有band 3同學大抽獎碌入去band 1, 佢話跨區入, 即係跨區得5個學額, 橫掂最差都係派band 3 不而博下~ 但f.1 佢讀左3年先升到f.2
1個讚
band1b男校，聖言？
吓！唔係掛！Band1生入Band2/3，Band2生入Band1C學校就聽過。成績比佢好嘅band2生而入band2學生咪激死。
不過入到去真係要惡補下，唔係會留兩三年級先升班
唔出奇，區分學額緊張嘅，好多都係 Band 1 入 Band 2，例如中西區、南區、離島、大埔、北區、屯門、元朗…入 Band 3 就基本上好難發生，除非真係差到離島、南區咁，呢啲冇得好講。
我小六果屆大埔學位應該夠，聽講有band2生入到沐恩。
大埔學位分配應該點計都冇可能夠。因為近幾年大埔區平均每屆 2000+ 人，以往冇 2000 都有 1500 以上，計埋恩主教、沐恩呢兩間成績都唔屬於 band 1 範圍，5 間都係得 381 個乙部位。假設大埔可以咁勁，30% 人自行/直私上岸、轉區走佬（應該就冇咁高比例），咁即係等派位嘅 band 1 大概 466+ 人。除非呢幾間學校自行嘅 210 位全部用於大埔區內，但呢個可能性低啲。依家自行公開，又唔同玩法。
呢個情況只可以話大埔做分流做得太好，咁所以有部份 Band 1 放棄左填乙一二三 band 1，直接乙二填 band 2 嘅救恩、孫記、圓玄。咁少部份 band 2 生偷雞成功中恩主教、沐恩，但肯定唔會多，亦應該唔係 band 1 學額充足。
有呀，阿女有個男同學成績差派到band 1
有呀，我以前讀band 1, 升中四時派左十個被band 3學校踢出黎既學生，因為當時移民潮，好多同學中二中三就走左，個時中三係有一輪淘汰派位，就入左呢幾個學生，搞到學校好頭痛
有！我識一個女仔，佢係band 3派咗去band 1, 後來佢自己轉咗校！
讀BAND 1英文唔合格真係大忌
咁同大陸有咩分別？
依家應該冇咩可能
好似我果區都唔夠band1位
總有資源錯配，大抽獎碌到入去，家長會覺得係運氣，
但調轉唸，如果係小朋友，上堂全部係外星文，考試全部唔及格，和同學的興趣、話題完全格格不入，
係運定係惡夢都未知。
尤其家長當然想小朋友Band 1畢業，
小朋友日日上學8小時對住一d融合唔到既人和事，好難唔沮喪…
可能好多香港學生流左去外國
唔出奇 之前識得同學仔全級包尾應該band3 都升band2頭
派到都要讀到先得。唔好開心得太早啦，比著我係家長係擔心多過開心，莫講話學術要求，直頭連學習風氣都唔係個回事，個個放學外補學野你仲留堂做功課，個個拎住本英文書交流你就盲字都唔識做透明人，點融入？無聊得劑到處攪攪陣就比老師comment ga la, 到時就變成家長煩惱。
有時無咁大個頭真係唔好戴咁大頂帽，搵間適合既學校更好。
1個讚
其實家長唔需要理會人地BAND幾入了咩學校,大抽獎就係最難估計自己孩子去了邊間學校,所以有能力自然喺自行選校方面攪好自己孩子有能力的學校入讀就得. 除非係自己根本都係冇能力,但又想依靠某論壇所謂既特異功能(體藝),一定要入家長你自己喜歡既學校,咁樣咪印証樓主自己主題!
識人重要過識字
事實係你入到但讀唔到追唔上更慘，band1個個學生基本底子好，尤其係英文，勉強一齊跑唔係咁易，自信心會被影響到