無錯，係全車人阻住成條行人路，佢地一落車就煲煙。
住過馬鞍山，當年係美食沙漠。
美孚
交通方便
無啖好食 夜晚飛車我單位有一邊對馬路有啲嘈
1個讚
住過:
太子: (優) 交通/買野/食野方便, 乜都方便又唔洗轉車, 幾夜返歸都唔怕。(缺) B6旅遊車多，B6自由行多，嘈，空氣比較差
南區: (優) 去南Y島好近 (缺)日日搭車人多，日日大塞車，人多車多，街道窄又多斜路，美食沙漠
西貢: (優) 空氣好，遊山玩水方便，環境靚又舒服，養狗狗比起市區易搵樓 (雖然而家好多都開始拒絕毛孩)， 少D大財團幫襯本土小店 (缺)日日塞車+難搭車 (特別假期)，夜歸要搭的士，人多 (特別假期同夏天)，車多，難搵食 (特別假期日子)，食店選擇唔多，住某D村交通同買野唔方便，多蛇蟲鼠蟻，買野選擇唔多
去南丫島好近居然係優點，睇黎對南區好不滿
我住個陣都係美食沙漠，仲要未有馬鐵，所以通常都係出新城市食野
我都係住沙田馬鞍山.
嫁左住係馬鞍山都十幾年, 配套好算不錯. 睇你住邊個方向, 西斜真係好熱.
而家搬左去沙田. 覺得比馬鞍山好既係放工回家近左, 因為我係港島東回來.
本身住官塘區, 都愛住沙田.
其實我諗唔到南區有咩優點 
我只覺得個時住南區, 幾乎一放假就去南Y島, 搭一程船好快到, 所以只諗到呢個優點
贊成美孚係美食沙漠
黃店又好少
不過真係好方便 出城/入元郎屯門都快
我住果陣差不多起馬鐵, 不過我都係自己煮多, 馬鞍山以前真係無野食.
我由細到大都住屯門
好: 至少有啲花花草草, 有後山可以行下, 空氣都好啲
唔好: 屯門公路成日有車手, 返工放工都會塞車 
藍田，買野方便，交通方便，但人多，近幾年上藍田條電梯做緊保養…
馬鞍山，要山有山，要水有水，設施亦整全，係返學遠d
大圍，交通方便，小朋友返九龍塘只需30分鐘，社區設施就爭d
Hi 街坊
, 雖然無mtr 但其實幾方便，但近年覺得多左巴基斯坦定印度果種國藉既人
以下只係感覺，唔一定係我住過
調景嶺：自成一角，算靜，方便但野偏貴，校網麻麻所以超級多人係跨區返學
油塘：平，公屋/居屋多，所以啲人就平實啲（唔計政治去向）。
藍田：交通非常方便，買野要平有平，要貴有貴，人亦非常多。
九龍城：黃埔嗰邊就方便好多，九龍城寨嗰邊就好多車，校網算唔錯，不過返放學時段就真係非常非常多人。之前超級多一車車內地遊客。
深水埗：樸素啲，平，算多公園畀小朋友玩，真係有 80、90 年代 feel，細個最鍾意嘉頓嗰度。但真係雜啲。
荃灣：方便，有平有貴，新舊一齊。
愉景灣：悶，冇乜特別野做，「外國村」，好貴，好曬，出入唔方便。
灣仔：校網當然好，交通方便，一條大路去銅鑼灣、中環非常多車非常多人。貴，冇乜適合小朋友嘅地方。
大坑：靜，悶，舊樓多，夏天最怕行嗰條樓梯/斜路，但落銅鑼灣、天后好方便。
跑馬地：荒蕪、凍，賽馬日塞死，一定唔會行上山 。
沙田：交通超級方便，當然人亦多。
大埔：旺中帶靜，平。比華利山同科學園嗰邊另計。
粉嶺：平，一條大路隔開新舊兩邊，有熟食中心朝早唔少老人家去幫襯。
我覺得呢度最理想係藍田。
3個讚
上面都有人講藍田係唔錯，我一睇心諗你坐過咁多地方 之後先睇到你第一句嚇死
我自己覺得下跑馬地麻麻地，啲樓好舊又得一條路出去，上跑馬地固然係好好住，但係都貴到阿媽唔認得
大坑你係咪講梗大坑道條斜路？我覺得大坑下面其實幾好，好有特色，舒服又靜，不過都係新樓就好貴，舊樓就好舊囉
1個讚
工作同家庭關係，幾乎每星期都要出入呢啲地方/附近搵野食，調景嶺、油塘、藍田就去得尤其多。
跑馬地真係送畀我住都唔要，下面就樓舊，上面就荒涼，乜鬼都冇。我就係去上面，貴到阿瑪唔認得，又唔方便，仲要係同親戚+屋企人堅持慳錢行上去，不過佢哋行左幾次就放棄。
我為左慳錢慳時間，天后地鐵站行上去大坑，行樓梯上去再大坑道行上去，夏天真係想死，有時間我一定衝入去惠康嘆下冷氣。
我鍾意住城市啲嘅地方，藍田啲屋苑自成一角，靜，又快到地鐵站同商場。
調景嶺都唔錯，我鍾意佢地鐵站上蓋，連接商場，行十幾分鐘就可以到將軍澳，我更鍾意地鐵站一出就有西餅舖、壽司、雞蛋仔 。屋苑要登記身份，啲看更從來都唔會「中眼訓」，閒雜人唔會有機會入到去。有啲屋苑太過四通八達，乜人都自出自入平台。可惜就係遠左啲，如果仔女要九龍西返學就好慘，打更咁早返學。我知英華仔要 6:40 上車，真係可能大人都未出門，小朋友已經上左校車。
其實太古都有去但比較少，真心覺得太古啲樓好正，實用高，不過當然
。
1個讚
娘家係北區, 近和合石
優：人比較少、清靜、地方空擴、空氣好
劣：出入市區耐、交通工具選擇唔多、離鐵路遠、車費貴、比較少食店選擇
現住721地區
優：多野食選擇、買嘢方便、交通選擇尚算可以
劣： 721、空氣差、多塵、車費一樣唔平、多大陸大媽及南亞人士、夜晚好多飛車勁嘈
港九新界我都住過，最舒服係大埔、赤柱，但遠。
最差係721，又遠又凍又唔舒服。
九龍冇乜特別，最方便就黄埔，乜都有，有埋黨鐵更加完善，又有船十分鐘到北角，校網更加無得輸。
下跑馬地麻麻地如雲地利道好好住, 靜中帶旺,馬場景夠開揚. 住過某座一梯兩戶, 大堂及電梯同新樓差不多新淨. 行上少少去寶覺附近有大草地比小朋友跑步及玩。
我反而覺得黃埔個小學校網麻麻…