可唔可以講"I didn’t catch that / what she said" ?
thanks
didn’t catch指嗰時間短d，可能係幾句
couldn’t catch係指整體
兩者有分別但不是太大，咁講起碼意思上人地會明白
gramma係點我就唔深研啦，因為native speaker d gramma都未必好
大家溝通交流起碼意思上要表達正確
睇英文劇同新聞儲多啲話題
然後喺塊大鏡前面練自己同自己用英文kai子咁傾下偈
迫自己講多啲見到其他人就會無咁驚去講
英文係小一開始正式建立 (vocab, grammar 嗰啲)，幼稚園可以起步就自然好，但我唔覺得幼稚園冇語境就一定唔得，好多外國人都係小學甚至中學先學英文，但都唔差，識好多個後生日本人，佢地英文都流利，佢地小學高年級先開始學 abc I am you are 嗰啲咋。我自己都係小學先開始正式學，7 歲先考 Starters，宜家啲小朋友四五歲串識曬入面啲字。
你要投入去學，抱著正面態度，同上面講嘅一樣，多接觸。Youtube 太快？咪放慢速度？放慢都聽唔明，可以搵 screenplay (台詞)。一句一句一齊念，念到入腦，一定要學語調。
打機都可以學，最好就玩外國人 game，入 discord 一齊傾打機、閒料。我印尼文都學到少少就係因為有 join 啲印尼 livestream 同 discord。
作文唔怕寫，日日寫下日記，短文都得，一定要練筆。你中文寫文都會學同義詞、靚靚成語，英文都一樣。每次用啲小學生都識嘅詞語，就問自己，我識唔識深啲嘅同義詞？唔識嘅話，上網望下，搵一個去記，例如 happy 可以有 delighted, merry, thrilled，咁你可以揀 delighted 去記，有精神先再記其他。
周庭都唔係小學就學日文，好後期先學，宜家開埋片講曬日文添！所以你都得！
2個讚
我自己定個目標唔高：總之用英文生活到，可以識到外國朋友，唔好話喺英語世界變聾啞就得
勤力d，今年連三大嘅收生分數都下跌咗。
下年入三大不是夢
多謝指教 
1個讚
無錯
最緊要溝通到，日常生活無問題就得
1個讚
我最近睇一套Netflix嘅處境劇，叫金家便利店，都幾好笑，係講啲韓國人移民去加拿大後嘅生活。因為都係亞洲人，會有啲共鳴。
我都係睇住英文字幕睇，遇到唔識嘅字，得閒就查吓，唔得閒就由佢估下。
佢哋講嘢語速冇咁快，輕輕鬆鬆，開開心心睇一套。
淨係記得：I go to school by bus
1個讚
覺得佢同老公都好陽光
之前武肺最嚴重的時候佢地依然可以保持歡笑，笑看風輕雲淡
1個讚
學語言講資質！
我自己就好唔得，人人都話要夠胆講，0K，我夠胆亂講。但是我聽唔明人地講，什回應，什繼續聊下去！
盡人事啦…
煲冬瓜都仲係爛的
要一步步嚟。霎時間聽唔明係一定嘅。所以要靠睇劇睇YouTube 打好個底，一點一滴累積。到某一日你就溝通到
1個讚
係囉。我諗唔係native 但至少溝通到。我識兩個女仔都話韓劇聽得明九成，因為睇好多。其實有心學真係得。
3個讚
老實講，學黎為考試之嘛⋯⋯⋯⋯⋯⋯
出黎做野就會發現學既英文同做野（一般工作）無咩關係，慢慢就忘記，然後工作上用既黎黎去去都係咁上下，email 寫黎寫去都係果堆野
前幾年轉左非外資公司，公司只有香港人或大陸人，所有email, report, ppt 都係用中文，唔好話講英文退步，甚至乎寫都係。寫email俾大陸老闆一定要用中文，即使佢哋話係外國過讀書，都唔肯睇英文。自己唯有睇下英文書同電視，等自己唔好退步得咁快
我都唔多聽得明印尼話架，照聽照學大膽講，十句可能搭到一兩句，都係進步。其他語言我都係咁樣慢慢黎。有心學嘅，總會有進步。
宜家同啲印尼姐姐講到一兩句，我都當自己進步喇。所以好重要就係保持正面心態，成日諗 “要有資質先學到、我都聽唔明”，呢啲負面思想唔會幫到，反而係令你縮入龜殼嘅藉口。所以繼續加油！唔洗怕唔明，啲 BB 一出世都唔明你講咩，咪又係跌跌碰碰學。你有能力由 BB 零語言變到流利廣東話，就代表你有能力去學語言。
3個讚
大陸中文仲恐怖，成日我司我司
要多實戰, 同鬼佬溝通下, 先至可以講得順暢