真係為走而走，都係近會城市嘅市郊
係香港份糧都可以一個養三個，走咗真係唔得，乾燒積蓄
2個讚
就算bno真係俾我地去英國，都要自己研究點生活，我都諗唔掂
樓主唔好煩咁多先, 叫老公自己準備多啲資料, 再同你傾點搞, 你專心安胎, 我上胎大肚時情緒不穩, 就早左出世啦！
有好多時啲野真係計劃唔到咁多, 到有哂錢, 準備好哂果時, 連出唔出到香港都唔知。。。 都明白你老公擔心啲咩，但佢就真係要心平氣和同你傾。。。
至於一個人湊B得唔得? 外國對母嬰支援其實俾香港多, 好多地方個B 3個月就可以去托兒所 (台灣都係呀～), 我而家自己係外國, 無朋友無親戚, 目前返全職, 湊住個2歲幾, 肚入邊有個16週, 我都估唔到自己都算生活到。。。 係就係辛苦啲, 但對將來無咁大既不安。。。 我老公過到黎都係會無野做, 我一個養3.5個, 但有手有腳, 肯去做, 我相信點都唔會死既!
再同你老公傾下先啦，佢都係緊張你同個B先想盡快走, 記住安胎要緊!
4個讚
路過。。。
其他地方我唔清楚，其實英國食同住都平過香港（粗茶淡飯自己煮）。去東歐旅行都平過去日本。
2個讚
最怕遲少少個門檻又提高到時就真係想走都無得走。黎緊個前景只會越黎越差，到時可能已經變成大陸其中一個市。就算小朋友要出國讀書都已經無優勢。所以老公又未必因衝動決定錯晒嘅。
1個讚
佢其實係咪有啲咩問題？呢啲說話點講得出口？
無論點都好，bb出左世先再打算啦，以家仲係關鍵時刻，可能聽日曱甴平痴Q左線忽然攻打友台呢？
又可能事頭婆都係覺得收返香港仲好呢？
一家人移民一定要兩公婆意見一致先得，否則第時嘈起上嚟就會話當初係你話走架點點點
我一家計劃移民用咗2年，另外申請都搞咗1年，並不是話走就走，當中要做好多功課，畢竟係成家人過去長住，由樓價/租金、當地罪案率、生活指數、消閑活動、教育、醫療等等等等都要認真去研究
最重要係不要用香港果套用係其他國家，正如不是每個外國家庭都會買樓，他們懂得享受生活，可能直到有小朋友才會考慮買樓
又例如工種，你可能覺得某啲工好cheap不會考慮，但其實當地人不會有這樣的想法，所以千萬不要用香港果套set個框框比自己
要做research就要睇當地網站，不要太依賴朋友話點點點
6個讚
…其實HKD兩萬幾人工，嗰邊養得到一家了…,佢仲要有兩個小朋友，佢哋有機會走，更加應該要帶埋小朋友走，遲啲想走都冇得走，移民政策只會越嚟越難
2個讚
我姐夫係2萬都冇…講到底，幾多錢先夠，每人心中把尺都唔同，除左錢，仲要睇自己心態
1個讚
其實唔好嘈交，大家平心靜氣傾下，首先商量一，自己夠唔夠門欖先？移民不是去旅行，唔係你想移就移。
台灣諗下，如果下屆唔係蔡英文，咁點算？仲有如果為小朋友教育，老實說台灣教育水平比香港低，台灣除非某幾間大學，否則大部分台灣大學國際上不太承認。冇小孩去退休就good.
英文得BNO,都可以唔好諗住,十劃都冇一點…（移民仲有英文要求，足夠資產要求，收入證明.)
反正冇得移民，咪順下老公意，求其答下…好移民，不過首選英國，考定ielts 先… 仲要儲錢，一話BNO可以一家大細(應該短期內冇咩可唔除非難民)就走
1個讚
咁我老公都有咁提議，不過個角度係咁既：
佢擔心自己找不到工，所以一個人去睇下環境先，搞得掂再接我地過去。期間我就可以繼續香港打工賺錢，唔洗全家無收入。
如果搞唔掂，佢都可以返黎。
2個讚
其實小朋友2歲走就最好，遲走選學校和適應難左。
佢而家想走人地都唔會收，所以唔洗太擔心。佢要走就會自己睇下移民資格，真係搞到都幾年。你叫佢呢牌學下國語英文。如果佢係個咁無計劃既人，應該搞唔成。
我和老公為仔是否讀名校都爭吵，我話仔讀唔到。後來發現，我只要唔理佢，由得佢申請，仔根本無這能力，就會自然失敗
少了爭吵，又可以等佢死心
3個讚
你唔係無專業，而係未有
語言唔好亦唔係問題，問題做唔想進步
幾十年前我姨嫁咗個唔識英文嘅點心師傅，兩個都唔識英文，去咗英國，姨丈日頭响廚房無機會講英文，70歲入都仲係working visa入唔到籍，我姨就幾年已經入籍，姨丈晚年係以當地出世子女申請返佢入籍
幾十年前完全唔識英文嘅人都生存到，因為佢地想！今時今日香港出世話英文唔好就生存唔到，只係你未夠想
溫水煮蛙，睇下幾時下定決心跳走
6個讚
當年香港幾個咖啡拉花冠軍去左台灣開cafe,而家已經執左返左黎香港啦 
1個讚
兩個人心口勇字冇所謂 慘在有細路
其實外國真係咁好?
我情況同你一樣，不過我想走我先生唔想走！佢諗法同你一樣去度做咩？又怕排華又唔想重頭嚟過！
我明白你準備生bb唔想煩，其實你生完之後可以再諗下…走係為咗下一代！而家睇新聞，每日都話香港教育出咗問題！好明顯會不停改變教育制度，不停會有思想改做，你會接受到嗎？
而家每日150黎香港住，我帶小朋友去屋邨公園玩，在場只有我一個香港人媽咪其他全部都係大陸嫁黎香港生左幾個，我好明白香港未來已經係佢地。因為我哋已經變咗小數族，我哋香港人嘅小朋友將来會好難生存！
我原本係美容師有專業資格，其實去台灣開鋪，所以你可以去考啲專業資格再計劃一下！
2個讚
你講得冇錯，我姑姐嗰陣時單親，一個女人仔帶住個仔去澳洲生活，佢仲要大陸出世，英文都唔識多個，佢都生存得到， 買到樓，依家生活寫意。
個仔而家生意成功，再另外買多棟樓。
有時真係睇決心，有決心就可以做到。
就算有幸，可以賺到俾佢留學嗰筆費用（其實都好貴）。
而佢留到學，係咪代表可以留到喺當地？未必㗎，好多留學生都要返返原居地生活。
對我而言，如果我呢一刻明明有機會走（當然冇機會就冇辦法啦），但係我唔帶個小朋友走，我諗個小朋友會怨我。
都係果句，移民政策只會越嚟越難，佢將來只會越嚟越難走。
2個讚
問題係，去到果面揾唔返呢舊錢