我老公好想好快移民去英國或台灣，我地唔係專才，無一技之長，英文國語都唔好，屋企無錢，無親戚朋友係外國。
BB 就出世，仲有隻9歲狗仔勁痴身，到時我一個人湊BB+狗已經驚搞唔掂，我好擔心移民後搵錢生計問題，但老公又覺得可以生活。一時又話打工，一時又話開cafe，我覺得好唔現實。講真，做生意唔係實賺，分分鐘連本都蝕埋；打工英文唔好，外國真係唔知有咩工會請囉
講真，我都想走，但唔係咁急囉，我想儲多啲錢，計劃好啲先
2個讚
無錢無一技之長、咁心口有個勇字就話走？會唔會太幼稚
1個讚
夠條件移民去嗎？台灣百多萬可以、英國好似要過千萬。
奮鬥史嘅開始
一支公，又冇錢，預左要瞓街
打工應該冇人請，台灣做小生意移民要請2個人，好難維皮。
但你有小朋友又真係要走，我都唔知可以點。
同我姐夫一樣, D男人頭腦簡單, 淨係一味想走去台灣, 又唔了解移民當地要求, 見人批左佢又話要去, 仲話我家姐唔為小朋友諗, 又唔知自己人工唔高, 兩皮都冇, 樓又未供完, 賣得幾多錢, 仲叫我家姐同兩個小朋友過去喎, 自己留響度, 大佬你2萬人工都冇點養起全家呀? 我忍唔住話佢你有心避中共台灣都唔係你既首選, 佢話就係都廿幾年後既事, 我話咁當初移黎做咩?
1個讚
台灣要用晒所有積蓄同沽晒啲投資
英國話等睇[quote=“Andrea, post:3, topic:22868, full:true”]
夠條件移民去嗎？台灣百多萬可以、英國好似要過千萬。
[/quote]
下bno 有冇得走喎
佢寧願自己走先都要走，我話不如等小朋友大啲淨係送走小朋友。佢唔制，話佢好想走
佢仲要話我唔想走，就自己同個仔留係香港，搵錢俾佢
我覺得佢係未睇清楚條文者
如果你有時間，一齊同佢上網搵資料，一齊計下條數，可能佢會諗得實制d
其實同生仔一樣，好難plan, 無話幾時ready，等到話ready，可能一世都唔駛生
有d野係要唔好諗咁多，跳落去！
我信有手有腳，一定餓唔死
我地上一代，都係無諗咁多，為生存，走難嚟香港
我有專業，但去到邊都要考過個執業試，一樣唔容易，亦未知點入手 (都唔知去邊，懶得做research)
我有朋友會去外國讀醫護助理，亦有人快快手讀個水電工牌，呢d 工好多地方都on demand list
事在人為，問題係你放唔放得低現時有嘅野
5個讚
所以你老公同我姐夫一樣, 係諗自己先, 小朋友係藉口, 一味想走唔理智諗清楚, 你不如續個point分析佢知點解依家唔係時候, 特別兩個都冇特別技能, 真係牙煙, 人地點解要請你香港人, 一係第時比小朋友讀住國際學校先
好多男人都係咁，講就天下無敵，做就有心無力 
佢覺得開cafe 可以維本喎，但佢淨係香港興趣班嗰啲上過咖啡班，都唔pro; 我地又無做生意經驗⋯
佢話邊都好過under 共產黨, 仲成日話驚啲錢under 共產黨會無晒
其實plan 都未，由佢ff下
我都識人想開cafe, 但…果面乜嘢紙水先得架
我去過台灣貓叔果間，2個鐘，就係得我地3個客，應該做左$200hkd 生意
叫佢自己plan好住屋，醫療，讀書，就業就去
我同意佢就係諗得太多就邊到唔使去，但連住屋，教育都未諗好就去，去到瞓街咩。
最少睇下當地政府官方網站，聽下講座，問下移民顧問。
我講咗，做生意唔係必賺，仲可能輸到甘；打工又未必請，台灣人工低；英國你英文差，除咗洗碗都唔知可以做乜，佢又話覺得要搵會搵到，又話有唐人街，唔一定要英文好先做到。
係香港，我地份糧加埋生活都算唔差啦，我話唔想移民搵唔到食做貧民，買啲咩都要諗過度過買唔買得起
唔好講去旅行tim
無親無故，有咩事想搵人幫手都無
佢好似覺得堂食+外賣一定夠所有支出外仲有賺咁，佢話唔賺得多都可以生活
如果你地冇小朋友的話, 我同意你老公講法洗個碗都夠生活, 如果唔理生活質素的話, 但你地有小朋友, 當地讀書學費點搞? 洗碗夠一家生活連學費?唐人街既工你都咪期望會高人工啦~太天真啦!!! 你地香港生活唔錯既, 不如save多D錢比小朋友第時外國讀書啦~
1個讚
生存定生活先，仲話做生意，已經人地生疏，有人有陀地已經攪唔掂，口味又唔知…
果面幾千蚊港幣人工，一日賣到幾多杯咖啡…咁當然，去到總有人硬住頭皮撐