換片，餵奶，掃風都做齊，
夜晚一直唔肯瞓又經常喊，就算抱住都喊。
佢喊得好大聲，手腳不停郁。
想請教下大家仲有咩方法可以解決，
已經3晚都係咁…
2個讚
帶佢睇醫生，以防萬一。
BB啱出世, 外面同子宮環境唔同, 可能唔習慣冇安全感。
試下包被紮實D呀B, 等佢有返D安全感。
老人家話百日哭，話過左三個月就好d
不過有d bb天生冇安全感，中意發脾氣，我個女都係咁，依家大左都係成日喊，中意扭計
果時我女喊足一百日，半年三更照喊，簡直崩潰
睇過一次醫生，佢話正常喎…
我個女佢唔鐘竟包實哂，
包完一陣佢就發炆
我都唔知點算。。
我表姐個女又係咁, 佢喊佢娘親又喊, 我姨怕佢坐月喊壞身子, 我地全家出動輪更幫手照顧。
我妹以前都係咁,喊足三個月,大咗都係忟薑一個
但都有可能係肚仔痛,我有個FD餵人奶,咁佢以為食西蘭花有營養,頭一個月狂食,後來先知可能會令BB肚仔唔舒服,後來正常飲食就冇事啦.所以餵人奶嘅可以睇吓自己嘅飲食有冇出問題,餵奶粉就可能要轉奶粉啦
我兩個女都係咁. 每晚指定時間喊, 喊到近100日先停. 如果唔係唔舒服, 抱住佢, 暗佢, 呢個時間建立親子關係.
試下播 white noise，YouTube 上面有啲片係模擬子宮同心跳聲，聽下可能會有返啲安穩感。外國有賣 “子宮聲機”，唔知香港有冇。
可以試下以下方法
- 包實佢, 因為BB習慣左子宮被包實既環境
- 俾佢聽多啲媽媽心跳
- 可能肚仔有風, 可以用BB油幫佢"猜"下肚仔
加油!
我仔今年4嵗，初出生是一切安好，也是在大概20天左右無緣無故不停哭鬧。後來聼朋友說可能是肚風，即腸絞痛，建議我去買吳德物次。我放一茶匙在bb喝的奶中，即日見效。後來到健康院打針時問那邊醫生這樣好不好，那邊說醫學上沒有證明這個方法有用，但同時當中沒有對嬰兒不良的成分。她的建議是如果覺得有效，可以繼續使用。我仔食到一嵗。不知几甘健康。你可上網搜索一下，覺得合適就試下。
可以參考吓
可能係肚有風﹐
我女出世後第三個星期晚晚喊幾個鐘﹐
好準時架…
都以為係咩百日哭﹐
最後同期媽媽有人分享係肚風所以要同 bb 按摩﹐
之後就好好多喇。
唔該哂，阿女再係咁就睇多次醫生問問先
1個讚
我仔又係好似三星期大咁上下開始好扭計，扭抱 日抖好難自己訓，成日喊，而家滿左月都仲係咁
唔知要搞幾耐
BB喊正常㗎
唔好因為佢喊就騰雞
你試吓抱住佢行下
有啲BB抱住坐喺度都唔得㗎
又或者係咪奶太少？加多半安睇食唔食得曬？
Whitenoise 有apps下載