大家計劃, 移民時小朋友幾多歲?
喺香港讀邊類型學校? 本地? 中文程度高的國際? 多外國人(中文好淺)的國際學校?
我照讀local 小學, 先學好中文。移民後, 初中時在當地揀d多唔同民族學生的國際學校。大家都來自五湖四海, 比較易融入。
1個讚
想完成小學先走.
讀本地小學, 想佢地識繁體字.
讀緊國際學校小學，廣東話流利但寫中文非常麻麻，不過我哋又唔太介意。
希望下年過去澳洲，讀國際學校希望佢可以先學左西方文化同學校習慣，同唔同膚色既人相處先，去到外國會比較容易適應。
當年大伯係澳洲因為英文口音唔純正（中學先過去），係職場被岐視，所以我自己希望既然要係外國生活，就要預習一下吧。
冇諗咁遠，佢大個左自會有自己諗法，唔到我地希唔希望
口音個到係真的，所以佢而家英文有口音，廣東話又流利，我接受的。
我地又冇諗咁遠既將來，都未過去駛咩諗返唔返黎丫…呢一年香港發生既事真係令我覺得唔駛plan咁遠，想做就去做，做完先算啦。
1個讚
我想佢地學左中文先走！會讀傳統學校！
Accent呢啲野，11/12歲去既話都會pick up到！
1個讚
口音呢啲，有決心去學，幾多歲都學到，尤其宜家咁多 YouTube 片、電影去聽去模仿。
我唔覺得外國對口音歧視好重，反而香港人互相批評就多啲。只要你表現誠懇、啲音冇嚴重偏移就冇問題。識人一家兩子讀本地學校，大嘅讀玩曬 12 年，個細嘅 7 年，就咁樣移民，佢地都唔覺得有乜歧視口音或者融入唔到。
我仔依家小一傳統私小，
幼稚園時讀私幼有NET做班主任，英文流利有accent好聽好多，加上我keep住有NET上黎同佢補下英文(其實都係chit chat storytelling.）。反而依家上左小學，覺得佢英文oral退步左…所以又叫NET補密啲。
本來打算兩年左右走就由佢繼續讀，但突然可能要delay到小六先走，我會考慮去IS
我都會揀普通小學但輕鬆讀、一來經濟考慮、二來學英文資源多、初中過都易適應
1個讚
係囉、其實外國咁大唔同地方都有唔同口音吧
而+唔少直資, 私校英文都唔錯, 加上自己再出去讀, 應該唔差.
同埋本身好希望d細路係學繁體中文.
國際學校, 我唔太鐘意香港的國際學校的氣氛. 如讀香港的國際學校我prefer直接出國.
的確係唔會歧視到出面，但以英國黎講，我感覺就佢地歧視自己人 accent 多過外國人。但其實都冇乜，宜家互聯網發達，唔少阜仔 accent 嘅人都有拍 video，認識多左對口音冇咁介意，甚至大學裏面有唔少阜仔教授。學術報告更指出，全英國最被討厭嘅 brummie，居然係非英國人眼中最有魅力嘅口音。所以口音宜家已經唔係問題。融入嘅話，你肯去嘗試放開包袱就一定融入到。宜家咁多華人四周移民，咁多文化交流，真係不用擔心。
2個讚
我唔係覺得國際學校唔好.
只係我見到親戚的小朋友, 佢地係讀國際學校, 有d已畢業了, 都好有禮貌的. 只是感覺上比較象牙塔裡面成長咁.
個人比較鐘意一個環境係有錢小孩+普通小孩都有的.
1個讚
我哋兩年前回流返美，兩個小朋友之前讀中文小學，大的升了傳統B1中學。我都係覺得讀國際太象牙塔，希望佢哋接觸到唔同階層嘅人，亦想佢哋學好中文。
可能因為我從小都有同佢哋講英文，佢哋亦睇唔少youtube，沒有什麼口音。其實我覺得有冇口音好個人。我同我哥一齊移民，我冇口音佢有。我c6同佢同學都係中六後到美升大學，我c6口音重，佢同學冇。
口音呢樣嘢.
我個代我d同學如果完成小學先過去, 有d有口音, 有d冇.
反而新呢代如果完成小學過去返來, 唔覺得佢地有口音.
識人係香港由kg讀國際學校到中學, 大學過左去外國的, 都會有口音.
其實好睇做咩, 識人係外國做design, 研究, 根本唔使點講嘢, 冇人care口音.
1個讚
Exactly. 冇人會理。我老公做IT，其實同事大部分都係印度人，口音仲重。我以前大學啲教授，有啲口音重到我聽得好辛苦，但佢拎Nobel prize喎。
又咁講,
如果做的工作係靠把口揾食, 成日要對住一大堆人做presentation, 如保險要做得top, 咁最好係口音純正, 有高低音好吸引到人個種.
不過就算呢類, 有少少口音都唔緊要吧
我以前間mnc, design 同 IT 全部都揾卬度人
如果係要做呢類工，我估佢哋把口一定好叻，咁要pick up個口音唔難。