我覺得我奶奶真係有囤物症
人地比佢嘅野佢咩都會拎哂返屋企
有用冇用都會要咗先
食完外賣D盒比佢見到佢會執返洗乾淨，但係又唔見佢會用返黎裝野嫁喎
我仲有兩個月生得，人地比咗兩大袋BB衫比佢
但係D衫又黃又有積…褲仔穿哂窿橡筋又爛哂
成屋都係已經用過嘅外賣膠叉膠匙羹，又中意儲埋勁多膠袋，但係又唔見佢用返
連隔離屋掉出去嘅紙皮箱都會執返返屋企…
我而家有垃圾都會掉出屋企出面嘅垃圾桶，廢事比佢見到
都唔知話佢貪心家慳家好
老人家，十個有八個都係咁
2個讚
佢執紙皮做乜？賣？
呢個有啲離譜
成日執紙盒紙皮，好易中白蟻或蚤。
先了解佢為乜儲嘢先，如果是慳錢，就要同佢講好易因小失大。
我老媽子鐘意買到成屋都係野但又唔抌野，全家人都覺得佢有心理病
不過又未至於執人地D野
2個讚
要由心理開始了解，
佢係咪冇安全感嘅人？
佢係覺得用得唔好嘥，但係儲哂所有野係到唔用
例如：塊廚房抹布用咗4-5年都有，但係佢覺得未爛唔好掉（我已經成日買新嘅返黎，叫佢用佢都唔會用）
屋企食飯膠碗起碼用咗十年都有，但係未爛唔會掉…之類呢d咁
我覺得平時睇完報紙儲下拎去賣冇咩所謂，但係人地掉出黎又執，汽水罐又留
我第一次最驚訝係我食完Lunch個發泡膠盒佢洗完放咗係個架上面…
我已經係屋企用緊我自己嘅私人碗筷嫁啦…
但係個b就黎出世，我好驚
仲要佢唔係喺屋企無所事事，佢有返工嫁喎，又有比家用佢
咁都會俾人既？
係唔係你奶奶執㗎？
唔係啊，係佢果邊d親戚比
但係D衫我諗都有十年，而且佢今日先用漂白水漂過d衫
我應該唔會比bb著
睇精神科
依家你無小朋友唔太影響你，但小朋友出世後就好大問題，其他人掉出來既野唔乾淨，bb又易病。
建議用bb角度作為出發點叫佢放棄雜物，再唔得遲早要搬出去住。
1個讚
唔係應該 
係千祈唔好！
BB學爬時有位俾佢爬咩…？
可以的話，搬出去住啦
我媽都係， 佢話平就買定喎
但刨薯仔青瓜皮嘅刨都5、6個，夠用一世
滴2 滴漂白水嗱穿塊布，咁咪爛囉
衫 剪爛佢
膠盒，膠义 整爛佢
唔係講笑，要對付，唯有癲過佢
2個讚
你老公點睇?
同意其他媽媽話整爛哂D野…冇辦法, 件衫仔漂過, 你唯有偷偷地整爛佢
你係咪會自己湊B呀?
千祈唔好俾bb著
我99都係咁, 我有出聲叫佢清左唔用既野, 宜家好左好多, 我同佢講我屋企唔係環保回收商呀, 唔係人地比就要囉