我老公係鬼，等佢拎埋香港身份証先。加上佢好中意而家呢份工，分分中5年後佢一句話唔想返去既話我都企係度。 
1個讚
咁到時你可以用spouse visa入籍，都冇咁驚～
其實的確係可以唔用BNO個scheme。只係唔知佢想係香港住到幾時唧。。。始終佢唔係我地咁係度土生土長，睇完D新聞會覺得好離譜但唔會嬲到好似我地咁。
我老公其實差2 年可以攞身分證，但最後都覺得香港身分證可有可冇
想當年我阿媽冇返澳門換澳門身份證，早十幾年想返去住都唔得，所以攞左先算。
加上之前派一萬，冇永久居民身份證唔攞得。佢有交稅都唔攞得。嗰啲唔喺香港住，從來冇交過稅嘅人又有得攞，新移民嗰班又有人出嚟幫佢哋攞。頂佢，鬼佬唔使畀人減人工咩。就係一張身份證所以冇得攞。
住就一定可以，因為我係香港人，我可以幫佢申請簽證。
至於$10000，佢一樣冇，交稅… 哈哈甘囉，但冇計，係我唔返工最後一、二年先叫好少少，收返$3xxxx 退稅，開心到暈。
不過個人選擇
1個讚
呢句真!兩年喎．捱到至算!
1個讚
我同佢都係諗，如果張身分證真係咁重要，就冇理由咁多人想走，本身係香港人當然重要、但佢唔係。
我哋香港係偽中產+百冇人仕，香港又變成咁，所以唔想有為咗身分證而勉強留2 年-2 年半。反正果D 咩10000 最多咪1 年1-2 次
以上純粹個人感受及選擇
1個讚
你好諗頭、派錢一年派一二次．同填海唔同架．無乜回佣架!
1個讚
10,000邊有一兩次咁多丫。點都唔夠澳門多。但係有我亞媽呢個人版，就覺得點都攞左先。第時因為咩原因有需要返黎都好都都唔洗哩咁hea。多一張好過少一張。況且佢勁中意而家份工，發展空間大，加上小朋友先得一歲同埋一個就出世，小學前再過去都OK，始終英國nursery都唔係平。所以我既情況就係都唔差在拎埋張証先。當然可以即刻走就最perfect 啦
但係嫁雞隨雞，佢唔想我都無佢扶，我又唔會考慮太空人。
果類野，唔係講exactly $10000
學生已經肯定每年$2500
再有就其他
其實我都話個人感受、選擇。
我係回應另一位JM，因為佢講中我地本身諗，2 年都唔知點捱。而之後我同老公分析呢2 年值得留港為張身分證嗎？而且佢份工，好大機會move 個位去上海。
如果有機唔走、可能年尾去大陸
啱啱睇完黎智英單新聞又再次動搖
1個讚
我已經無心機返工, 好想快啲可以移民.
1個讚
冷靜啲先 - 要咁急走咁高危既原因係因為你哋係後生仔 定係 政治原因? 如果唔係咁迫切，可以考慮比啲時間雙方準備吓，你去過外留學可能容易啲適應，但移民唔係一個簡單既決定，係需要好好同另一半計劃吓既，計劃得好啲，將來會開心啲!
快起上黎用一年就摧毀左香港。再留落去都唔知會發生乜嘢事。
今日搞本地傳媒，遲d就會搞國際傳媒。當香港冇晒外籍人士，發生乜都冇人知，我地就等死。
1個讚
靜落嚟、諗一諗
有冇同老公、家人傾過，走咗之後你哋有乜利弊？最壞打算、可唔可以same page 面對？要去嘅國家、一旦冇咗中國、經濟體系有乜好大影響？
真係諗起都驚…而家日日加速我都唔知點跟
1個讚
前排同大家傾完已決定好2年半後完scheme即走
呢段時間就儲錢+準備
但日日睇新聞都…
1個讚
有傾過～對另一半黎講最大既弊係事業
果邊而家經濟差，難搵工，而佢又想做返本行
同埋係英國人工扣埋稅，人工會低啲
對我黎講冇咩弊處，一黎我冇咩事業
唔驚重新黎過，父母仲在職亦唔洗俾家用佢地
我諗對我唯一concern係好快會燒哂我筆積蓄，如果係英國搵唔到工的話
最大既利就係可以返果邊生活，另一半係英國讀書好鍾意果邊環境，我都係
政治環境更唔洗講
我地成日話好後悔返左黎香港，但唔返黎又識唔到大家
1個讚