答左佢一次仲唔夠？咁唔成熟既人都有架？
每個人都有唔同既考慮，講真就算你要走/唔走，都唔需要同佢交待啦。
佢再問你都係笑而不語，佢就冇引走開。
其實我覺得你朋友係為你好，尤其你有兩個小朋友，同意佢話走左將來小朋友會感激你，我兄弟姊妹呢幾年好感激我父母當初移民呢個決定，以前吾明白，依家大左先知自己幸福
2個讚
我有朋友嫁去加拿大，雖然未至於三餐不繼，但買野要就住就住，買二手衫二手玩具二手bb車。我自己細個窮過，會羨慕同學有新書包會暑假去旅行，所以我覺得走左唔一定係對小朋友好，唔一定會感激呢個決定。
1個讚
係呀，就係次次普通傾計，可能本身講緊疫情，就會變成政府抗疫差香港冇前路，你真係唔走？無限loop,講咩話題都會變成移民話題🤦🏻♀
就係睇唔到香港既將來
系唔係到佢哋大個左香港仲係搵到食？
大陸人會比機會香港下一代？
香港人唔介意比佢哋騎住？
無人會預計到10年20年世界會變成點，現階段我唔覺得香港情況有差到好似世界末日，未差到好似連登所講既走難式移民。
重點係，移唔移係個人決定，如果我做錯判斷我會自己承受番結果，既然我已明確同佢講我係唔會走，咁有冇需要不停遊說我呢？仲要其實佢自己都係唔走~
講一次半次就係’為你好’, 講左10次就變成煩喇
1個讚
你朋友見你有小朋友呀.
當你朋友先煩你
其實我覺得正正係有小朋友先要諗清楚走嘅時間點
去到頭幾年唔會有政府幫、更加唔好講請工人
一定要諗好、plan好、make sure小朋友返放學照顧呢一part係Secure 左先好走
細路越大個，越可以放佢自己返放，俾個電話佢就ok
大人兩個都去返工搵錢維持家計都仲得
喺外國人工一定無香港咁多，唔計工種，最少咁多年累積嘅嘢都喺返公司
所以考慮清楚唔走住，我覺得好合理
反而如果未有小朋友，死捱難捱都一定搞得掂，諗嘅嘢少好多
1個讚
移民與否我覺得我同我老公+屋企人有共識就ok, 朋友再講落去又改變唔到我，又影響大家關係，咁又何苦呢
人人諗法唔同，不論係朋友定屋企人都好，提出自己意見後都要尊重人地決定，人地人生人地作主，將自己諗法強加於人地身上就變成自我中心架喇。
1個讚
無小朋友留低見證歷史
我自己咁諗
咁你坦白同佢講啦
唔認同做朋友就可以煩住哂，樓主好明確講左咁多次唔走，佢朋友好唔透氣窩
我有個同事佢個女中三, 我覺得佢好迫切走, 希望可以趕到讀大學LOCAL FEE, 所以成日勸佢走. 之後我發現佢應該唔會適應到外國生活, 因佢話食野要新鮮, 之後我就無再提.
請問中三點趕到local fee?
當時未公佈, 我以為可以. 但係而家好似講緊要入籍後三年先有.
但佢女中三如果要趕18之前去, 唔計讀書點樣, 計劃定差唔多啦.
你都話佢適應唔到當地生活，其實佢去唔去，根本係唔重要。
既然都係預左比international fee，佢女幾時去都冇咩問題，佢大學去、master過去，都ok，只要有offer就得。個女自己去讀書，再留低，似乎仲容易得多添。
最少你朋友可以繼續係香港搵錢供佢，好過去到外地搵工都係一個問題。
睇左唔係
果三年計埋住五年既有居英權後可以
1個讚
樓主，有種人心態係好奇怪㗎，覺得移民好但其實自己一樣無勇氣移，呢種人同佢講多曬氣我有朋友成日話呢個時勢唔會生小朋友，而家咪一樣備孕中
讀書要讀10年先可以有居留權加入藉
BNO方案跟父母就唔洗
請問係咪5年加1年，之後再申請入籍，仲要申請成功可以？