多謝你理解，我諗可能唔係人人都會想坐月謝絕探訪，所以唔係個個都理解到我個種心情，雖然我身邊識嘅人都係唔想見人
不過睇完大家回覆，其實都好多謝大家比到唔同嘅視角我嘅
我其實都盡力調整自己，唔好鑽牛角尖，同埋99黎或我去佢家，我都好歡迎佢地抱同玩bb，日子耐左我自己其實由朝攬到黑，有人分一下唔係壞事，不過當初發生嘅事已經發生左，我地好個時係都唔錯，但一踩中又會覺得落左谷底咁，而家唔帶bb聚會其實佢都好贊成，個次我話要停之後都靜左落黎，希望之後會好，咁我都一定會主動話去99家嘅，如果大吉利是仲係咁大鑊，我都會再同老公傾，睇佢想法點
不過其實一踩到中，我都會好驚得罪到佢。。。不過到時bb大一點，希望會好好多啦
1個讚
謝謝你，我明白你意思
我個本意係覺得bb仲好細，如果我做媽媽唔保護佢，或開口出聲，就未必有人會出到聲
好多時當有乜事情發生個時，其實好多人都會紛紛出黎話左媽媽先，就算唔理外人點講，其實我老公都有機會會係呢種態度
咁呢個或者係我諗多左，扯太遠
我好明白自己冇辦法保護到佢一世，亦冇能耐，而且都唔會選擇做保護佢一世個個，我希望佢慢慢能夠自理同勇敢咁獨當一面，不過初生呢段時間，我覺得自己有多少責任
不過Bb同老人家嘅交流，爺孫關係同相處係可貴，有得著，有益嘅
會啊會啊，其實我都有俾佢地睇bb情況嘅
老人家係比較難改變嘅，唔好話老人家，其實要大人日日自律戴口罩，洗手，回家要換件衫沖涼先，做好衛生，其實要改變生活習慣都未必人人會做到，係慢慢學習同改變
呢個疫情其實大家都進步緊，希望快點過去啦
聽你講野你都好多野好體諒，同埋你都諗得好正路。我覺得你會搵到你既出路既!加油!
而家我有左5個月…我都好擔心之後會點…同緊老爺奶奶一齊住
唉，其實我真係好愛我老公嘅，以前好多野都冇所謂可以就
不過就生左小朋友多左個身份係媽媽，一有野同我小朋友有關，又第一個，點都會比較緊張亦真係冇辦法忍到咁多
其實好多謝大家俾意思同安慰支持
咁同住就比我複雜多，如果你本身同9962關係好，就易辦一點
到時自己調整一下心態慢慢會好起黎，有多個人錫小朋友同幫到手係幸福嘅事，佢地做咩都一定係因為愛錫個孫嘅，唔計d比較極端例子啦
如果本身唔好，就好睇你老公撐唔撐你，同埋都係要從自己出發，調整心態，上面有好多人都講得岩架，媽媽一定係最緊張個個，但可以放鬆一點，令自己同身邊嘅人都好過一點
除左呢兩種情況都仲有第三，四種嘅，你問我我會覺得同老公溝通係最重要，尤其是係產前，佢撐你的話，你基本上已經可以安心左一大半，個家庭核心係你同你老公兩人，同心便事成，所以趁未生記得夾佢多d喇
叫佢咩事都要企係你個邊，軟硬兼施，日哦夜哦，講到佢理解個嚴重性同埋你嘅憂慮，而且嫁左入去，其實你係離開左自己原生家庭跟住佢，可以話基本上你得一個人，佢地一齊生活開生活慣好多野都好易明白同了解，所以佢係有責任照顧你關照你
第二就係你自己本身，其實上再多堂，人地成日講話生完情緒方面會有段時間比較亂同起伏不定，因為d賀爾蒙啊會令到你心理生理都好亂
人人做法同應對都唔一樣，我自己就差不多每一日都話俾自己知過一排就會好，一定可以調整過黎，等上左軌就會好，同埋都有叫老公提點，如果自己太過火要出聲，我試過見到佢幫bb搽膏搽得太厚都好嬲，嬲到傻左咁呢d咪過左火，我自己要say sorry囉，不過睇情況啦，當然你老公如果做到，都係要盡量滿足左你同bb先
加油，為母則強
有咩都可以上黎問人，或者呻下都好丫
你係一個好老婆同好媽媽啦。有個心去愛佢地已經好好。第時bb識講媽媽時。更加唔好偏心一個啊。。