事源係bb未出世時有想過俾99湊小朋友一段時間，因我地關係雖唔稱得上好密切，但我個時都覺得99友善同明事理，諗得太簡單，實在太天真
bb出世之後先發現同99理念同方式都不同，我接受唔到，再加上發現原來老公係唔會企係我個邊，所以最後冇俾99湊，即使99好似預左停工一排湊孫
又因為坐月不想有人打擾，唔係同住，所以我極力謝絕探訪，但我99個邊成日話黎，我希望老公會幫忙阻止，但佢非常反感，其實我都冇俾我娘家嘅人黎，冇厚此薄彼，但就搞到佢好似好難做咁，覺得我拒絕家人好意
仲有多左個小朋友生活上嘅大小磨擦
因呢個轉變令到我地互提過離婚，我地好多年感情了，佢表示會同我爭bb爭到底，真係好傷感情
而家就算好返，總之一有涉及佢家人嘅野，就好易令我地關係去到冰點，例如我覺得佢家人上門次數有點密，有點影響到我同bb嘅時間，我其實一早已經話疫症未過，不如暫時都係謝絕探訪，但佢家人一開口話黎佢就好似唔想拒絕咁
其實真係覺得好困擾
一方面唔想同老公咁樣，另一方面我冇辦法一直忍耐唔出聲
其實係咪已經冇可能會變好呢，無論我點示好，最後都因為呢d事令到我地唔再願意同對方講野，好驚咁樣就一世
BB依家幾大呀？
幾個月咋
不如照抄你宜段說話畀你老公睇。
如果唔可以坦白講出心底話，表面一家三口，日子有排捱。
頭幾個月係特別多拗撬，覺得樓主可以觀望下，一歲過後會好啲，bb 生活作息會好唔同，而且大家都唔會咁緊張。
你先生都應該係傳統型，覺得生小朋友係滿足老人家，至少佢覺得老人家想睇孫係不可拒絕，係天經地義，唔會諗到其實媽媽嘅意見係好重要。
不過你講到奶奶停工嚟疊埋心水湊孫，但而家落差太大，其實佢都好難接受。
當然你係媽媽，你所有決定都係為bb 好，但希望樓主唔好介意我咁講：其實呢個expectation 都係你哋共同決定嘅（一開始有諗過比奶奶湊），所以而家改變決定，真係好難要做好多功夫去調節。站喺奶奶角度，佢諗住日日嚟湊孫，點知而家唔使之餘，直情謝絕探訪…
如果你想讓步，最有用嘅示好其實只可以係比奶奶見下（sad but true)，唔好比佢覺得你係想罷住個bb，唔想佢哋見面咁。
可唔可以問下樓主點解唔想奶奶嚟咁多？如果係價值觀問題，唔想佢用啲騎呢嘢搞到bb，可唔可以奶奶嚟嘅時候同佢同場？（雖則係會搞到自己嘔血）。如果係作息問題，可唔可以你set個時間係方便自己嘅，叫佢嚟。如果唔想自己對住佢，就叫老公一齊在場。
我都係半新手媽媽，bb而家歲幾，第一年同老公因為佢屋企既野日嘈夜嘈（都係啲見幾多，見幾密，見幾耐嘅問題），無論自己心態同實則解決辦法都調節唔到。而家已經唔同咗好多喇。以上提議係我如果可以時光倒流的話就會做既野
當然家家都唔同，但希望我俾到靈感你啦！
7個讚
其實見你都仲係好想珍惜同佢既關係。我記得以前有位育兒老師講過sofa time呢樣野。佢話每日搵15分鐘你同佢既me time.你會發現有啲野會改變。
我見過朋友就係佢小朋友一出世就係不斷抱怨.但原來真係影響到小朋友。係咁話佢。但當老公真係走佐。佢又好想挽回。覺得有啲野想再試多次。但其實已經冇咁既機會再俾朋友了。
個人覺得佢家人成日打擾你你會唔舒服係一定。不過男人確實唔係太喜歡做你同佢父母既磨心。我自己諗會唔會你間中係主動帶佢地出黎俾佢地見.將個主導權放返係你自己手?
