老公做野間美資公司決定撤資,老公個位比較好彩可以揀調職去日本或者台灣office,但就唔會有expat package, 即係租屋要食自己,公司冇資助,交稅亦都係要食自己唔會有tax equalization。
我地兩個都唔識日文,語言上台灣應該比較易適應。而且東京樓價比起台北實在太貴。但係日本有高度人才計劃,做一年就可以申請永住,呢樣好吸引。
而家十五十六都唔知去邊好,有冇人可以俾下意見我參考下呢?
老公做野間美資公司決定撤資,老公個位比較好彩可以揀調職去日本或者台灣office,但就唔會有expat package, 即係租屋要食自己,公司冇資助,交稅亦都係要食自己唔會有tax equalization。
我地兩個都唔識日文,語言上台灣應該比較易適應。而且東京樓價比起台北實在太貴。但係日本有高度人才計劃,做一年就可以申請永住,呢樣好吸引。
而家十五十六都唔知去邊好,有冇人可以俾下意見我參考下呢?
人工有分別嘛?東京生話費高呀
人工都係用返而家香港人工去計,唔太大分別。
我google返黎既資料,日本除左搭車外,生活上唔係特別貴,而老公公司會包通勤車費,反而台灣就冇呢樣野。
我會選台灣,一黎大家都係華人,無論文化同語言都接近,地理上同香港好近,weekend 可隨時返黎,又容易識朋友
日本文化同我地好大差距,話無岐視就假,住你就明白佢地生活有好多潛規則,對Free 慣既香港人黎講會構成壓力,而佢所謂既即永住應該有條件限制
咁日本都好呀
我都係咁諗,但老公覺得日本可以順便搞埋永住,等如唔駛錢搞移民。
台灣政局唔穩定,小英落台後唔知會變成點。唔保證唔會變到香港咁。
其實我最大擔心係驚日本住唔慣。而且我老公就有話工返,我過到去又冇工返又冇朋友,我驚我會悶死⋯⋯
日本欺凌嚴重,要埋堆。當然你美資公司可能好D,但平日社交圈子都會係咁。
入藉日本要放棄其他國藉,睇下你想唔想。
永居應該係唔洗入藉
我會揀日本
我諗我過到去直頭冇晒社交圈子當然台灣都唔好得幾多,但起碼都識國語先(雖然發音唔正)。
同埋可能睇返地區,例如大阪人會真D同nice過東京人,有D其他縣既其實唔會太差。
啱呀,同埋就算幾年後㨂入藉都唔駛放棄香港身份證,但係冇左本特區護照。
無左中國國藉唔可惜係咪?
去到外地,無論台灣日本,都可以join香港人社區呀,教會等等既。好快可以有新社交圈子。
你問我就梗係台灣好,文化言語都接近~ 但如果去日本其實就得一年申請永居係吸引,可以響日本做一年拎左永居再諗去台灣
如果有小朋友或會考慮生小朋友,最好諗埋以後讀書既事。
呢句真
可惜蘇州過後冇艇搭,遲一兩年公司又未必再肯俾你relocate。而家係佢撤資先有咁既安排。