其實對有d人黎講係ok, 反而唔慣成日見到
合久必分
當初已選擇錯誤
每月飛黎香港一次? 老實, 我係佢, 睬你都傻, 個老婆咁對自己, 唔會再對呢個人上心
2個讚
老公一定要痴住。佢係陪你一世到老。
可否考慮買 香港 / 英國小學 課本練習， 教小朋友。
小學課程你應該幫到手，其實小朋友最想有媽媽陪住同鼓勵，主要目的係督促佢自己愛上學習，自己主動做練習，上網揾新智識。
中學送小朋友去外國讀？
6個讚
我都覺得係咁，嫁得老公響外地，就預左外地嘅生活，教育都係要包容嘅一部份
呢個問題應該決定生小朋友之前就要諗, 大家有共識先決定生, 依家兩頭唔到岸。你既情況令我諗起之前電視節目嫁到這世界邊端, 有位人妻嫁到去非洲, 為左老公既生意, 放棄香港既生活帶埋小朋友返非洲, 對小朋友原本係香港讀緊書, 講廣東話好叻。我覺得教育既野, 幾時學都得, 人生慢長, 老公冇左就冇左…
2個讚
你要預左佢會有女人同可能會再生仔女，呢個係人之常情
4個讚
如果你老公一個月嚟香港一次，每次可以留幾耐？
我覺得可以試吓你老公每星期出越南市區呢個plan先，唔work再想辦法。
因為我自己中學有幾年時間阿爸上咗大陸做嘢，每兩星期先返嚟2日。嗰時雖然我有自己朋友，但每逢weekend啲朋友個個family day我就自己一個喺屋企同阿媽一齊，總係覺得唔知點。嗰陣我大個都有啲咁嘅感覺，如果小朋友再細啲肯定覺得好難過。所以我情願見得密啲都唔好一個月只見一次。
我依家都喺外國，呢度只得我老公同仔女，冇其他親人同朋友。老公工作時間好長，連同我傾計嘅時間都冇。我都覺得好孤伶伶成日都好掛住香港啲屋企人同朋友。係好難頂，有時甚至有啲崩潰。但揀得呢條路嘅話，唔得都要死頂
2個讚
個個都想走，仲嚟香港做乜…
睇吓近日啲教育新聞就知
停唔停課，話知我哋，但國旗國歌同安全法呢啲就要揸正
1個讚
我都唔贊成你同個女返香港住，越南女人嘅媚功同大陸嘅真係有得fight
離你依家屋企同埋城市中間有冇啲城鎮可以住？有咪住中間，大家返工返學都係個零鐘頭車程，感覺都唔會好差，起碼都叫一家人一齊住
只可以講夫妻長久分開兩地，絕對唔係健康嘅相處模式，樓主要慎思
2個讚
咁佢唔會既，佢都同意個做法，唔係我一意孤行
應該大學先送
但我都無信心自己係一個好老師
應該每個月黎一次，每次可以留一星期既
唔係太可行，長遠擔心佢喺越南有另一個家，嗰個家一個月陪到三星期，你先得一星期，到時你變左二奶，人地先係正室。
你對你老公了解最深，佢對你既愛會不會愛到無其他人可以取代，99%肯定佢不會出軌，如果你幾肯定佢擔屎唔偷食，你就可以分開生活，而佢做太空人。
上一代移民潮，香港都好多太空人。你睇下有幾多對太空人夫婦（未離婚的話）仲係好感情？記得有個前輩（男人）都係太空人，佢話同老婆仔女都冇感情，退休一齊番就要從頭黎過，講真，老婆慣晒自己一個人，仔女都大，從頭開始係好難，我聽得出佢嘅無奈
結果9成係感情轉淡，父女冇咩感情，睇你覺得你心目中好教育定家庭感情重要
你哋應該仲好後生，應該唔可行，分開生活咁耐，根本不再需要大家，有乜意思呢？
久病床前無孝子, 你自己咪好例子, 依家咪又為其他野放棄佢
一家人一齊好重要，對夫妻關係，對小朋友成長都缺一不可。
不如响嗰邊度，大啲再諗下去邊度讀仲好。
我朋友父母係咁，佢話對佢心理上，兩性關係好大影響。佢話見到佢父母就嬲，根本無感情，三個人都好似唔識咁。之後佢寧願去寄宿，更加陌生