本身見有啲款喺香港好難搵，所以運費貴一貴都走去買
發貨慢都算，客服又覆得慢，有時等足成日都冇反應
最慘係我收到嘅只係半完成品，我網購咗咁多年都未試過遇到咁誇張嘅情況，連我男朋友一見到隻鞋都好嬲，瘋狂咁罵佢有冇搞錯
廢話唔多講，直接上圖
3個讚
d手工好差播
本體連運費冇記錯大約三百幾蚊港紙
係就係唔貴，不過個窿仲大過我個口，真心堅嬲囉
而家send左客服申訴表又係要等佢覆
就算有full refund我都會繼續幫佢做宣傳
嘥我錢又嘥我時間
2個讚
真係垃圾，爛到咁，買左幾錢？
公道啲講句，啲皮摸落係靚過香港同價位嘅料
不過咁搞法真係就嚟要當拖鞋著先得
連運費三百幾，佢做緊promote
咁對方公司點答你啊 應該要退錢喎咁
我今日夜晚6點幾收貨，啱啱12點幾先得閒開箱，一見到咁嘅情況已經即刻download份申訴表同影低相send畀佢哋客服
佢哋聲稱會喺48個鐘入面覆我，但係聽日禮拜六，即係可能要等到禮拜二先有回應
估唔到台灣買野都咁 我今日都買係台灣網買左對鞋 希望無事
台灣網店啲質素好極端
一係就好好；一係就仲垃圾過淘寶
但係洗呢個價錢又咁貴運費 可以淘寶買幾對（利申依家唔再買淘寶）
其實我仲未提佢鞋墊位係拱起咗，即係完全唔貼個鞋板，不過因為好難影所以冇影到相
衰啲講句呢個價錢上歐美網都有大把選擇，只不過呢啲款喺嗰邊好難搵咁解
八卦一問, 知唔知係MIC定MIT
MIC
至少我呢對係，唔知佢個網係咪對對都係咁
未成品！？
我都唔識講
鞋頭爛嘅位我真係唔知要點做先會爛成咁，你就算叫個肥婆格硬塞晒腳入去都唔會爛成咁
鞋墊位好明顯膠水落得唔夠，或者冇壓住佢嚟乾，所以成塊鞋墊飛咗出嚟
我真係解釋唔到隻鞋點解會咁
簡單係世界七大奇跡
真係好唔掂^
其實PTT都有好多人嘈過佢哋啲鞋好垃圾
不過我一直以來喺台灣網店買親嘢都好滿意，亦都冇出過事，所以就大安旨意以為呢間舖都冇問題，冇事先做Research，點知就奶晒嘢…
重點係佢哋官網有講明海外唔接受退貨，我驚佢哋連退款都唔肯所以我尋晚已經喺Google圖文並茂咁唱衰佢哋