老公越南人
我香港人
我地婚後住越南
但唔係越南市區
都幾鄉下,離市區2-3小時車程
我無做野,ftm
我打算帶小朋友返香港讀書
由k到小學到中學,之後出國讀埋大學先返越南
老公越南有生意,絕不能移居香港
就算黎香港佢都唔會搵到工…
我唔想去越南市區生活
因為就算帶小朋友出越南市區讀,老公都只有weekend先過到黎探我地
到時我既生活就只有我同個女…
我地住個到較落後,無好學校
咁不如我返香港,起碼有娘家有朋友,唔洗孤lingling
老公會每月飛黎香港一次
請問可唔可行?
謝謝
如果佢有生意即係你地果邊都唔算無錢啦。
不如係果邊搵國際學校讀啦。就算學校係市區都叫一星期見到兩日丫。
係香港一個月見一次對小朋友都唔好啦。
好似而家呢d時勢你地一個月一次都見唔到。
5個讚
感情變得好淡，好快會冇咗個老公
你自己十幾年冇老公係身邊真係Ok？
1個讚
我都有諗過
但老公每星期來回加埋5,6個鐘車
住得1-2晚
會唔會其實同一個月黎香港一次差唔多?
10幾年生活入面1星期5日得我同個女
我又無朋友係呢邊
我驚我頂唔順
我都想有老公係身邊
但我既情況,
根本無得比好既教育比小朋友同時又同老公一齊生活
咁會唔會照讀附近學校，但你自己再教佢？到佢再大d送去外國讀寄宿學校？
我地2公婆讀書唔叻
屋企附近個d學校真係好唔得
英文都未必有教…
如果你真係同你個女去市區就應該唔難識朋友啦。越南又唔係真係落後到咁。
一定有方法識到d華人，日本人。
5，6個中車起碼叫點到點。
你搭飛機又要過海關又要係機場出市區，一定多過5，6個中。
你係香港住就話有朋友，但係你個女無左daddy陪既時間。
你一個月見你老公一次你都唔得啦？？？
我就唔得喇，一個星期兩日我都唔得。
最好佢每個月飛黎一次，小朋友學校假期，你地就一定要飛返過越南陪老公，咁就可行，否則久而久之，原來呢個人可有可無，感情自然會淡，難維繫。 
可唔可行好睇人, 我都識人做十幾廿年太空人, 老婆仔女係加拿大, 佢喺香港做嘢, 一年見得嗰幾次
感情淡就梗架啦, 捱到唔離婚係為咗小朋友姐, 咁佢人生唔追求好親密嘅夫妻關係咪冇嘢, 而家退咗休都去咗加拿大啦
我都係咁plan
但唔知真係實行10幾年會點
所以想問下大家意見
咁我都覺得你應該去市中心跟住識下朋友。
阿女學業係重要，但老左陪你既係老公。感情淡左就冇架啦
3個讚
咁你老公點諗呢? 佢prefer邊種?
佢比我話事
因為佢知我好重視教育
其實小朋友10幾年入面
每個月見爸爸幾日
係咪真係會好大問題?
日日見住都未必好好感情，唔見住更加變陌路人
1個讚
你預佢會有女伴，你ok？
4個讚
其實只係見步行步，如果大家都習慣個模式，感情冇變既，就繼續。但若然其中一方覺得「有d唔妥」，就要變陣。
一家人永遠係一齊係最好，其中JM都提出一點，就係有爸爸係身邊的重要。
又或者佢每個月飛黎一次，你地每月又搵個weekend飛去一次，另學校有假即返越南，見密d點都好d。
當然唔ok啦…
爸爸既角色係可以影響小朋友好多野。
睇下你想要你既家人同舊朋友？定係想仔女有家人同好少少既成長經歷。
你要記住你係可以識新朋友，但係佢應該唔會有新daddy。。。？ 
5個讚