阿仔都feel到呢個唔係佢爸爸
線索三
由有左阿仔開始，準確啲嚟講係721之後，我哋兩個就開始想移民，做左好多research都討論咗好多次，後來我正式申請，等咗半年，到而家正式有啲眉目，佢突然之間又話唔會走，我想坐係佢側邊傾下，佢就一手推開我
線索四
兩夫妻親密關係，以前都係佢做主動，最近我唔撩佢佢都唔會掂我
線索五
佢平時都係買下小禮物俾我，但阿仔出世以來，所有大小節日包括生日情人節聖誕節紀念日，通通都無慶祝，就算我提左佢都無表示
但係佢又有啲行為係同以前一模一樣咁衰，例如夜晚打機打到三點唔訓覺，家用三催四請先肯俾。
諗深一層，其實阿仔啱啱出世嘅時候佢都仲係對我好好。果時我攰到喊，佢會拍拍我個頭安慰我，話雖然阿仔重要，但我都好重要。夜晚佢仲會捉住我隻手訓。但自從陪月走咗之後，佢就變晒啦。
我懷疑佢被鬼上身，請問大家有冇師傅介紹，我好想要番果個好錫我既老公呀…