你講得好好。
我直頭有時選擇唔同99同場。不過我有時覺得佢地都有佢地做得好既野。我反而覺得都學到野。
即係你意思要等疫症過左先見到個孫？ 
「影響bb時間」 - 其實佢地來探，都可以照平時bb個時間表，照餵奶、照入房換片tum bb訓，放鬆啲啦。
「bb出世之後先發現同99理念同方式都不同 」- 你會發現所有人湊小朋友理念方法都唔同，就算係老公都唔會一樣，唔好只顧小朋友，淨係圍住小朋友轉，否則只會愈來愈多爭執。
不如續點解決眼前問題先
大家心入面已經有條刺時每次有時再發生只會再拮一下
同老公一人行一步
你有你時間表時 唔好拒人於千里之外
例如講定逢星期幾可以探孫
為免打擾bb休息(可講成為免老人家白行)
最好就幾點幾點到
咁起碼可以減少佢哋係又嚟唔係又嚟對你嘅心理影響
想當年 我生完連自己阿媽都唔想
有情緒好正常𠺢 ～～ 記住多d講出嚟
呢度啲jm真係好sweet
btw樓主加油
樓上放鬆啲，剛生完bb係會有啲情緒，亦唔太想見人，但鼓勵你盡量試下放鬆。
學其他jm講，set個時間俾99見下啦，亦應該有啲時間俾娘家見下啊，時間唔好太長，兩個鐘內，你都話你99本身唔係衰人，你地本來都諗住俾佢湊添，咁你就唔好太緊張。
真係驚嘅，就全程自己睇住，否則如果99唔係嗰啲會對bb做騎呢行為嘅人，我會建議你直頭交個孫俾佢，自己走入房休息下，煲劇補眠。你照顧初生可能太攰啦，你都要俾自己放鬆下呀～
其實我都覺得有點難捱
冇野個時就好好嘅，有涉及到佢家人就好似比較難，好多時都係要自己調整一下心態
不過累積到咁上下又會想呻下
謝謝你回覆
其實我有俾佢家人見面，同埋佢地黎/去佢地道我都放得開的，任抱任玩，個b喊我都不會主動去拎，即使個時我唔太想有人上黎
點知黎開就有條癮咁。。。同埋最開頭個段時間都係比較混沌，加上我其實一路坐月都唔想有黎而且我老公都知道，因最初我地三人其實都係適應中，又冇洗頭之類，心情又不太ready招呼人
可能個時序冇交代清楚有點亂，坐月我係自己坐足，一早冇話需要幫手，之前話俾佢睇係我坐完月後一兩個月左右，其實冇一兩個月嘅，主要我都係想同老公兩個夾左佢，最後一生左就決定唔交俾奶奶，同老公都傾左兩個月有多，希望可以交俾同自己比較夾同信任嘅人幫我睇，有個差距我都明係難受，又涉及佢家人，一路我都唔覺得同奶奶有隔膜，係同老公私下不ok
時間表我有段時間係揸得幾緊，因為有段時間我要返工，佢冇亂我都已經唔駛點訓，亂左更加冇得訓，然後第二日又踩足一日，基本上你都明係無止境，所以可以的話我係希望平穩。不過過左最混沌個時間，好似而家其實我都係盡量做，都係從自己調節，有人黎見下我覺得冇問題，不過隔日就要黎我又覺得好似太密，加上疫情，我又要花時間做清潔
就好似無啦啦多左好多功夫咁
好多謝你打咁多字去覆我，我自己都明好難要人人都就哂我同bb，我其實只係覺得最開頭要小心處理，做到夾到就盡量捱一年
1個讚
多謝你分享個片我睇
我都有嘗試想主動同佢有d相處時間，但佢比較偏向用多餘時間去打機同訓覺，多過同我傾計或做一d共同嘅野
