已經好過 34，不過當然輪校網，41 必勝。
自細係油尖旺長大嘅，
這區唔需要特別介紹，好多人都知 交通超級方便，
由細到大都見到唔同國家嘅人種，
一向都和平相處，都習以為常嘅，
在這區容易搵工，收入到唔錯，
但品流複雜囉⋯⋯
結婚之後就住東區，
交通一定比唔上油尖旺，
但勝在一般人嘅質素高咗，
學校讀書環境一定比以前好，
東區都係有外國人居住，日、韓籍嘅多啲，
我由細到大住屯門，村姑一名。
優點：地方稍大，有輕鐵，海灘/行山，有4間戲院，樓價比其他區平
缺點：屯公例塞車，之前多水貨客，屯門公園大媽唱歌
但我都好鍾意住屯門，住慣左嘛
夏天時成條街尿"押"味好犀利，我次次經過都反胃想嘔！
我都好鍾意住屯門 
雖然搭車返工車程耐, 但日常買野都好方便齊全!
睇戲平過市區好多!! (記住去睇《幻愛》支持 《十年》既導演) 
2個讚
只做過黃大仙同沙田人﹐
二邊都要行10-15mins先至到鐵﹐
不過二邊其實都唔需要靠鐵﹐
巴士更好。
我又唔覺喎, 不過其實住過到又好少行個條街
係咪因為多人養狗呀？
屯門睇戲真係好平，我都去睇過，平到好似幾十年前既香港咁
1個讚
yes. 隨地all,地雷好多，仲有個狗廁所係度。你可以想像好多v v, 是旦用水冲開，係3x 度曬乾浸味！
秋冬我先敢經過，夏天我寧願行遠D!
雲地利道都未算好「押」
我之前住山村道嗰邊，啲橫街就真係好臭
邊條街？雲地利道？
Yes.
紅磡近黃埔
好：熱鬧，生活方便，返工返學交通四通八達，去MK/CWB唔洗半個鐘
唔好：人多，街窄，空氣差，多遊客
土瓜灣近九龍城
好：同紅磡差唔多，分別係平時出街食飯由去黃埔變左去九龍城(選擇多左)，同埋感覺呢邊老人多過紅磡，有人情味d
唔好：人多，空氣差，條街污糟
大圍
好：空氣好，條街闊落，打開手行都得，shopping可以過沙田or落九龍塘，多老人，感覺生活節奏都慢d
唔好：美食沙漠，交通比較唔方便
我覺得大圍好多野食，如果住近黨鐵出市區其實都好方便呀
不過係掃街多，唔係餐廳
大圍唔沙漠啦嘛…
哈哈 我就比邁亞美個海景呃咗 頂唔順交通 住咗4年搬返出九龍
住緊安達臣, 走佬避債最好, 正宗山卡啦.
缺點: 成條邨百無, d人會令你覺得去左武漢, 出親"省"都個幾鐘
大埔：交通方便，旺中帶靜，有得跑步同踩單車
粉嶺：除咗靜都諗唔到其他優點，多塵，食嘢選擇少，交通唔方便
而家住元朗：交通方便，黃店多，仲有同大埔一樣，有商場之餘有街舖，缺點係好多新移民，藥房