佢眼中結婚周年都係普通既一日，無野要慶祝，要慶咪陪你囉不過你自己諗節目，可能係幾時佢根本無記住…
第一年，我笑住提佢，哦 
第二年，我大住肚咁提佢，哦 
第三年，我唔想咁厚面皮又講，佢玻璃心發作好燥底，睇左成晚facebook 漫畫動漫
拍拖九年結左三年，當年就咁簽左紙就算，得兩個屋企人在場，我連婚紗都未著過，戒指都係我開到口先有… 仲要係簽完紙先拎到
其實我好後悔嫁得咁求其咁急
咁急，純粹係拎張證書去比屋企人拎返大陸辦手續，不過最後原來比屋企人呃左，大陸根本就無佢所講既野存在
我每一日都想離婚，唔係話唔愛，只係無啦啦掛住個咁既名分好困擾
傾… 傾唔到架，會以讀不回 /問返「咁你想點？」/ 「咁你咪慶祝囉無話唔比你慶祝」
可能，佢今年又等緊我去提佢 
只是名份
其實我都好多次唔記得，不過係因為無記性，所以要老公提！
你老公係咪都係大頭蝦之人？
但開到口都係咁?
我同你相反
覺得紀念日無乜意思
我老公先會記呢d日子 
有d男人係無情趣，唔知樓主老公性格！
佢唔係大頭蝦，就算我提前一星期講，佢都唔會去諗啲咩節目，如果再問，就會話返我，「咁你自己夠唔諗」。
佢係對所有節日冷感，不過生日都有個蛋糕食下既 …
呢句最衰，唔通一個人慶祝咩？一個人慶祝更顯得lonely
結婚頭幾年都咁樣…之後點搞？
佢平時有冇俾啲驚喜你之類？或者可能佢prefer 平淡過日子/本身唔識浪漫？
我同我老公都冇求婚吖，新婚一年未夠…我同佢講你將來擺酒一定要補翻個求婚比我。(佢都唔係識浪漫嗰啲嚟，但我企硬)
咁真係幾難攪，因為性格係咁，你老公同我有得揮，我結婚第一年，連我自己都唔記得，過咗日子先同我老公講，原來尋日係我哋結婚一周年，我老公話「你而家先知呀」，之後咁多年都而家，21年都無慶祝過，包括我、佢生日
性格無情趣就係無情趣，一係你主動book台食飯浪漫下，你想佢改變好難
我老公對節日慶祝都好冷感
我都慣
但就好一視同仁 覺得連自己生日都冇咩特別
惟有講明要佢做啲乜
例如book間餐廳 買一樣你指明既野俾你
不過我有個朋友都係咁架，當然同樓主個Case不同啦
佢同而家個老公拍拖時，男方講明除了雙方生日外，其他節日都唔會慶祝的。
其實冇得改變㗎，係你自己適應咗去，我都係咁，所以我已經放棄慶祝節日，連我生日，佢比錢就算，我而家著重同阿女慶祝，我自己開心就夠
冇錯！點解要委屈自己？
你唔鍾意食蛋糕？我自己食/自己搵朋友/仔女食！洗乜等你高唔高興？
你唔鍾意出街食飯睇戲？我自己去/搵朋友去搵仔女去！
女生當自強啊
佢個人本身係咪都好被動架？有時有d野都好睇性格架，佢無意慾佢浪漫就點都唔會浪漫到
好似我同老公咁，唔係年年都要慶祝，有時咩都無，有時安排餐廳食飯，好隨心
同佢一齊應該已經知道佢哋性格…
無理由expect佢會突然轉性
不過… 都明嘅
之前拍拖有冇慶祝紀念日？如果一直都冇慶祝，應該都知佢係咁。你應該後悔嫁得太求其多D，所以先咁唔開心，不如同佢傾下會唔會補影婚紗相之類，還你一個心願啦。
我以前直情係反感 
有小朋友之後改變咗
其實都係… 唔係話要咩大場面，咁大個女，婚紗都未著過，化個靚妝都未試過… 唔通等老先攪咩。
依家生完身材走哂樣，想第時修完身同個女一齊影，老公都係要踢先會黎… 
佢又唔會拒絕既，但係可唔可以唔好下下都係我叫 