你老公份人應該係勁心急，無耐性，佢用大人學野速度把尺來量度小朋友，小朋友一定無咁快pack up得到。
喺佢唔係鬧仔時候同佢解釋下，大人學梗係快，小朋友要慢慢來，愈鬧愈唔想學，換轉係你都會，叫佢下次想動手/動口時就走開，等你來教。
睇下你老公冷靜左肯唔肯聽你講，其實係要個大人明白佢動手動口對小朋友來說好大傷口，一生都會記得。
我老公有一次作狀想打個仔（不過我覺得佢真係想打），我即刻用自己個身㩜住阿仔，我地都爆喊，自己我都有陰影，每次阿仔激到我老公好嬲，我都會好驚，會保護個仔，怕爸爸打佢…
唉，其實我EQ都低，阿仔駁咀同佢會閙我，都令到我癲左，都忍不住閙爆佢，我都試過掟佢嘢，其實自己會好後悔.
1個讚
梗係唔係啦!!
就咁睇你講我感覺你好似想合理化佢做嘅嘢，或者覺得自己覺得佢有問題係咪自己唔啱，但我覺得問題比你想像中嚴重好多呀。
我做青少年工作嘅，啲細路一上手就知佢爸媽係點，準過睇相。父母暴力傾向 (語言/肢體) 得兩個outcome，一就勁冇自信、唔敢講嘢、鴕背、頹到爆，二就行為問題，女仔界手，男仔打人，男女都會欺淩人
唔係嚇你，但唔解決100%一定一定出事
當然如果可以解決，冇人想行到單親嗰步，但要好積極咁去搵方法，你話佢次次都話自己會改但又改唔到，咁想拖到幾時?你仔三歲已經識拍枱喝罵，到佢13歲嗰陣會點?
你做媽媽嘅要行多一步，首先正視咗呢個問題先，唔好幫佢搵藉口，亦都要畀佢知道呢個問題有幾嚴重，根本一次都唔應該出現
13個讚
教會好多都多一事不如少一事架，尤其係家事，佢信你當然好，佢唔信你都唔係你問題
可能我對教會有點偏見。
我擔心佢哋會講返俾你老公知。
你老公會興師問罪。
我諗你係度問，都係想知一般家庭做既爸爸既角色係咪會好似你先生咁，經過咁多人意見，你應該知道「爸爸」角色係唔會咁既，我屋企同身邊啲朋友做爸爸角色既都唔係咁樣對待自己小朋友。
我唔係信徒亦冇信仰，不過我真心覺得你呢件事要搵專業人士協助，搵教會尋求協助，感覺同搵個人平道理差唔多，你先生唔會想破壞形象，你都話佢平時係教會做好好先生。另外，搵其他專業人士隔一隔，有個中間人調和下，對雙方都好啲舒緩啲。
為自己下半生為小朋友由細到大既自信心同身心發展，嘗試解決啦！
呢d唔係叫虎爸.
3個讚
你老公咁教， 嚴重影響小朋友自信心同成長
我識人比老竇又細個打到大，又會鬧佢冇用、點解咁蠢㗎，結果小學到中學都係自信心非常低，仲會俾人欺凌
就算出嚟做嘢，都好難做得好，因為缺乏主動性，老細唔鍾意
佢缺乏主動性因為自信心好低，做咩都錯，所以決定少做少錯，唔做唔錯
建議你同老公講返教小朋友由你去做，佢同小朋友玩得啦
好坦白同你講，你小朋友大個唔會多謝你。
父母雙全係要好父母先成立，你為咗唔離婚而令仔仔同個會虐待佢嘅人一齊住(係呀，呢啲叫虐待㗎啦)，為咩？
我見過太多太多人大個咗會話寧願阿媽一早離婚，唔明佢為咗乜嘢屈就
都係嗰句，解決到你老公脾氣問題係最好，但你都要諗定最壞嗰步，而家搜定證，錄起佢打鬧你仔嘅片段。尤其如果佢係負責搵錢嗰個，呢啲就係你爭撫養權嘅渣拿
5個讚
呢d情形下長大的小朋友, 基本上一有能力就會離開 or 打同鬧返個父母轉頭
相信冇人接受到
離開父母事小， 影響小朋友身心發展事大
性格 / 行為：冇自信、 被欺淩 / 欺淩人、 唔返屋企， 喺街學壞
心理：
- 精神分裂（ 好多精神分裂個案都係細個被家暴， 幻想有人保護自己， 或者將自己抽離， 覺得俾人打嘅唔係自己， 而係另一）
- psychopath (好多殺人犯細個都被家暴)
樓主可能諗老公心底裡愛之深， 責之切， 但小朋友唔識分㗎，對佢嚟講都係暴力， 影響對發展好深遠，唔好輕視
我老公都係燥底，雖然冇嚴重到掟嘢，但親戚前大聲鬧仔都試過，人哋都嚇親。私下鬧我實有，唔順氣啲嘢又故意大聲嘭門，但平日好好先生一個。所以我明白你，真係講出嚟冇人信。不過講到鬧仔，佢都唔會鬧得甘到去鬧佢垃圾，咁樣真係太傷自尊了。你個仔好可憐呀 
我諗我同你性格都係順得人，可能你比我更順得人添。
但sorry我都冇解決辦法。唯有盡量唔好trigger佢。嚴重警告佢唔好傷害一個咁細小朋友自尊，一傷害咗就冇得返轉頭! 唯有提佢街上啲人好鍾意影完post上網，唔想成為主角!
我就係咁，可以同樓主講你格硬留住個老公唔等於幸福家庭
當然都無希望可以離婚呢一步，但試下搵counsellor傾下改善老公情緒問題先
唔好當冇事
開始掉嘢已經有攻擊性
情緒失控，係要專業精神輔導
問題係要勸掂佢，正面面對呢個問題，再找專業人士跟進
可以係社工/醫生
佢肯睇醫生仲有得救，唔肯睇嘅，為個小朋友安全，離婚。
同你一樣， 我唔明咁樣有乜資格做人呀爸， 自佢下下用粗口閙一個4歲小朋友， 又成日打佢個頭， 喺其他人面前扮到好錫個仔根本唔係， 我保護個仔， 佢個精神病人成日話我縱個仔， 我叫佢唔好用粗口閙同打個仔個頭就話我縱， 你話佢係咪癲呀！
我都好羨慕人哋小朋友有個正常呀爸！ 我真係真心覺得佢痴$@*%線
樓主只有你才可以保護你個仔，為母則剛，你要訂下底線，並且要講得出做得到。在心平氣和的時候同你老公約法三章，講到清清楚楚不容許佢再用語言或行為粗暴對待個仔，如果再發生，你要話佢知你會立即帶個仔離開現場，唔需要同佢嘈同鬥大聲，對件事同個仔都冇益處。你帶走個仔後，就要由得佢自己一個留在原地收拾殘局。你要比佢知道如果佢傷害個仔，你係可以連佢都唔要。你要比佢知道你言出必行，希望佢會收斂同改過。
你要同佢講，機會係比改過嘅人，唔係不停傷害家人的人。祝福你。
小朋友好慘，樓主得你可以幫到小朋友，媽媽要堅強D，加油呀！
佢應該係傳統大男人心態，同埋好大可能佢細個時，佢阿爸都係咁對佢