身邊有朋友成日問我走唔走，聽到我話唔走後成日sd 黎講香港政局幾差幾差，你唔為仔女着想下？我一開始有認真解釋，但佢過幾日又loop過叫我考慮清楚，又話英國物價平其實都ok etc. 重點係其實佢都冇打算走的，佢聲稱自己窮d，但講緊2公婆加埋都月入8,9萬。
利申：我認我現實睇錢份上，要我捱窮我情願做港豬唔理政治。人各有志姐，自己唔走勸人走真係好冇說服力！
1個讚
成日問又真係幾煩喎。
你冇明確話你唔想走嗎？佢做咩問完又問咁奇怪既？
通常呢d你要先下手為強，你問左佢先，佢就問你唔到 
3個讚
其實每個人走定唔走都有佢自己嘅理由⋯⋯
睇你同佢熟唔熟啦就決定答得佢有幾絕啦 
2個讚
去或留都應該係自己睇足夠資料同聽意見，然後作切合自身考慮既分折而做決定。人地要講乜由得佢，唔應該影響到自己決定。
走唔走呢D好個人,如果佢走想有伴就話JE…
佢覺得你有錢可坎走
就咁睇文字我覺得樓主朋友冇問題，佢係唔係冇bno、太重家累所以唔走？
自己冇得走，但想人地可以有更好未來好正常。
Bd呢度有幾個會員同我都冇得走、未走得住，但都我地都勸人走
3個讚
可能佢想你過去英國後，向你打聽英國生活才決定佢自己走唔走。
所以慫恿你走
我有個朋友都係咁，我同佢講過，雖然有小朋友，但唔係話走就走，佢單丁一個就話易，我一家四口，又唔係成億身家，一時放底哂走，過到去，搵唔到工，重易有家庭問題
佢有bno架，上年中已經叫我投資/技術移民，聲稱自己得的話都會走。咁好喇而家bno ok左，佢成日話自己冇錢先唔走，其實hk地佢有層樓都唔窮得去邊。
我自己就覺得佢唔走既原因同我係一樣，就係hk發展得好唔想重新再捱過，所以我真係唔明佢做乜係咁提住叫我走喇🤦🏻♀
其實叫你走都係好意吧…
我自己傾開都有勸朋友走、醫護做到死、而家去邊都任揀唔擔心就業、仲要兩個讀私校、長工時到咩都外判、搵極都俾唒人
1個讚
單丁後生真係無敵、有家庭就多啲考慮、但走其實又主要為佢哋、矛盾
我好明確咁同佢講我唔想走架，我都有問佢咁點解佢唔走？佢話係佢老公唔想，佢自己冇所謂。
但佢2公婆冇生bb, 我有2件，講講下就好似話我唔為我小朋友着想，又話我走左的話仔女大左會感激我，我就覺得好道德綁架左我咁
講真，自己仔女點會唔理，都可以有其他選擇例如送佢地外國讀書姐。
咁又真係幾煩
我就係咁，話有錢又唔係真係超級有錢，叫偽中產吧，其實咪都係打工仔。我同我老公傾完覺得hk搵錢多，留得多俾仔女，好過一家4口一齊過去捱。
'如果你肯走你小朋友第日會感激你 ', 呢句難聽過粗口，講到好似我只諗自己咁，但其實我覺得佢講到好似要只諗小朋友先叫好媽媽
我咁聽佢係好意，但佢唔識表達
1個讚
係呀，佢唔係衰人黎，佢係真心覺得我情況去外國好，所以都係唔啱聽憫左，但唔想同佢鬧交🤦🏻♀
我理解到你已決定留低，佢只係朋友不停send news嚟打算打動你，你反而認為煩。
我身邊有個只係客人，自己有外國護照，要走簡單好多，每次見面一開口就話你都快啲搞移民，我有解釋過投資移民要成千萬，讀書移民又要考慮夠唔夠一路讀書，一路夠我同小朋友生活費，無能力走，以為講一次，兩次就唔提。佢次次見面，次次講，真的好煩，感覺是佢有護照，有屋喺外國，唔明白他人要重新來過，仲要有老有嫩的考慮。 我要走就走，唔會因為你提多幾次所以走。
1個讚
我諗主要係因為你有小朋友，我身邊個個都好驚訝我哋有兩個小朋友都仲唔走，我心都係想走但會尊重老公意願，如果嗰位係你好好嘅朋友不妨叫佢真係唔駛再勸，你哋有自己諗法。
1個讚
佢提你都係善意的
如果無下一代我會留低
好老實香港睇唔到將來
你諗住遲啲送仔女外國讀書
遲啲去留學會唔會仲咁易？
我真係唔知哩個政府會有幾瘋癲
1個讚