生完就快三個月，而家才有時間和精力記錄低呢三個月嘅辛酸。
催生失敗
前後住了QE一個星期,適逢肺炎期間，取消陪產和探病，只能獨自面對。催生2天失敗，結果開刀生了BB，傷口整整痛了兩個月，這兩個月行路都企唔直，有時仲要扶著牆壁，足足兩個月才從傷口痛中恢復過來…
尿道炎
喺醫院嘅時候已經覺得唔舒服，以為是傷口影響，結果出院後越嚟越痛，急症醫生初步竟然話我係盲腸炎，有機會要再開刀，頓時喊出嚟。上病房再檢查多次，好彩醫生話我只係尿道炎，但都因為咁住咗一晚醫院，前後辛苦左兩星期才完全康復。
追奶量
由於錯信陪月教導，產後頭兩星期沒有密密泵，錯過了黃金上奶期，後來辛苦追了兩個月才追到BB食量九成。加上BB唔識埋身食，結果只能做泵媽。
乳腺炎+乳腺阻塞
但其實真正嘅大佬還在後面—-就係乳腺炎。第一次出現乳腺炎果次，發冷發高燒痛到喊出嚟，但肺炎期間發燒冇得去私家診所，結果又係去急症室睇，生完呢三個月去醫院嘅次數已多過我之前嘅人生！
一個月內竟然乳腺炎四次，後來知道QE有母乳診所，返去好幾次睇病，嗰度嘅姑娘聽到我個名已經記得我。反覆乳腺炎除咗令奶量下跌，更係消磨意志，每次疼痛發燒，都同自己講要收奶，不過退燒之後又唔捨得，就係呢個無限輪迴中捱到而家。
期間還夾雜乳腺阻塞，母乳姑娘見到我太慘，轉介我去物理治療用超聲波減少再塞嘅機會。
呢幾日我又乳腺炎了，離上次抗生素療程只係相隔兩三星期，呢種唔知點解會發炎令人很沮喪，避無可避。今次決定開始收奶了，雖然仲掙紮緊係咪完全收曬。 眼見BB食人奶都食得唔錯，自己又幾經辛苦先追到奶量，決定收奶真係覺得好可惜。
後記
我成日問自己，我嘅母乳之路唔知可以行到幾遠呢？見到好多媽媽可以餵BB去到一兩歲，又可以埋身好溫馨咁親子時光，都真係幾羨慕，因為我人生可能就係呢一次可以有母乳嘅經驗。
自第一次患上乳腺炎，我就講要收奶，結果因為唔捨得，捱下一個月、捱下又一個月，到而家差唔多三個月，曾經諗過想捱到半歲，但身體狀態似乎唔容許。家人都話與其執著消耗自己去餵人奶，不如養好身體去照顧BB。
最後我想讚下，QE母乳診所嘅姑娘好Nice好supportive。一對一教我同BB點樣埋身（但肺炎期間唔敢帶BB出去，只敢同BB去一次，都係學唔識）；乳腺炎打電話去，佢哋都會安排即日比我返去睇症。無佢哋我應該一早放棄咗！如果有哺乳或乳腺炎困擾嘅媽媽，都不妨善用呢個服務。（只適用qe生bb嘅媽媽）
多謝大家睇曬呢篇咁長嘅帖文！如果你哋有舒服收奶嘅好方法（雖然仲未決定要收曬定係收剩少少）不妨分享我知。
8個讚
聽到都覺得痛同辛苦，人奶路真係唔易行，我埋身都好辛苦，例如呀b食食下訓覺、啜損、係咁玩唔啜
我都唔知捱得幾耐，都只有同自己講盡餵，餵唔到用奶粉都唔洗太自責
因為真係好攰好痛苦…
Btw 想問下點知自己尿道炎既？
1個讚
即係去廁所個陣個痛？ 因為我都懷疑梗自己係唔係… 好似只痛少少隱隱作痛，冤住冤住咁
但又唔係真係好痛喎… 你個陣係產後檢查同醫生講？
係呀，同埋會小便唔順。你去睇私家醫生驗小便就知架啦。
我就係忍痛咗一排頂唔順，去咗睇急症
我都乳腺炎食藥中，本身已經少奶，跌到幾乎無，好難過
Bb好鐘意埋身，我成日反覆塞奶，想收奶但又唔捨得
想問吓qe要打去邊度約？問定先怕又再返發
你bb係邊間醫院出世？要係qe出世才可以返去qe母乳診所，其他醫院就要問下。
健康院都有服務for乳腺炎媽媽睇症，都係打返去好快有得見，上次健康院bb打針果陣姑娘同我講嘅。
乳腺炎同塞奶都好辛苦，你bb埋到身讓佢密密啜應該都幫到手
餵人奶真係唔易，我岩岩五月頭生左呀仔，係醫院第一日就比佢啜損乳頭痛到入心入肺，都要繼續比佢啜，諗返起都想喊
返到屋企我全泵，間唔時比佢埋身一次半次但係佢都啜唔耐，同埋個咀都成日啜唔岩…唔知遲啲佢個口會唔會再開得大啲，可能到時會再試下埋身…
乳腺塞有無試下食卵磷脂？可預防塞，我一路都keep住食，so far ok.
mmvmv
19
我情況完全同你一模一樣！催生兩次唔得，開刀，跟住要扶住野行左勁耐。瞓醒起身極困難。埋唔到身要全泵。再黎乳線炎3-4次又痛又發燒。廣華果時refer左我去做物理治療，用機打散D炎位，去左幾次好返，後尾我餵左半年，跟住有D事所以泵奶schedule亂左我就無餵嚕~半年已經好好~唔好咁執著~
3個讚
mmvmv
20
主要應該係泵唔清，有D位好難就。要多D按摩同冷/熱敷但又唔可以敷過頭。
泵好難清，bb啜可以有唔同姿勢角度，泵就做唔到，加油媽媽，真係唔容易
依家只係三個月咋，好唔捨得。但短短時間已經5次，真係唔知點捱多3個月
另外我發炎都驗到有菌，都關泵唔清事嗎？我自己估是唔知啲菌點走咗入去，而抵抗力又差打唔低
我bb初生時都唔識食，食到痛，佢越大個會食得越好，依家埋身冇咁痛。所以你可以繼續俾bb試。另可搵母乳姑娘幫手教啱姿勢
同樣食全餐 
全人奶，餵到2歲先停，
到大個左諗番值得，係好辛苦
