老公不嬲都較躁底，對小朋友耐心不大
仔仔3歲有時較慢熱，唔敢去試新野
我的做法都係耐心去陪伴，鼓勵陪佢試，傾談去搵出佢唔敢去試的原因
但老公唔認同咁做，動不動就拍枱大聲喝佢一巴掌佢
「廢柴，垃圾，點解你咁廢架仆街」之類粗口
重試過起公園成個水樽車落佢度，大力到爛左，有幾次大聲到成條街都望住
嚇到個仔當場好驚咁喊
我覺得好難受心痛，成日起條街度嘈交，為左教養方法我地已經嘈過好多次，都叫佢頂唔住就先走開。但我知道爸爸心底都係錫佢，但方法唔一致，但我絕唔認同打鬧係有效
起街打仔冇面都算，我好怕咁樣長期粗口負面批評會令到個仔有心理影響，唔重加唔敢去嘗試。點嚴厲都好我絕對唔會叫自己仔女垃圾！我留意到個仔已經開始學左壞習慣，拍枱或者大聲喝番爸爸（只係對爸爸，其他人唔會）來反擊，同爸爸都唔算close
因為咁我地成日嘈交，佢都會向我掉野。心好累，長期咁樣我唔知勸解佢。我都覺得自己冇好好保護到個仔…
係咪其他爸爸都會傾向咁樣
咁樣好似唔係言語暴力咁簡單喎… 生小朋友前都係咁樣架？
當然照顧小朋友大家都可能會有好炆憎既時候，但用咁既說話對小朋友講其實傷害好大
有無心平氣和同佢傾過
你老公似躁狂症，要睇心理醫生
我老公好正常，從來唔會打同鬧個仔，都係講道理多。你老公咁唔係辦法，最好搵社工幫手同佢傾下。
佢好大男人，唔會承認自己需要見社工
同佢傾過好多次，佢每次都話知自己脾氣過分左，下次唔會
但永遠次次都係咁
病向淺中醫
精神病其中一種
傾向家庭暴力了吧
樓主會唔會試下搵社工幫手？
我意思係問下意見先，
起碼自己學下點樣應對
佢連你都掉，小心下一步就係打，已經唔係因為教仔咁簡單，真係建議搵第三者幫手
睇到呢d case我都好心痛。我隔離屋都係咁，明明個仔琴高攞野食整親自己痛係度喊，喊都係想大人呵返唧，點知佢亞爸亞媽係咁喪鬧佢又唔比佢喊。成日聽到個細路喊住話自己要見心理醫心。聽到都好心痛。
你果個仲要得3歲就一巴車落去。真係唔掂當。
如果佢真係太過份既話請你千萬唔好去合理化佢做既野。大男人唔係一個理由。
佢似有躁狂症…你唔快啲搵專業人仕解決佢…最後一定會離婚…
我接受唔到咁樣。。。。
唔係虎爸咁簡單，直頭情緒失控。小朋友會有童年陰影
佢好有問題，其實你有無打算點做？上網呻無用。
我地有返教會的，我會問牧者輔導下
不過佢起教會扮到好好爸爸，我驚冇人信（苦笑）
我唔知點做，當然唔想行到最後一步，自己都係單親中長大，明白當中的心酸，唔會想自己小朋友都要面對
今年打擊太多，香港搞成咁，擔心香港未來，小朋友未來，重有一連串家庭問題，心好累
唔會係掛你老公做黑警？
1000% deep yellow family
人嚟㗎，點樣垃圾？對唔識嘅人都唔應該鬧人垃圾，更何況係自己個仔？個人感覺好反感！
佢唔係虎爸，佢係身心虐待緊你個仔。
家庭暴力，遠比單親造成既影響嚴重，你仔得你可以保護佢，請你重視問題。
比起被精神虐待，我情願單親…