喔，咁有菌我就沒清楚，因係我次次都係泵唔清，好明顯feel到有幾個位係有D一粒粒好硬既野你有無揸羊脂係nipple度？唔知咁樣可唔可以隔一隔D菌呢？
我兩胎都做唔到人奶媽, 又係見朋友餵到兩歲…我真係無奶, 埋身BB唔食, BB差D缺水到入ICU.
我只可以pump到幾多餵幾多, 一個月又好三個月又好, BB食到就好, 佢健康食得痾得已無其他要求.
成功例子好多, 盡晒人事的媽媽也不少, 最緊要自己開心, 呢段經歷只有你最清楚, 回憶無價.
2個讚
其實我又唔明餵到兩歲有咩咁威威。好多人都中意要拎出黎講，有部份人真係因為餵到兩歲所以有虛榮心，我真係唔明。講係講對BB好，但咁代表一D都唔會病咩？餵奶粉都可以好健康。真係唔洗咁執著。
2個讚
我用泵所以冇乜揸羊脂膏呀。普通程度塞奶有粒粒果啲我多數都通得番，有菌果種乳腺炎就摸唔到一粒粒，直接是腫起一舊、痛同發燒。
好奇怪，我未生之前都係咁諗，餵唔到人奶咪食奶粉囉，果陣目標係餵夠3個月就唔餵。其實依家都mission completed , 但唔知點解生完後想法唔同晒執著多咗。
呢幾日每日有埋身，因為好似每日埋身都在倒數，以後再唔可以見佢喊肚餓就塞佢埋身食住先，要佢一路喊一路等住沖奶粉：（
見到bb眼仔碌碌咁係我心口食奶，真係好溫馨，好想保存住呢種感覺呢
2個讚
你好豁達呀。其實都應該係咁諗嘅，餵母乳只係做媽媽嘅一小部份、無謂勉強自己和bb
完全係咁嘅心情，生之前覺得餵唔到就算啦盡咗力就得，宜家見bb一埋身佢就會好享受咁，好想可以繼續比到安心感佢
因為乳腺炎我好珍惜每一次餵奶嘅機會
1個讚
超同感，生之前好豁達，生之後唔知點解好執著，第一次見呀仔補奶粉 真係自己喱埋喊…埋過身先會明白嗰種滿足感…
唯有唔好諗咁多，每日每次埋身都好好享受好好珍惜
1個讚
我都係狂塞奶又埋唔到身嘅媽媽，由一個月塞到而家歲幾都仲塞緊
轉埋全埋身都塞，半夜一路推一路泵，個個心酸就算餵人奶嘅都未必明，我有時都諗過想放棄，有d人人奶路好易，有d人奶路好難行，我塞最勁個時日埋夜埋日推夜推再加埋通草王不留行路路通先得返，留意下塞嘅位一唔一樣同食咗咩先會塞，我飲雞湯食油嘢，雪糕就會塞，加油
你好堅持！可以捱到歲幾！塞奶嘅辛酸真係經歷過先明，但塞完奶仲死心不息繼續餵果種魔力也是經歷過先明
1個讚
係呀，仲要一塞又會少咗奶，一邊驚一邊又會愈少奶，到佢加固個時已經無咁緊張，唉，仲要呢d時勢仲想比多d抗體佢呢。不過我支持媽媽心理健康多過一定要餵人奶
原全明白你心情，但有啲啲野唔強求就反而效果更好，越緊張就越唔會做到。
我上胎都係2個月度就無餵，今次都係抱住餵得一日得一日，況且唔係第一胎個人無咁執著，點知餵下又一個月餵下又一個月，而家15個月喇，都仲餵緊。
所以唔好比咁大壓力自己，加油
1個讚
你有冇食卵磷脂？如果覺得自己有D塞奶可以keep住食，食咗可以疏通乳腺，冇咁易塞奶。如果可以捱到BB 6個月大就最好，因為6個月BB開始加固，追奶壓力慢慢會降，而且BB大咗埋身又易D，唔駛泵奶咁辛苦。希望你堅持到，加油
聽到都覺得好痛呀
我有次塞到發冷
路都行唔到
塞奶真係勁痛
塞左果次奶之後都係靠B埋身食
同唔敢食nuts (食親都塞）
B一過左兩個月之後
唔知點解突然學識埋身飲奶
你都可以俾多次機會B試下
偏方塞奶時敷蕃薯或椰菜
對我黎講唔係勁勁勁work嘅偏方
不過敷完俾B食完慢慢就好返 就冇理…
我日日都食架，應該係有幫助，係呢排減緊泵就塞塞地。但係我最大敵人係細菌性嘅乳腺炎，呢樣冇得搞
Bb大個咗係食得無咁痛，我都想經歷下全埋身呀，應該好溫馨
塞奶真係要趁早處理，越唔理就越塞越大片。我就係沖住熱水涼擠奶同埋身都好work。餵奶前熱敷、餵完奶凍敷都有幫助。
我個b都係2個月左右食得冇咁痛，初生果陣要痛1、2日先好，依家半日就好返。
1個讚
分享返，對付塞奶，試下餵奶前熱敷、餵奶後凍敷，我覺得沖緊熱水涼時擠清、同埋身最work,你可試下
另外今日物理治療師教嘅
乳腺炎初起頭72小時凍敷，除咗鎮痛、仲有幫助消炎嘅實際功效、因為血管收窄可減少發炎，過咗72小時凍敷就冇咩用架啦。
1個讚
我上次尿道炎係成日都好似勁急勁想去廁所但又冇尿屙。
1個讚
咁真係冇辦法，慢慢減泵睇吓有冇咁易再發炎，如果冇乜發炎又收到少少奶，可以唔使完全收奶，最多半泵半奶粉咁餵B，捱到BB 6個月大時就可以早晚埋身，埋身呢種親密關係只有做媽媽時享受到，希望你可以成功。
1個讚
我都希望做到半泵半奶粉，見到你係我另一個post都有覆我，多謝你鼓勵呀！