我個情況同樓主一樣，我嗰個已經痞咗喺屋企成三四年，叫佢搵工又叫過，叫佢去學下嘢充實自己又叫過，勸又勸過，嘈又嘈過，都係咁⋯⋯我個女而家小四，呢幾年都係我媽咪照顧、打掃屋企、買餸。我返工，屋企嗰個就淨係日日瞓到日上三竿、打機、WhatsApp⋯⋯我都好灰⋯⋯
3-4年?佢打算退休?
已經好耐無返工突然要佢返工係比較難
當務之急係促使佢學下啲野，做出啲改變，積累返啲Positive Energy先
又係自細未捱過，老爸留返間公司俾佢，早幾年執咗笠，攞返一舊錢，跟住就一直攞嚟搣，洗完就賣咗其中一層樓繼續用嚟搣⋯⋯宜家先40幾歲人，幾時先搣到老？話親佢就話自己冇咁長命，咁唔通唔駛諗吓D細嘅咩？
我一直都有叫佢學嘢，叫佢考番個的士牌又話太多嘢記冇可能考到，叫佢考個管理員牌又唔理我，叫佢學下水電有番個一技之長，就算要移民都易D，又話寧願學廚房，不過又係得個講字，佢有架車，叫佢去做uber又話犯法⋯⋯我已經心都淡晒⋯⋯
cut左屋企wifi，等佢無得打機
少爺仔係幸福的
呢種男人真係唔幸