我係90後，出世時都未回歸，張出世紙仲有英國旗公仔，但就係我個愛國老豆一句﹕「遲下都回歸啦，拎咩BNO啫, 等多一排就回歸拎特區護照啦，換黎換去咁麻煩」
從此我只有特衰護照。依家傳聞話就算父母有BNO 都可以再搞過，但我同佢關係一D 都唔好，甚至到依家直程斷絕來往，所以我老豆有無BNO 我都唔會知。
而我媽可能有Keep 住我張出世紙嘅，但都未必搵得返。
當所有人都話要續返本BNO, 有咩事都有佢保命。但我只可以留底，對我老豆嘅恨意同對popo一樣, 真係好恨之入骨之外，都無咩可以做到。我只可以同97後嘅年輕人一樣，認命……
我真係寧願去做牛做馬，都唔想無自由，連8隻字都唔講得。
Bno只係其中一個水泡，你都好後生，就算冇bno，可以試下搵其他出路，唔好咁灰，天無絕人之路，加油。
見英國依家話有BNO資格，就算無申請都可以apply果個visa，可以工作同讀書啊
手足有我陪你，我都係97前冇申請bno，呢大半年黎我都不停幫人/勸人續bno，人人都以為我有bno
你最後講
我深感認同。
我明白你既無奈，我細佬係90後，都有D同學父母係大中華膠冇幫佢地申請過BNO.
澳洲出左港人visa details，加拿大遲d都有，可能其中一個會岩你呢，唔好灰心絕望。
你阿媽有冇BNO？
用阿媽個BNO都可以申請個喎⋯⋯
仲有你的出世紙，可以去人民入境事務處 (生死註冊處)申請補領。
就算有BNO既人都未必會走，放心，大把人陪你留喺香港啊。仲有，應該仲有其他國家會收無BNO既香港人，唔好灰心。
不如等美國吖，佢都算容易生活，又有最低工資保障，做下超市麥記都好
你可以working holiday 去其他國家，做夠一段時間就入藉。
又可以留意加拿大同澳洲出既救生艇，都不需要bno。
我身邊都有表姐，妹無bno，都有走既機會。
補領出世紙好簡單，人名叫出生日期已ok,幾百蚊手續費.
無論乜原因，你都應該補領先！
有無考慮去working holiday？
不過而家疫情底下乜都做唔到
都係儲錢+練體能
趁呢段時間裝備自己或者睇相關資料
加油
仲有學好英文，機會係留俾有準備嘅人
樓上有人好多正面嘅提議，working holiday、留意唔需要BNO 嘅救生艇、未走得前好好裝備自己，加油
我有Bno，但諗過哂根本走唔到，有家累，條件有限，我會留低見證一切！只希望有事既都走哂先，去邊都好！而且你後生，一定仲有其他國家可以去！
18-30 歲可以 apply:
If the above doesn’t apply then the existing youth mobility scheme is open to people in Hong
Kong aged between 18-30, with 1000 places currently available each year. Individuals from
Hong Kong will also be able to apply to come to the UK under the terms of the UK’s new Points
Based System, which will enable individuals to come to the UK in a wider range of professions
and at a lower general salary threshold than in the past.
樓主未過30歲，可以試下申請英國/澳洲/加拿大working holiday visa，有1-2年時間搵工，搵到工再轉work visa，肯捱一定有人賞識，身邊朋友都有成功例子(疫症前
)，樓主加油。
青春係好大的本錢，如果有心去外地發展，搵多啲唔同資訊，再計劃吓。天無絕人之路，加油
樓主，你咁後生使乜靠BNO，努力D儲錢去外國讀下書working holiday，同埋吾需要同父母因為政見反目，你需要佢地提供住所，等長大左先去決定同父母嘅關係，我識得個小朋友佢一直扮藍，父母係深藍，佢深得父母心，有食有住有學費有零用，佢捱到今年畢業靠之前自己死慳死扺兼職已經儲夠左去外國讀個短期課程嘅銭，我相信佢吾會再返香港，亦相信佢前程錦繡
過左30歲無Working Holiday 呀…