呢樣又係好個人嘅。我自己小五移民，嚟到簡直culture shock，但三個月後已開始融入，睇劇、西片、球賽等等（當然我亦聽廣東歌，煲以前的無綫劇）。我係比較西化嘅，思想行為都係。我哥同我c6就一向都冇睇波或西人電視，佢哋就仲係好香港人囉。
如果想冇culture shock，你不如暑假帶小朋友嚟summer camp住返一個月，佢哋會好容易習慣。
2個讚
如咁擔心文化問題, 點解唔直接去外國讀?
聽朋友講, 佢小朋友係英國讀boarding school的，照顧無微不至。
澳洲 boarding school就嚴格 d
其實你講既係近代好多小朋友的通病、咁富貴人家更加、我細個聽父母呻窮呻到怕、而家就自己唔出聲揹起多、我就唔識太多有錢人、但全港最多分校果間都貼地既
點local 法呢？其實融唔融入睇個人性格
個間都有兩個親戚讀緊，吾太離地，但都吾貼地。佢地應吾明hk青年而家搞乜
你指消費習慣定興趣？我識嘅係小學、見佢只係睇好多英文書多咋、其他且普通小朋友差不多
生活
其實佢地都係中學生，但我諗佢地吾明亦冇興趣知本地中學生e十的行為同心態。
吾會講時事，都係照舊掛住打機
佢哋明嘅。我仔同佢哋班同學全部黃到金，舊年兩次大型遊行都有去，我仔年年六四都會去，唯一係有一個同學藍，算係異類
其實你將來想唔想小朋友返黎？呢個因素好決定佢需唔需要學好中文。眼見係香港做搵錢既工作，例如ibank ，懂基本會話就okay , 如果真係需要中文叻，佢地會搵內地人。
我見到最唔上唔落既case ，係個啲無外國護照、但長年係外國讀書，黃皮白心但又唔叻既人，好細個（小學中期或尾期）送左去外國讀書，但讀書又唔係叻，上外國野雞大學，畢業後難搵工因為要公司sponsor working visa , 返香港因為唔識寫睇中文（只懂廣東話），cv 又唔outstanding，工作選擇非常有限。呢班人個心根本唔想返黎，但因為父母在港或係當地搵唔到工先迫住返香港
咁有一批預左走既、都真係唔理時事架、講緊成年人都係
其實學好中文係俾佢多個選擇啫，橫掂你都係香港住，點解唔take advantage of the opportunity？
Never say never⋯⋯我好記得我細個移民時話我唔會返香港，但我之後咪一樣返咗去廿年？個廿年搵唔少錢㗎。
我認識的 cases係, 都係廿幾歲回流的年青人, 都係讀書好叻下的
- 一個係中學開始係英國讀boarding school, 大學係好出名的個兩間英國大學讀engine. 理應好多選擇, 父母都想佢係外國做嘢, 但佢又係都要返來.
- 另一個係英國讀緊醫. 唔知佢之後會點選擇
感覺上, 呢兩位年青人, 唔知點解, 都好似唔適應英國生活, 但回來香港又好似唔太香港人.
我唔知你講嘅係有幾近期。我覺得近十年香港人如果讀得書通常選擇留港讀醫，而留學生就一直只是過客心態。少人諗住移民或出國。
廿年前就好多人選擇回港，我班香港人大學同學係8成都返咗香港做嘢。其實我哋大部份人有外國戶照，亦有工可做，但香港搵到錢，亦多姿多采。
我估宜家班年青人見到香港咁，基本上唔會諗讀完書返香港㗎啦，尤其如果屋企係外國。
外補中文一定冇係學校學咁好。我嘅要求係睇得明金庸小說，講廣東話冇鬼仔口音。基本上讀到高小已可以。
我覺得高小移民過去，融入一定冇問題，亦唔會諗住大個返香港。
我估宜家唔會諗住返香港，但廿年前係會的，我就係例子，十八歲離家讀書，之後返埋香港，廿年先返嚟。我自己冇乜所謂，我希望佢哋離開屋企讀大學，千祈唔好係我嘅city。畢業後去邊我都支持，佢自己搞得掂就得。
佢地父母係香港, 但主因我覺得佢地唔想係個邊生活, 就算父母買埋樓都唔想.
一個係中學已過去生活, 一個係由細到大係香港讀is
就算係個邊, 都係識返香港的女朋友, 但d女朋友就有bc.
我諗佢地係專業人士, 又考左牌, 留係個邊唔難, 生活可能重悠閒過係香港
識一家人係父母97前去左外國, 有3個小朋友, 係個邊大個邊出世. 但d細路係個邊揾唔到好工, 唯有全部返晒香港.
父母早期重會自己係個邊, 無奈年紀大, 無人照顧, 唯有跟d細路返香港.
其實真係好難講, 諗起同事親裡面, 都有係父母跟細路返香港的
當你年輕時，悠閑生活不是你想要的。講真，外國真係比香港悶㗎。舖頭又早關門，香港十點過後仲好熱鬧。
我覺得佢地兩邊都唔太適應, 但可能香港生活容易點, 所以先選擇留係香港