正解 
其實我老公都企喺我果邊嘅，只不過男人我諗bb出咗世幾個月先會有實感知道自己做爸爸，所以而家佢忍受到都由佢阿媽
佢係咪經歷過啲乜嘢先會咁樣呀？定係你老公話佢由細到大都係咁？
我總係覺得同6299有關的o野﹐
最好由老公出聲﹐
除非佢想拖字訣叫你忍。
間屋係咪好大？執咁多野番屋企都有位擺？
舊一代嘅人，佢哋經歷過饑荒和貧窮，所以好珍惜同唔浪費
不過隨著年代，佢哋思想應該要進步，不過我知好難
因為我屋企62,99,老母都係咁
佢執返黎D野都細細件，好似今朝我入廚房，見到用完嘅雞粉罐洗完係到，佢又唔係用黎裝野，究竟呢d野留返黎有咩用
幫佢拎去乾淨回收XDD
話比佢知而家有啲地方拎去回收仲有得儲嘢換禮物呀
2個讚
我奶奶又係有囤物症，人地俾野佢一定要左先，唔理有冇用，會不會用。仲要係購物狂，乜嘢濕濕碎碎都買幾個，廁所擦都有五六個，旅行喼，買送車廿架都唔只！屋企換左電磁爐，有d 明火用既煲都已經用唔到，又唔掉放埋一便。雪櫃又唔執，兩個雪櫃都放唔晒d 野，9唔搭八既野都放入去，handcream 放入去做乜鬼，冰櫃又當碗櫃，簡直癡線！d 野買完又放埋一便，之後就唔知屋企有，過一排又再買，d 野亂過乜，唔識執野同唔識分類，搞到成日唔見野。最討厭就係雜物多塵，佢用d 膠袋鋪面以為咁就乾晒，我真係反眼。
我娘家d 野好簡潔，乾淨整齊，d 野無用就掉。嫁左入黎反差好大，顛過唔知幾多次。。
直頭一樣…
佢好似覺得所有放入雪櫃嘅野都唔會變壞咁
我屋企都有兩個雪櫃，兩個雪櫃都係膠袋冷凍食品，開咗食唔完嘅餅乾，外賣醬料包（唔知幾耐之前）…
就好似啱啱我同老公執隔離房，諗住bb出世可以用，我地一路掉野，佢一路執返哂d野話有用…
佢儲埋d膠袋紙袋環保袋唔捨得掉，救命啊，加埋百幾二百個袋，究竟有幾多野要裝起啊…
之前換季我地掉咗嘅冬天衫，又出現返係屋企，成日話拎去比人
我真係好想大叫「冇人會需要我地嘅野嫁，d野又唔係名牌，係街邊幾十蚊野，著都著咗兩三年啦，你送比人我都唔好意思啦」
我明吖、小朋友幾十蚊、著到起哂毛頭又有食物漬
我俾人都唔好意思
我bb未出世，我係掉咗好多大人衫，佢執返話要比人
每執完二、三袋直接拎落街﹐
唔好俾佢見到。
我父母都係咁, 我住得好辛苦, 
好彩我自己有間房, 唯有死守好自己間房
有啲人係鍾意儲果一刻感覺，但其實掉左佢都唔知
1個讚
咁樣好易帶d 蚤 + 蟲 返屋企wo
趁Bb 未出世，快d 同佢大掃除啦
清曬d 嘢，唔好污染bb 用品
點解唔明點解上一輩d人係咁…我呀媽唔係執野，但又係好鍾意一次過買好多野，明明屋企樓下已經係超市，有咩要用咪隨時落去買囉，係都要買一堆夠用一世既擺係屋企阻住晒，屋企本身都細架啦
例如屋企有成幾十卷廁紙，最難頂係一次過買極多生果，佢話特價wor…又要食唔切，最後咪壞晒囉，佢又唔捨得掉，壞都照食
成日因為呢樣野嘈交…唉到底呢種心理病有冇得醫
你奶奶勁似我奶奶，又係草雜物，咩都吾肯扔，人地吾要個啲家電佢都執返黎自用或者等返鄉下時比鄉下親戚，但鄉下人分分鐘有錢過你香港人，之前未結婚時我老公同佢返親鄉下都係兩手同背都拎哂野又拖喼就係為左拎啲「物資」返去，我個陣生完bb佢要我欖火盆（生完下體好痛）
跟住頭十日嘈交嘈到報警跟住搬返娘家再搵屋搬出去住。
我覺得呢招可以試下。如果佢係覺得用得唔好哂，教佢儲起拎去回收，換成更值錢嘅廁紙食物等。搵下附近有無綠色社企
例如你講個d外賣發泡膠，洗乾淨係真係可以回收架。佢儲起可能只係唔想扔，咪話俾佢知邊到有人好需要呢d野你儲起俾人可以幫人一把，可能佢會樂意呢