屯門都係，而家無左水貨客同大媽唔開工先好dd
康城：
優》地方大，有海景
缺》超唔方便，唔好講話美食直頭係飲食沙漠，生活日常極缺乏，大塵，極潮濕，冬天凍夏天熱，勁多新移民
美孚：
優》交通方便，生活所需集中，去新界以至港島半個鐘～9個字
缺》屋苑舊加漏水，嘈，空氣較差
荔枝角四小龍：
優》交通方便，靜中帶旺，少蝗蟲，住宅區少閒雜人
缺》市區樓空氣以終不及新界，缺乏小店
我諗起我有朋友搭黨鐵永遠都搭唔到去康城，成日落車會去錯月台又坐番轉頭
我都試過無數次返康城搭左去坑口
1個讚
我另外有朋友住深井，佢地分享左一下
優點：背山面海，海景好靚，樓價平均，有燒鵝食
缺點：交通不便，不便到連ubereats/foodpanda啲外賣app都唔會送入去，變左只有燒鵝食
東涌
靜，屋企望出去一望無際，有山有海有昂平360，但四野無人，綠草如茵（即係好荒蕪
），小朋友落街就有好大的綠化地方跑，仲有一個公園，呢個公園面積大過市區公園好多好多，得一個唔太岩居民行既outlet大商場，近排有返戲院都算有少少娛樂，想買餸多選擇，要行街就去荃灣。 有乜病痛，如果診所無開，可以去北大嶼山醫生，好快無乜人等。但缺點係車費貴（一千蚊/月)，坐既時間唔耐，但等巴士時間耐，有時會脫班。
旺角
勁方便，樓下就係地鐵站，唔使坐車去其他區行街，油尖旺乜都有。缺點居住地方細，一落樓勁多人，有時想避開自由行就行奧海城，大角咀。
長沙灣
住唔慣東涌，搬返出市區，長沙灣比深水埗靜，人都無咁雜，但如果行街坐車出返旺角，太子，深水埗都好快，車費平，用喺坐車時間都少左。
1個讚
其實東涌唔錯，如果唔係打工仔日日要返工嘅話幾好住，樓價又底水環境又靚
其實係好岩住 ，地多人少密度低，又多外籍人士居住，退休人士一流，之前仲同c6講退休就住返東涌，得閒去行下山，醫生又少人等，覆診都慳時間
之前有報道東涌空氣差（我唔記得咩原因），其實係唔係呢？
係咪因為機場附近？
係有，但對比旺區，東涌空氣好好，因為少好多巴士，的士行駛，我住東涌，鼻敏感都少左，出返市區住，又嚴重返。
住邊一區都好，最怕住美食沙漠，冇啖好食
東涌呢半年空氣一流，藍天白雲 
原因係 北風 把 珠三角地區空氣吹到，
近廿年，珠三角區域發展工業，產生大量廢氣。
東涌係坐南向北，
北面係大陸，由北面吹來廢氣，
南方是高山，未能即時擴散去其他地方。
廢氣累積係大嶼山北一帶⋯⋯
其實上水、屯門、元朗、天水圍、都無一幸免。
也是最早接觸到這些「污染空氣」區域。
3個讚
沙漠中嘅荒島，我都住過
因為飛機升降空氣中會有好多懸浮粒子
以前住馬鞍山出又一城好方便，當然人雖多，但冇咁易比喼撞㗎。依家全部拉喼黨同刨冬瓜城大學生。
笑左得燒鵝食。
好彩冇買深井樓，當初都有留意青山公路一帶既樓。原來冇得送外賣，我老公鍾意嗌
認同，新界西d空氣真係差過新界東，成日好多煙霞望出去矇查查。