今年30歲仲可以Working holiday visa?
我記得30歲果年係仲得。除非我記錯 
好多謝大家留言鼓勵我，好感動 
其實我同我老豆嘅關係係因為由細到大家暴嘅問題所以早5-6年前佢同我媽離婚之後我就決定同佢斷絕來往，而唔係政見問題。
我係90出世，剛剛30歲，但我係今年年頭先開始出黎同男朋友夾份租咗個單位，依家先叫過咗半年，所以Working Holiday Visa 對我依家呢個處境真係無咩作用……
樓上有提議我儲錢+練體能，呢樣我都一直有做，雖然搬出黎住開支大咗，但都用盡力儲錢，而體能方面因為我跑開步所以一直都有練開，唯有諗辦法有無基會學好D 英文，又或者進修另一種語言。
依家唯有等其他國家繼續出手打救香港，自己都要繼續努力對抗政權，將黃色融入生活，祝大家好人一世平安 
7個讚
手足唔好咁灰
我雖然都可以走但都想留低幫手，為我地既屋企留到最後一刻，起碼食多一次黃店就係多一次，盡做～
至於我相信五眼既其他國家都傾梗點樣去幫香港人，最重要係點去幫你地後生既呢一代！ 練好英文，再睇下學下一啲技能，之後一定有國家會開條路出黎架，加油呀！
支持你
#youarenotalone
Ps岩岩再睇番你既回覆原來你同我年齡差好少
2個讚
我仲細過你（90後），可能會走，未知去邊，一樣會堅持黃色生活。
依家英國你應該係可以去嘅，佢條件係好寬鬆（都要有半年自給財政能力），不過英文都係需要練好，同埋要睇搵咩工。
反正留低嘅香港人都會有好多，有好多野都計算唔到，但係你知道自己嘅目標係咩，跟住盡力就得
1個讚
多謝你 好感動
我一定會為呢個地方守到最後一刻，除咗食之外，我睇醫生、買書都係搵黃色，盡量唔買中國貨，「盡做」，仲要同自己鬥黃~
練好英文真係好重要，我會繼續努力的！多謝你！
2個讚
之前好似話有d人可以申請返、你有冇機會係咪果批？
其實後生唔一定要去英國、仲有好多選擇
上一代好多都無申請、無旅行出國護照都無、同輩都唔係個個有
我本BNO係2000年先申請, 好彩當時係要去旅行先打算申請, 但我依家續BNO都冇諗住走, 經濟條件唔許可, 大把人陪你, 你儲錢到有條件, 唔一定英國, 好似其他JM講美加澳都得, 其實英國我麻麻, 成日陰天
煲劇開英文字幕練英文真係有用㗎！再睇英文小說，唔好睇英國文學，睇啲八婆小說，自然有心機睇會進步得好快！
易睇又好笑小說推介
Confessions of a Shopaholic
Crazy rich Asian.
加油呀！
3個讚
係喎, 我當時睇吸血新世紀D網上fanfiction, 英文詞匯豐富左
1個讚
英文吾好可以學，上網大把資源，祝福你同你男朋友開開心心⋯⋯無論係邊個地方
1個讚
英國31歲生日前都可以申請，其他國家唔清楚。申請需時，而家因為疫情應該仲會耐啲，樓主有心走要盡快行動。
1個讚
加油呀 我地捱落去一直堅持，一定會有一日可以響煲底相見架
1個讚
冇關係嘅，我向你保證，大把有BNO嘅都黎唔徹走，同股市一樣，輸嘅永遠係大多數人
如果想走working holiday係一個選擇，揾到適合概地方再留底。我女有BNO都唔打算去英國，覺得台灣適合佢，過兩年夠工作經驗就用專業資格申請夠民。後生就可以多選擇。
唔好咁啦，我好驚呀 
多謝介紹啊~我會畀心機的學好d英文，起碼對自己前途都有d幫助
樓主仲年輕，即使重新黎過，成本唔算太高。好似我呢啲一把年紀，有老有少要照顧，負擔又大，要走真係好多考慮。所以你襯仲有時間就裝備好自己先，時機到就快啲走
其實同你差不多嘅人有唔少，有bno 亦未必走到，見步行步