呢排同另一半討論過好多次但都未有共識
講下我地背景先，係外國留過學所以適應環境、語言都冇問題，冇小朋友
佢係專業人士，2年半後完scheme先可考牌
至於我普通OL，但唔怕捱
係英國搵唔到office工我唔介意做barista/ information centre/ sales/ concierge etc
佢父母有bno，都好鼓勵我地快啲走
但佢就想考埋牌先過去，一黎易搵工啲，二黎而家走佢個scheme要重新黎過
咁我都理解…但2年半後世界變成點冇人知，而且我地後生仔，係度好高危
我唔想等多2年幾…有諗過另一個方法
我自己去讀書移民，就唔洗靠另一半本bno
但去讀多個diploma又好燒錢
而家都唔知點算好，每次討論完都係冇結果冇共識
你個case我會揀等另一半考埋個牌先，將來就算無咗BNO visa，專業資格移民一樣得，而且仲有好多國家可以揀！
當然係等對方考埋牌，兩年半時間好快，你咁急走既原因係有客觀理由？
如果局勢急劇轉變走火警咁當然無辦法唯有即刻就走
我又覺得無小朋友其實唔洗咁急住走，不過局勢日日變，到時走唔走到真係自己諗
我都覺得不用急！冇孩子兩個人有事起上來，所謂偷渡都得(雖然是最差情况，但現在不是最壞，仲自由出境)
2年幾考左專業試是值得的。
都真係可以等考埋個牌先走
未有小朋友，就等埋啦！
另一半係老公定男朋友？未婚就更加唔好急
重新開始scheme 差咗幾耐
其實應該早走早著…但係佢唔肯真係冇辦法，Bno喺佢度…
我都明你想即刻走，我都係，但我要最小等5年。。。 
佢哋下年1月先開始申請visa，都已經係半年之後。再一年至一年半之後開始plan嘢走，其實都已經差唔多過左兩年半。我覺得都係可以忍耐嘅範圍。況且，有牌先係利多於弊 
又唔係走難, 唔洗咁急喎, 值得等, 2 年半好快過, 同埋中間呢段時間你唔係乜都唔做架嘛
可以準備定好多野, 有排你忙
我好似你嘅另一半咁，要讀多2年先考到牌，衣加咁急走，有咩意思 
未來嘅事係冇人會知，但邊個話走左一定好好呢？
個visa最快下年1月先有得申請，加上疫情關係，走得嚟都2年啦。緊係等埋個老公考咗個牌先啦，都唔爭在嗰半年。
2年後，唔知什麼事。
而專業人仕。。。英國都唔缺這些。
有專業人仕牌，唔代表容易移民。
去到都要再考其他野先做得
咁有實力又有背境．咁都自己揾嚟嚇自己．怪唔得李生都丟頭髮．放心啦你地點做點好．留低依家係愛國．第日可以做林彪之類．離開依家係叛徒．第日子女知會感動到咸!
如果BNO係佢度,都無法子啦. 向樂觀方向唸囉.
如果你未有小朋友而另一半既專業係其他國家都承認, 其實你又唔一定限死自己要去英國, 不如睇下其他國家可唔可以先過去再繼續考個D試.
冇啊 純粹唔想再留係度 日日都有荒謬事發生+掛住外國生活
個scheme total 4年
點解既？介意分享下嗎？
多謝大家既意見
的確我冇需要急著走
只不過自從幾年前係外國返黎後就好想再離開
咁啱有個bno policy就想即刻去
不過大家都有道理，申請+準備得黎可能都半年-一年後既事，唔差在等埋呢兩年幾～
咁呢段時間就努力儲下錢當裝備自己