問下黃大仙都好， 如果你老公真係鬼上身，連年去都好抗拒
唔似鬼上身，似唔開心多啲，可能壓力大，多啲關心下佢
因為你講d,我先生依家都係咁
回不去以前
唔知而家仲有幾多人信鬼，佢唔信的話，你話佢鬼上身，同你反面都得
你講d野，部分其實好多夫婦結婚生仔都會變啦，遲定早者
Ps個人完全唔信鬼
4個讚
樓主，我唔知你係認真實定講笑，點解你第一反應會係覺得有鬼？！
正常應該係覺得，老公唔愛自己、變咗心、有第三者、唔適應做爸爸 之類。
你老公嘅變化，係好典型嘅唔適應做爸爸嘅反應，覺得老婆仔女煩，想好似單身咁自由，咩屋企野都唔想理。建議唔好咁迷信，認真同老公傾吓，幫佢適應如何做“爸爸&老公”呢兩個角色。
10個讚
會唔會關個陪月走左事？
唔適應自己湊返，可能係產後憂鬱
問下醫生
2個讚
樓主係咪平時都好迷信? 點解第一樣野會諗到鬼上身架
可能好似其他人講係壓力，心理病，如果唔係，畀到盡最多係腦部有腫瘤都會改變性格，點會係鬼上身…
1個讚
樓主老公最近工作點？
我都覺得似係因為陪月走左，要自己落手落腳湊小朋友，對突然既身份轉變同埋責任感到不知所措先會咁樣？
你知喇，女人陀住個陣就已經預備自己做阿媽，但係男人就真係要生出來嗰一刻先覺得自己做咗老竇
樓主試吓向你老公身邊較傾到計嘅家人/朋友了解吓佢係佢地面前有冇任何改變？
邊有咁多鬼上身，你越信就越易俾人呃錢
2個讚
係囉，我初初睇標題以為鬼故，睇完所謂線索，就諗樓主係曲定講笑。
我都覺得係好典型由老公過渡去爸爸會發生嘅事，男人唔同女人，佢地會慢女人好多，我身邊都好多，就算bb出世咗，都未成熟到變到一個爸爸，我見過有啲真係要幾年先會好少少喳。
不如一齊傾下(雖然佢未必肯或意識到自己問題)，或者你上網睇多啲依方面文章了解下先。
可能唔鐘意個仔or 有第三者
如果唔係鬼上身嘅話…可能係
男人都會有產後抑鬱架
個concept就好似啲人遇到壓力freeze咗咁,唔識得應對,於是就逃避,唔記得晒啲嘢咁…
可以一齊見吓婚姻輔導睇吓幫唔幫到手
2個讚
唔好介意，我覺得你生完bb 可能荷爾蒙變化，變得個人好敏感，小小事就神經質咁，不過我一家唔知一家事，唔好怪我直言。
樓主，你字裡行間講老公以前點就你對你好，我諗你係比佢縱慣，仲要係果種有時發下脾氣等佢氹…
你唔好介意，不過你會唔會自恃大肚對你老公發多左脾氣要佢更就你？人有彈性，但拉到某一個位就會斷。
多個細路使家庭環境改變，本身都好有壓力。如果老婆發多左脾氣又因為生咗唔敢鬧佢，可能壓力會積得好勁，影響佢性情。
如果佢真係變得咁勁，我擔心會唔會係情緒病，佢都需要人關心下。去睇下醫生見下社工啦，實際過估鬼上身。
3個讚
趁你有左有第三者gea機會…… 
對唔住唔係想嚇你，不過我覺得係女上身，有第3者