新鮮熱辣，我女同學仔之間現在「瘋傳」，佢話同級一位Band3男仔，派到區內一間band1b男校。
有咩可能？！一定係派晒band1學生才派之後既學生，點會可能band3學生派到band1學校？
我問佢會唔會對方唔係Band3，雖然成差d，都係band1?
佢話唔會，話：佢英文唔合格架。
屋企人係嗰間中學嘅校董、教職員，就有機會入到。
7個讚
每年都有架, band 2/3 派band 1, band 1 派band 2/ 3, 人數唔多但有。
- 跨區生
- band 1 生第二選擇多不敢再選 band 1A
- 同校家長大多選埋同一間band 1 學校, 偏埋一邊。
7個讚
如果係呢個原因應該第一階段就收咗，唔洗再玩抽獎
都有咁既可能性，但應該都自行就入左。
而且，成績差距咁大，識人都好難收吧？
小朋友間現正瘋傳，我都係剛剛知道 
原來真係有咁既可能性，即係如果冇人敢㨂，就可能被band3生執雞了。。。 
好幸運越級挑戰成功 
1個讚
有特異?運動叻有名校爭住收都唔出奇
不過入到去追唔到，會比人「勸退」。
岩岩先聽同事講，個女讀地區一線小學，成績追唔到，老師打電話嚟叫佢要「努力啲」，暗示追唔到就退學。
都係既，早兩三年識人派到中婦，放榜當天見佢派咁好大家都替佢高興，1C生派1A學校呢。
但現在聽到佢媽媽話，佢讀得好辛苦，全科補習都追唔到，可能會要轉校。
希望同學派得好之餘，都要努力發奮。
3個讚
似自行收左多，相信有特異功能+識學校高層
坦白講, 入到都C 啦… 英文唔合格讀Band 1, 佢父母真係推個仔去懸崖… 唔係一件好事…
3個讚
唔係話咩, 個人經驗真係入到都要讀到先得。如果打算考dse, 冇打算出國, 想f4 入理科好多都爭崩頭, 成績唔夠人勁點爭
入到去應該都好辛苦 
一係發奮努力一係最後都係要轉校
間學校係咪好深？係咪第尾都打贏人、即係勁b1尾去左普通band 1尾…
唔係新聞啦，以前讀band1學校都有個別同學完全跟唔到，年年留班，師兄變師弟
識人好過識字？
抽獎有什麼冇可能。
以前讀書，我自己都有同學，成績多數唔合格的，派到去band1區內最好中學。
不過中三就。。。
好難，幾勁既學校，好由band3彈上band1。 
有，要符合以下條件：
- 特異功能，為港為國增光嗰種。
- 有關係人士 (無敵萬能)
- 得 1、2個位又遠，冇人敢搏，結果亂填撞中
3.1 估錯 banding，其實係 B2，number 又前
識人係 1、2，1 嗰位係 Band 3 (好肯定，因為佢為左特異功能犧牲學業)
2 嗰位 Band 2 入 Band 1B，叩門入。
2個讚
我表弟果時都係，唔知佢本身係Band 2定3，派咗去間Band 1，成家人開心咗成個暑假，我爸仲勁讚人 話人地點叻點叻，差d想幫人買埋書
開咗學，日日留堂留到六點幾先走得，d功課完全追唔上 又留班，最後要轉校
1個讚