試下帶去其他地方過夜，如果唔喊，說明間屋有問題
我嗰陣都係呀，半夜餵完奶諗住擺低佢瞓啦，點知一路喊唔停，淨係啜住我先唔喊，咁我唯有一路做人肉奶咀比佢啜到天光
你都唔駛太擔心既，多數係bb要安全感姐，佢慢慢會生性架啦。我個女滿月後就可以一覺瞓天光啦，不過依家4個月大都時不時扎醒要比佢啜，有排捱呀所以
咁簡單啲測試，過隔離房瞓一晚試吓咪知囉
我果個出世就喊足一百日，佢瞓唔多，成日抱住都係喊，過左一百日即冇事，當時我簡直攰到癲左
我女都係好易喊又喊得大聲，我當時做左好多野，最後結論就係時間，我女去到半歲先叫正常d, 無咁難攪。。
包實，白燥音，按摩肚仔，播收音機，著睡袋, 用米袋，用u型枕圍住，飲肥仔水，食保嬰丹。。。抱住先唔喊
呢個真，我之前唔識，原來係要包得好緊先得，我早排包緊左佢即刻易訓左好多
你咁講我唯有望住100日既目標喇
我女廿幾日大都係夜晚成日ee啊啊咁嗌，但嗌幾聲就繼續訓。
好多屁放所以都覺得係有肚風，想同佢按摩但佢好訓得，得肚餓同食完奶會醒一陣⋯訓訓下整醒佢會發脾氣，搵唔到一個合適時機同佢按肚仔
醫生係醫病唔係醫喊的。你個女如果無明顯病徵，醫生係幫你唔到。當然你係客，佢唔會笑你的。
其實應該系百日哭，我小朋友都系咁
同我個女一樣，平時唔喊，就響正你要食飯瞓覺佢就嚟喊 
我女依家一歲,都仲係咁…
我仔當年喊足一百日，個陣想死
睇過醫生，食過腸水，用銀碌肚…
可能差在未飲符水… 哈哈
會過去的，媽媽加油
1個讚
我大仔細個都係好麻煩，每朝5am 就開始扭，扭兩個鐘，我不停搓肚仔，係聽到佢會放屁，扭完又會瞓返…
結果我係用雞蛋幫佢碌下肚仔，之後又真係少喊左。
個銀變左金色，即係有火。
我個仔都係，個半月大，每日定時凌晨4,5點開始ee rrrrr 我係佢隔離完全訓唔到，見到佢訓得唔好我都好心痛
咩銀？
Bb喊有唔同可能性，百日哭、肚風、胃頂住、太飽、太餓、缺乏安全感、眼瞓、太熱、太凍⋯⋯ 我女女初生時每日入夜就會喊幾個鐘，勁準時，嗰陣冇經驗淨係識抱住佢氹，後來先知係腸胃問題，所以點氹都冇用，過咗三個月好好多。
試埋每日5，6pm幫佢按下肚，bb太細腸胃未發育好，好易夜晚有肚風又排唔到出嚟，如果排除安全感嘅話就試下按，如果無安全感就播white noise，頭幾個月都會有d用
戒指果d