我老公記得，但唔出聲. 我依家都當冇件事，反而會問返我記唔記得
男人就係咁，結咗婚就更加冇情趣。
我同老公當年都係就咁簽紙結婚冇著婚紗冇咩儀式，我哋係熱戀同諗清楚而結婚，唔係為左拎張證去換啲咩⋯⋯
你話比家人呃咗係比自己屋企人定男方屋企人呃咗？可能其實個男仔都唔想咁急結婚？你哋係咪真係好鍾意對方先結婚㗎？
我同老公都冇特別去記啲日子，每日都甜甜蜜蜜根本唔使在意啲記念日⋯⋯上次結婚周年仲要係阿媽臨瞓前祝我哋周年快樂我先同老公講原來今日係我哋結婚周年⋯⋯
比我老豆呃左
如果唔係果件事可能拖到而家都未結，佢眼中結婚無意義，都只係一張紙。如果無結，我諗我都唔會生bb
而亦都係結左婚生左b，我老豆精神就更加異常直頭痴左線一樣，時不時就滋擾恐嚇我，呢個就又另一件事了… 所以先成日覺得結黎做乜。
其實最緊要日常相處既感受，呢啲門面野唔係個個都好注重。
我自己都係6年都冇乜慶祝生日/節日，但我哋得閒就出去食好啲，買下禮物，所以節日真係唔多重要
結婚要為自己，就算屋企人都唔可以利用我婚姻去做任何嘢⋯⋯你係孝順，但就賭左一世嘅幸福。
我做學生時拍拖已經會好在意如果男人冇plan娶我，我就會提出分手，就算覺得個男人幾好幾好我都會割捨。因為我好清楚人生目標係組織家庭，唔會浪費青春。愛情好易搵到，肯埋單嘅男人就好少。
改變唔到老公，就改變自己諗法，我都係咁生存。
1個讚
因為屋企人而結婚？ 無得怨
呢d可能係大家期望唔同，有落差
個個價值觀都唔一樣
有時我會tune 返自己唔好期望咁大
同佢講過 佢都唔在乎，一係就自己約佢食飯
一係就算
我自己都成日唔記得，我連邊年结婚都唔記得，無乜所謂啦，最緊要大家相處得好，感情好日日都係紀念日。
1個讚
啲男人係咁，個個都係竹織鴨，咁多年都慣，最緊要佢平日對頭家肯上心，其實呢啲好小事。
話說有一年佢唔記得我生日…
又話說有一年結婚記念日我問佢：「今日幾月幾日喎。」佢記得都答我：「咁點呀？」
仲有，每年邊個生日、咩節日、咩記念日，通通都係我book枱、我安排、買蛋糕等等，我又無咩嘢，只要佢唔好抗拒或者無比說話我聽，就當佢樂意參與，算佢㗎喇。指意佢主動？下世下下世都等唔到啦！唔開心就搵自己笨囉！ 
1個讚
我果件都係，乜節日都唔會理，包括結婚，我都懶得請埋佢食
其實睇佢平時點對你。平時心中有你，對你好先緊要。我老公都係成日花式自殺嘅直男，唔記得節日呀，慶祝嗰d.(我屋企成家男人都係依類形
)初頭一齊嘅時候都OO地嘴，但由當初一齊佢就係咁，所以唔好期望佢之後會改變。
最緊要係大家互相溝通，同埋你屋企發生左某D事，係共同面對，唔好將個錯加係佢度呀～有時會唔小心諗埋一邊。
總之，加油
兩夫妻最緊要溝通同互相感恩。
(利申:我同我老公都係拍左十幾年(好細個開始拍)啱啱結婚幾年)
Me too
搞搞吓，老公有啲無癮，就無再慶祝
其實我比較著重日常生活過得好啲，儀式感對於我來講好無聊同embarrassing
我覺得嗰啲Facebook上祝人生日快樂好煩膠，我有個小學朋友佢係真係會喺我個timeline上面留言祝我生日快樂（係佢自己記得，我無show 生日日期），但我會delete佢留言。
何謂周年? 一年? 一年有365日還是366日?
何以有時會多一日? 既然可以多一日咁少十日又如何?
年月日說穿了也只是人定的概念, 要慶祝的可以每分鐘都慶祝, 也可以十年才慶祝一次! 歸根究底, 共識才是最重要!
我同你一樣, 開心日日都係節日, 生日, 紀念日, 過節,我從來唔會特別安排, 我C6就更甚, 但我哋係記得咩日子, 只係唔想特別慶祝啫… 如果見到啱嘅嘢, 就會買嚟當禮物, 唔需要特定日子…