You can try this
即係咩啊? 降咗grade? 定係老公只係對樓主無衝動 (一直都無定係結婚之後先至無)?
講到底, BB係生命, 要大家都肯付出呢個project才會成事, 只係靠一個人改變係好累人的. 想生果個都唔肯做多少少, 怪得誰?
如果只係想搵個女人延續母親的愛, 係咪太自私呢?
1個讚
你好講中心既心情 
我自己都好鍾意小朋友，但我更明白生小朋友要做一個負責任既父母，要夫妻關係好小朋友先會成長得開心。但對住佢，我就知道呢個project冇希望。
連結婚周年飯，佢都話：明明結婚係兩個人既事，點解要我請。嚴格黎講佢冇講錯，但我好失望姐⋯咁斤斤計較⋯
樓豬你老公講嘢真係睇到令人把幾火…
2個讚
跳tango咁，一人一步不妨順口撒嬌，
好似日本白色情人節咁，
下個月我請～
(心入面一定xyz，但當刻唔好發作）
(心情好先講笑式話佢果然結婚升左le唔同d，週年大餐要太太請）
唔俾你dup備孕物品已經清楚知有少少希望最後和好。
奶奶讚仔，我唸係好common嘅事。
唔好同99爭讚，好難爭得贏
反而唸番佢當初鍾意你啲乜嘢，然後更努力做。
至於媽寶，
得閒談心就要洗腦，我自己當初係咁洗腦
大個仔；
成家立室；
第時想做點嘅爸爸；
做爸爸之前做定家務實習下；
阿仔餵夜奶靠晒你啦；
我一定會胎教bb叫爸爸，一日到晚都bababababa，等偉大嘅爸爸換片、餵奶、氹瞓、陪玩。。。（下省一萬字類似廢話）
等佢知爸爸嘅責任，同知多d生b知識概念。
男仔一般好似大細路，阿b未出世之前只會唸阿b大左可以去玩，一家樂也融融，skip晒99.9999%照顧太太同小b嘅步驟。
好贊成你哋去上下婚姻輔導，
了解下大家嘅性格、原生家庭嘅影響。
婚禮係一個開始， 需要雙方永不言棄、互相扶持先可以行到終點。加油！
3個讚
你都要加油
無論咩決定都好，最重要係身心健康
1個讚
就咁聽都係受軟唔受硬嗰type, 硬碰會鬧交，試吓氹吓
1個讚
佢仲想一齊係嫌麻煩咋嘛？
條友講到佢想做你就一定要配合咁，真係為生仔而交配？
你自己嘅意願呢
-
佢連做老公個角色都做唔好
賭大細佢會唔會做得好爸爸呢個角色？ -
就算佢做得好爸爸呢個角色
樓主接唔接受到佢只係細路個阿爸，唔係你老公
試下搵返佢d優點，諗下當初你點解揀左佢
你依家仲鍾唔鍾意佢？
1個讚
- 我就係冇信心
- 梗係接受唔到，而且我深明咁樣既夫妻關係係對小朋友唔好。
我都努力諗緊…
唉，算啦冇性生條毛咩，其實已經咩都唔駛諗。
除左生小朋友，而家更重要係處理夫妻關係。如果你都有最壞情況嘅心理準備，都當俾多一次機會大家去見下輔導，睇睇有無機會解決問題啦
我真係好傷心
我岩先同佢講結婚周年飯都要AA制我覺得接受唔到，佢反博我話：係你接受唔到咋嗎，而家社會男女平等結婚係兩個人既事，慶祝兩個人平分好合理，唔信你問下人囉。
可能真係我思想守舊啦
我唸我會答：
係呀，咁第時我生仔你都要係肚皮度開一刀，益你唔駛十度咁多，九度啦，然後一齊坐月。
然後個個月d家務我淨係做自己個份。
不過如果佢真係咁愛自己，sis你都要為自己打算一下，保留三分俾自己。
我有個前度都係媽寶，開頭唔覺有咩問題，仲覺得孝順係好仔，後尾愈來愈覺得佢日日都"我阿媽…"真係好頂唔順
佢都係成日覺得自己將來會成大事嗰種人，但其實能力好普通，亦都冇具體計劃去長進自己
好彩我走得早，分咗手佢阿媽仲stalk我添
雖然最大份既租係佢俾 但平時屋企開支大部分我都有俾 買野都係自己俾 好乖儲錢冇亂買野 一年一次周年紀念想要d甜頭都要AA制
我尋日好心平氣和話：可唔可以好似以前拍拖咁關心我多d 嗲下佢啦
佢就話：以前唔駛個個月諗點樣搵錢交租（佢做銷售性質工作）又唔駛做家務 我而家做多左好多家務啦 邊有咁得閒諗點樣關心你⋯⋯⋯
講到好似mission impossible 24小時都要工作冇一秒得閒咁 我真係心灰意冷
2個讚
講真。吾好要細路。尼個男人吾值得你嘅愛。太自私。早走早着。只愛自已吾理身邊人感受。食餐飯都要同老婆計嘅男人。踢走佢啦
1個讚
哩D人﹐
你不如當佢同屋主算啦。
樓主, 我思想都唔係守舊, 對婚姻覺得唔係衰到貼地都唔會教人離婚.
不過, 要教媽寶男, 最低要求係個男人還是愛你, 只係愛你的形式難以接受.
你嘅情況, 你男人已經唔尊重你, 唔愛你/ 愛你係有條件.
咁樣就已經唔係愛, AA嘅時候就講公平, 生仔嘅時候只係唸自己, 人地老公同佢自己又唔見佢識比較?!
今日你仲有姿色仲有收入無兒女負擔, 你忍. 過多幾年, 你條件差咗, 你bargain power低咗, 你老公都係唔愛你, 你又會點呢?
男人阿媽點鐘意你都係無用, 個男人唔珍惜先係重點.
女人嘅青春真係好寶貴, 無人比你自己更會愛自己.
1個讚
唉⋯只怪自己當初冇諗得太清楚就結左婚，我而家心情都好矛盾。有大家支持下我令我已經舒服好多。
2個讚