同意，同佢一齊搵資料，可能你知得多d，但有時planning 呢樣嘢真係落手落腳過先識，唔係個個都識諗。
道閘唔好喺你到落，應該支持佢，到搵資料計數嗰時兩個人傾下可以真係得，計唔掂佢自己知。老婆唔好做醜人，嘈交就仲無謂。
1個讚
我都諗緊，如果BNO可以平權去英國。
諗住買咗香港層樓有6-7百萬。
去到英國買間2-3百萬屋，再用百零萬買間屋收租。剩返嘅做流動資金。
都唔知行唔行得通。
不過暫時都係得個諗字
其實最近局勢發展得好快, 話唔定移民選擇唔止英國台灣, 你勸佢睇定啲先啦.
1個讚
我覺得唔好用香港收入來比對其他國家收入，之前睇商台訪問一個去個馬來西亞住既人講，當地一個男人搵15000馬幣可以養一個家仲要太太唔需要做野和仲可以儲錢！
香港人搵得多，但住屋費可以佔咗六成其實賺錢都唔係落咗我地個袋度！
我都想走，但唔想無planning 急急腳就走，佢聽移民講座，講真，一定好處多過壞處，人地都係做生意。我開頭都叫佢去聽，去研究下，但我想佢考慮多啲，唔好一味咁樂觀，唔係我地夠basic 門檻就即刻走。 講真，移民咗就無諗住返嚟，香港只會越來越衰，但係外地點樣維持生活都係一個考慮。佢仲好樂觀話我地住定咗可以接埋佢阿爸阿媽嚟⋯ 一來咁經濟負擔仲大，佢屋企人都無乜錢；二來我真係唔想同佢地同住，以前試過勁多糾纏，相見好同住難⋯
佢好似樣樣都諗到好美好咁
開cafe，唔係上幾當咖啡班，買部咖啡機係屋企就做到。做生意嘅嘢佢一啲都唔識又唔了解。仲有其他生活上嘅嘢，佢都淨係聽移民公司講，又話YouTuber 話可以唐人街做嘢。預咗移民後收入會減少，但份工/創業都要夠一家三口衣食住行，狗仔開始年紀大，亦要預要花錢同時間照顧，仲有讀書嘅花費呢？
本身都唔想嘈，但叫佢諗多啲就嘈我，跟住就開始嗌交
1個讚
係、英國咁大、咩城市都未去過、研究下先啦、佢要發夢就由佢發下先
其實都唔需要同佢嘈，
搵個移民顧問了解一下，
就知道自己有冇本事合乎資格，
因為正常程序申請移民都唔容易。
1個讚
都係，不過而家d公司都唔知會唔會因為做生意，乜人都收application
其實樓主真係唔駛同佢嘈，你哋呢啲case根本移民太有難度，做到先講啦，佢同你講個陣你只需要敷衍下佢：好丫你負責攪丫，我攪個b出世啲野囉（懶係分工，反正佢都唔幫你手，你亦唔駛幫佢搵資料），講下又一日講下又一日，到bb出世你大條道理撻佢：我湊仔返工都唔得閒邊得閒同你攪移民，要攪你咪攪囉。
幾年都唔駛旨意佢入form申請，呢啲事情不要太認真，男人發開口夢者。
6個讚
雖然你老公是衝動，但有時人生就是需要一股衝勁，英國就真的難，但台灣說真的，錢夠的話早點去，否則條件會越來越嚴，還有台灣醫療學校什麼的都非常方便，完全不用擔心自己湊一狗一b會沒辦法，我自己以前在香港一個人湊兩個b，完全沒人幫忙也是這樣過來了。
1個讚
先唔好講移民, BB 就黎出世已經夠多野煩, 已經有好多不安, 仲要同佢嘈移民d 野! 再者湊住BB後心態可能有改變, 遲d 先再算啦。
男人成日都唔明白, 以為湊BB 只係女人先有責任, 男人搵錢就得, 佢都要付出要分擔先得!
無專業唔識英文，你老公打算拎咩visa去英國？用咩途徑伸請PR? 第一步已經唔合理，定還是佢想黑係英國？
不如叫老公報一次IELTS試下？
然後叫個好朋友上嚟當「私房菜」咁嘅Café試吓手勢？
會唔會試到問題有幾大？
樓主老公都幾衝動樂天派
同意樓上JM講，唔好嗌交，鼓勵佢考ielts, 考牌，睇樓… 睇睇下個人可能會冷靜(冷卻)
不過我某程度上同意你老公講移民呢樣嘢，諗下門檻無咁高嘅國家，為左下一代其實值得
1個讚
西歐∼西葡都平。機票有時€10+來回。
1個讚
我都由佢搞，叫佢問晒啲資料先算，我都講咗，我搞bb嘢唔得閒，你自己睇移民嘅嘢；講真佢計過數搞得掂咪走囉，係香港真係日日我睇新聞都嬲到想掉爛部電視。但只係得個想像移民會好，好無安全感
做得好呀。生左BB會好煩，相信佢就無左件事。
我有個朋友，男方成日話想生仔，但無錢又無樓又無計劃，日日用曬D錢，和女方吵架。結果女方無理佢，等自己到左40歲，就黎唔適合生啦，男方先醒起自己無計劃得個講字，話要快D生。
但講完男方又係無左件事，女方繼續拖，好快就唔會再有機會生啦
1個讚
唔好只係去聽講座, 直接找agent 計條最worst的數。計蝕哂的總投資額(計到蝕哂本, 蝕人工,蝕租金, 1家3口的生活成本。)
蝕得起, 咪去馬。講真, 去到山窮水盡, 咪返香港投靠親人。
幸好我同老公計左條數, 要起碼做多5年野先移民, 無乜得嘈。
2個讚
其實冇錢冇技術咁用咩途徑可以移到民？
10劃都未有，有咩好嘈呢？
佢要ff下你未由得佢囉
我老公年紀就黎4字，英文唔好，唔想走，我就因為有小朋友，想為佢搵到好既成長環境，我地都冇乜積蓄，但我有親戚係澳洲，可以提供地方我地住！可以住到我係個邊搵到工入到藉生活穩定先！但佢居然話佢係香港寄生活費比我喎！等我定哂佢先過去咁！
我都成日同佢嘈！
其實都唔肯定係咪一定入到藉的，所以我都仲考慮緊為左小朋友，值唔值得咁樣帶小朋友過去生活
1個讚