公司撤資,relocate去日本定台灣好?

呢樣又反而唔駛諗,因為婚前驗身結果所以我地決定唔生。

台灣我估會易好多,應該唔少香港人移民過去。日本真係唔識人:frowning:

萬一第時想轉工,邊到會易d揾到工?我估你老公職位有番咁上下,日本可能多外資大公司過台灣。

1個讚

咁呀 俾我揀就會揀台灣喇,都唔知要做幾多年,一陣去到日本未必習慣… 同埋拎香港份糧響台灣好好洗:+1:t2:

咁我覺得啲錢係台灣一定好洗過日本
而且台灣至少溝通比較好先~

另外真心講, 台灣人份人真啲
日本人面好似好善良但底其實不一定
所以講融入我覺得都係台灣易啲

比我一定會揀日本…唔識日文可以學…唔夠錢買樓…租住先…

1個讚

台灣,
在我角度,日本只適合旅行,
日本職場生涯,欺凌好嚴重。

1個讚

如果願意學日文,我覺得日本好啲。
物價高唔高要睇番會住邊區
喺東京番工都唔一定要住東京
只要住遠少少,租樓買餸都可以好平。

朋友方面,離開得香港,都預咗要再識過
2個地方都有香港人group
總會有啱人傾既人~

1個讚

少過台灣,但大城市一定有香港人。識一個在中大讀日語系朋友移民去台灣,又有一個去台灣讀日文,再移民日本。

冇小朋友會選台灣, 台灣好似做滿幾年都可以入籍的.
日本, 如果本身人工好高先會諗.

我地日本住咗四年,你之前諗過去花蓮定係沖繩。最後決定過嚟沖繩。

我哋完全唔習慣嘅問題(唔好講語言,因為我太太識日文)。生活習慣日常生活,好由深圳搬咗去香港,生活質素提升咗。如果努力融合,唔好自成一角,大家都會好歡迎你大家都會好歡迎你。

因為工作我哋成日接觸台灣人。台灣收入好低,其實好多台灣人會同你計到好盡,到而家我哋仍唔慣。因為香港人最緊要快靚正,台灣人就要平快靚正。住落嘅時候就會發現好多小問題,好激心。

每個國家都有唔同嘅城市,我呢啲只係參考。

你要考慮嘅唔係會唔會習慣,台灣日本香港人都好少唔習慣。

你要諗嘅就係入息稅同埋未來嘅工作機會(創業或者打工)。

其次就係小朋友未來教育。

你如果去日本一年就申請永住,tax 冇得避,幾高。但係都可以幾年之後先至申請,你要冇嘅風險就係公司待遇唔同咗。政府會睇你一年之前嘅收入。萬一唔批,你要半年之後先至可以再申請。

你老公嘅收入應該超過1千萬萬一年,東京生活都唔會有乜嘢問題,會好舒適。

我地自己都話一年之後用高度專門攞咗永住。我唯一要"投訴"嘅就係重税。

我以為香港人已經好識計算㖭
我會話台灣人同日本人一樣好口不對心吓、同香港人明刀明槍辦事方式係好唔同、我會揀日本、老實去日本難過去台灣、大好機會試下、而且樓主老公應該係外資高層、生活環境較好

台灣人係因為個文化,幾十年都冇通貨膨脹,經濟其實唔係太好。大部份財富集中在少數人身上。所以大家對金錢比較着重。唔怪得佢哋。

香港人好怕麻煩,價錢唔係過分大家都會樂意接受,用錢買服務。

日本大城市會有口不對心,對住本地人都係咁。細城市就好純品,好舒服。

其實呢個係生活上最大嘅分別。

真係文化內斂卦、我覺得佢地口講客氣、但事實唔係、作為直筆甩既港女覺得好麻煩、語言已經唔太通、仲要猜心

我覺得台灣好d, 日本人幾nice都好, 但做事都係愛跟同聲同氣嘅人先容易合作, 外國人永遠是aliens

台灣人一樣。香港人一樣。。

對日本無感,如果揀我會揀台灣

由公司出發 => 日本

由自己出發 => 台灣

無補貼,人工一樣,咁一定揀台灣,生活指數 低d, 機票又平d 航程又短,班次又多,返香港方便d