聽完大家講心入面舒服左，多謝大家
1個讚
你咁諗都啱。個人經驗覺得有左仔女，夫妻之間會有更多分歧，如果本身已經覺得大家的性格同理念不是很一致，我覺得應該多觀察一段時間先決定要唔要小朋友。
1個讚
完全同意，不過如果好愛對方（或迫於無奈haha）嘅話，都真係可以昇華到又有主見又就得人嘅。
因為咁岩我同老公性格都係好獨立勁有主見嘅人，所以好多時變左大家都要放下自己意見，或者好客觀咁去討論，冇得好自由自在決定哂。
所以你老公好就得人冇乜主見其實好適合比你話哂事，然後點佢做嘢。
佢之所以係媽寶，鐘意配合啊媽期望，好大可能因為媽媽成日讚佢覺得佢好好，令佢內心會得到好大成就感，認同感（比著你都寧願對住一個日日讚自己嘅人好過日日鬧自己又厭棄自己嘅人）。
對付呢種奶奶，你要搶左佢嘅角色黎做！即係比奶奶更加令老公覺得值得跟隨，可以係你身上拎到嘅認同感要多過佢啊媽，咁佢先可以貼貼伏伏。一邊讚佢誇誇佢，再一邊種下期望，想佢做乜乜乜咁～（你嘅EQ要好高）
千奇唔好做典型嘅煩人鬧仔啊媽，咁只會推走你老公向你奶奶到。
睇咗第一集，已經估到係『中港婚姻』，
我有嘗試架係咁讚，但佢話我讚得太假，話feel到我唔係真心
可能係我演技太差我唔岩啦。咁奶奶係超級真心覺得個仔係super star果d讚，真係拍馬都追唔上。
而我都發覺，拍拖時佢話覺得自己好成熟好叻（到呢刻都係咁樣覺得），但其實佢一直既自信有一大部分係來自佢阿媽，唔係真係來自實際世界真係做到achievement既自信，亦令佢好少檢視自己既不足。
同埋，其實我老公唔係200%真心順得人，佢只係覺得以免爭執就就我算數，但心入面就勁記仇，覺得好委屈。
你同老公磨合到，好替你開心 
1個讚
我之前有一個男朋友都係咁，都一齊到好多年，最後並唔係因為呢樣性格而分手。我係一個鐘意有問題就拎出黎傾嘅人，但對方就費事嘈完唔開心就避開討論，我都會覺得佢咁好討厭，不過後來睇開左，正正利用佢咁懦弱嘅性格，可以無限指示佢做嘢，無限揸主意，勁自由。
優點同缺點其實係同一個性格睇你點睇同點利用，既然都結左婚，要同佢過一世，我會選擇ignore同接受老公缺點，然後放大佢嘅優點一萬倍。
讚人係要真心讚架，同埋要技巧要練習，初嘗試讚啲你真心覺得好覺得佢叻嘅嘢（你一定有嘢欣賞佢先會同佢結婚啦），慢慢你就會掌握到～成世人流流長，佢開心就大家開心，對你都有好處啊 
2個讚
我真心勸你諗清生小朋友既決定。
我屋企個媽寶，口口聲聲講到點愛小朋友，好似好承擔。到頭來末講就天下無敵做就有心無力。我覺得我同單親無分別
1個讚
我已經撤底放棄左生BB既想法。一來佢講到出口唔鍾意我到唔想同我有性，咁根本冇可能生；二來，佢講到出口覺得要公平d同我斤斤計較點解成日要就我要男女平等，婚禮仲拎住個咪話happy wife happy life 
。唔駛旨意佢會對家庭好。
我真係好後悔嫁左俾佢
你努力照顧小朋友佢第時大個一定知架！加油呀！
離婚，唔駛諗，又未生，點解要為難自己。
一個人生活仲好過幫人湊仔啦
3個讚
媽寶好過份，我覺得佢唔成熟， 初初睇留言覺得你地係內心可能仲有野冇拎出黎講。但如果開到口唔鐘意妳所以冇性。 唔知係咪佢發悔氣，如果真係咁，覺得你地係因了解而可以分開冷靜
2個讚
佢係好認真地話「係要去多麼極致先會令我唔想有性；我未鍾意你到想同你有性，但唔係討厭你」。
結婚係想要有個愛我既老公呀
雖然比較黎都冇意思，但我真心唔明，大把夫妻大吵大鬧都生得出仔，我地其實都冇日鬧夜鬧，有不滿我都係黑面唔出聲去跑個步冷靜下。真係好唔明佢係要有咩女人先刺激到佢想有性（利申：自問身型ok）。
好過份, 可以咁樣講嘢, 好唔成熟, 點做人老公?
佢都係走番去佢老母度飲奶啦.
樓主, 佢阿媽未介紹女人俾個仔咋, 如果唔係你一早唔在呢個家…
既然嫁咗無人愛你, 點解仲要委屈自己浪費青春.
適當時候放手, 得到的可會比失去多.
2個讚
我覺得唔係媽寶, 係中二病,
俾呀媽讚好以為自己係真係好叻, 係神 
變左做咩都要人俾目標佢先識行動,
好多野自己主動做, 就會無自信, 因為慣左其他人俾信心佢,
搞到要人俾提示 
同時又將自己擺得太高!
1個讚
其實佢都講到出口唔鍾意你, 做咩仲要留低, 放開佢, 放開自己, 加油
佢又話想繼續一齊，想改善關係，佢話自己仲想要小朋友。（我以免督眼督鼻掉曬d備孕野廢事影響自己心情，諗住之後想生先再買，佢又唔俾我掉
）但又講埋d咁既野
我都有感覺覺得單身都會比同佢一齊快樂
不如你地試下去婚姻輔導
妳地兩個始終要協調吓，硬係覺得有d 野大家唔知大家內心世界， 雖然搵同一張床。 點解佢會開到聲唔鐘意妳，點係佢又冇主見？ 點解佢。。。總之係有問題係未清楚， 搵婚姻輔導，搵best fd 幫手。
我覺得佢其實對你哋關係仲存有希望喎。
我諗佢有好多嘢想你改變，想你做到令佢開心⋯⋯當你做到，佢就會鐘意番你，同你有性⋯⋯
我好明白『未鐘意到想有性，但唔係討厭你』嘅感覺，我拍拖好多時都係咁，咁至少你哋之間仲有機會啊！
婚姻輔導應該真係幫到你的
去過一兩次明愛 但個社工好似趕收工咁都唔係好有用 
有冇好介紹？
轉其他機構約見，一定有辦法