冇辦法，佢打緊機佢開心我又唔想叫佢停止，因佢都好好，有犧牲打機時間可能幫我處理一d事，可能係清潔，買野或陪下bb等我去沖涼等等，所以佢想玩，我冇理由唔俾而叫佢同我講野，同埋又係約朋友打機，唔係咁易夾到時間，訓覺佢工作關係係比較攰，所以佢訓到我都盡量由得佢訓
有樣野你都講得好岩，有小朋友之後佢都話我多左抱怨，或者係多左話佢，有時真係好難唔出聲唉，不過我而家都係盡量講少兩句啦唔係踩到上心口抖唔到氣我都唔會出聲（不過其實好多時都已經唔係踩唔踩到我嘅問題，因為做左媽媽，有時有關個bb嘅可能就會覺得要出聲俾佢知道）
我地都吵過大鑊，事後都有傾過，大家一齊做好一點，bb唔睇都已經睇到了，唯有往後慢慢做返好，其實我覺得有小朋友係令自己變得更好嘅，所以希望自己盡力正面，之後都正面一點去解決問題，要珍惜眼前人
我試過話主動接觸佢家人嘅，我同佢家人冇咩唔好，但又不是好親密我又唔太識去接近同拉近同大家關係，我都好坦白咁同過9962咁講，不過我一路會主動問老公幾時返佢家食飯提佢要約，之前好似疫情好返一點，我地都有返去慶祝父親母親節，而家疫情其實我同佢係共識之下盡量不聚餐，我都有提出過唔聚餐要唔要video call佢家人，不過佢地好似唔太興咁做，又唔太識咁做，最後好似不了了之咁
我會再睇下可以點做，我唔係想離間佢同家人間嘅關係，有小朋友我自己媽媽都教過我話小朋友係令大家聚埋一齊唔係令大家有隔膜
多謝你
好多謝你回覆
因最近又開始真係爆發，我先會再提出暫時停止，之前其實基本上佢地要求黎或要返去我都盡量照做，係又覺得越來越密，我拒絕左一次，然後隔日就問過黎，我覺得好似真係係時候要停一停咁解
因為我係餵母乳，中左唔係最慘，係有機會要分開我地比較難堪，當然我係希望大家都身體健康啦，同埋都好想有正常生活嘅
而家咁樣，冇咩野顯示到個疫情會停，更加要諗點共存，不過我都係希望減少聚餐，要去買餸，買生活必需品係冇辦法，不過我諗就算話要人人中哂有抗體
好多媽媽都唔會想加速令自己個bb中。。touchwood咁講
我其實生之前都驚自己會咁樣圍住小朋友轉，但有時加加埋埋，覺得另一半唔係咁識為我地諗，我就忍唔住要固執起黎🤦多謝你嘅提醒
真係啊，由最初到而家，真係一涉及佢家人就好易越演越烈🤦不過我其實係佢家人面前表現出黎（應該真係冇）但同佢私下就火紅火綠咁。。。
其實都覺得自己對佢冇以前個種“信任”，或者佢對我亦一樣係咁
係啊，我其實坐月時都真係連自己呀媽都叫佢唔好黎，唔係淨係唔俾99佢地黎，係大家都唔好，等我地自己整理下先，然後我99最後都係要黎，我都係叫我媽唔好黎
不過而家又咁，其實佢地過黎都有風險啊
感覺你真係明白我心情，多謝你
係啊，好多謝佢地回覆我
我自己都應該要調整，多謝你
做媽媽一定要放鬆D，bb不是要跟足你的時間表、情序才叫好。
拍多d BB video 比佢地睇
同佢地講，老人家好易染肺炎，提佢地樣樣小心
但問題係老人家吸收慢，可能要講好多次先收到少少