老公唔係typical既媽寶，唔係下下「阿媽話」/成日痴阿媽果d，唔係話完全順阿媽意果d，會博阿媽咀既。但內心仍然係一個媽寶。
婚前好欣賞佢好有理想，但我慢慢發現佢係談理想夢想但行為上又唔見真係好博好努力，唔係真係好積極。點解會咁呢？之後愈黎愈覺得係原生家庭引致佢性格咁樣
佢單親家庭，係阿媽既寶貝，阿媽係誇誇群只讚不彈，當正個仔係明星果款全宇宙最叻。老公內心成日其實係想滿足阿媽期望，工作都只係想接阿媽班。
令老公性格好有媽寶普遍既問題：缺乏自信且沒有主見，唔獨立，唔主動，面對事情總喜歡逃避，比較沒有責任感等等。例如好多野都係踢一腳先郁一下/ 完全唔主動諗家庭計劃etc
佢想做得好，但佢唔明佢呢d性格令佢好難做得好。最大問題！係佢自己唔覺得自己有問題！
而家我地冷戰緊，我諗唔到呢個咁深層次既問題點算？
（當然，都公平講返句，自己性格比較強同情緒較大，都有唔岩。我會簡單形容為，佢不滿我性格問題，我不滿佢能力問題）
首先係咪近來有啲事令大家情緒爆發？因為雙方性格結婚前應該都知，如果係有件事，可見將來有冇得解決？
如果想從根本解決，有冇啲common friend 可以做橋樑幫下手？或者試下婚姻輔導，有時有第三者好似中立啲講出問題所在會容易接受啲
改變一個人很難。
佢媽讚開，你就彈開，咁樣佢一定唔會聽你講的。
媽寶都多數聽老婆話架
其實好多男人都係咁上下，唯有多D同佢溝通，話俾佢知你既諗法，唔好諗住完全改變佢，有少少進步已經好好。
我覺得樓主你講嘅老公缺點其實好多男人都有
講真非常smart + 有行動力嘅男人又未必睇得上你…
難聽d講句，呢個你老公係你自己揀嘅，如果佢唔係婚後先變差，其實無得怪佢，要怪只係掛你自己婚前看不透
所以，既然已經結咗婚婚，鬧交/冷戰都好，最後都盡量學習包容大家
我相信人無完美，嬲完之後想想對方嘅優點吧⋯
我都明呀，所以都打算讓步，任由佢慢慢發展。
但本身我地係計劃生仔，而家我就唔想了，我冇信心可以好好合力照顧小朋友。
係
因為婚後我地完全冇曬性，但大家都鍾意小朋友本身係計劃生仔，平時傾計又冇咩問題佢仲有買備孕維他命俾我。但冇性係生唔到架嗎，終於拎呢個問題出黎傾，之後就爆。
已經約左輔導，先分開見，唔知有冇用
咁其實根本問題係性生活唔協調，大家情緒唔好先爆，搵返解決源頭嘅方法先，點解婚後就無晒？可能解決左，其他問題就無事
無曬性的問題大少少喎，兩夫妻新婚燕爾……太攰？定無mood？
唔好睇少呢樣野，有好的夫妻生活對夫妻關係大有益處架
咁奇特？！
性格冇得變，只能磨合。你要接受佢呢種性格，佢亦要接受你的強勢，否則只會感情越來越差。
一來社運果時大家都冇心情，停左就一直停啦
二來結婚就唔同拍拖啦嗎，要處理事情唔係吃喝玩樂。可能處事做法有唔同
其實平日講野食飯傾計又冇話鬧交嘈交果d，叫佢做野又肯，但可能佢表面遷就內裡就儲埋d怨氣，which is 我唔察覺。
你地搬開在定同奶奶一齊住?
如果不同奶奶住﹐
慢慢迫你老公有D o野要佢決定得唔得??
一步一步上。
其實性格都係原生家庭留落黎既問題，我睇多左d資料都慢慢理解。
所以我都諗住唔再咁急/催佢咁多野，由得佢自己。
只係我覺得佢咁樣懶懶閒既性格就唔好學人做爸爸，打算放棄生育計劃
問題係，先唔好話決定，明明生活上有咁多大小事務，佢根本就唔察覺有野要做要處理要準備⋯⋯
提出黎，佢又唔係會做research搵資料分析下再做決定，一係懶懶閒拖拖拖，一係就憑直覺做決定。
不過算，我都打算由得佢，唔好學人話想做爸爸就得啦。
一步一步比佢決定生活上既事情，由佢最熟悉既地方先，最緊要有家庭觀念啫，佢唔覺得有問題，你就要認命自己負責提佢，加油！
但自己真係好唔開心
當初好欣賞佢就得人對我好，又有共識結婚生兒育女組織家庭。一直籌備婚禮都係一齊商量一齊搞，表現上都唔係下下阿媽話。
一心想組織家庭，但變左幫人湊仔仲要佢完全唔覺得自己咁樣做人做事係搞唔掂（佢阿媽仲要加持令佢覺得自己掂到爆），唔明我苦口婆心係為乜
哩D慢慢過D責任俾佢﹐
一D你無所謂的o野叫佢揀﹐
但要扮到你自己覺得好難揀﹐
佢揀完要反問佢點解﹐
慢慢先可以令佢諗o野嘛﹐
否則你成世都要湊仔架喇。
好老實，就得人嘅多數無主見，有主見嘅唔會就得人呀。
唯有慢慢俾啲野佢負責同決定，其實多數男人係屋企都要人湊，我老公生完都有進步，所以唔駛咁灰，先諗方法回復性生活先