佢獨生，所以我成日覺得獨生的都係怪怪的，同偏向自私（當然這是不客觀啦～）
佢份人好唔主動，而且成日怕講錯嘢，無咩真係兄弟般的朋友～因為佢自小在外國讀書，所以最friend底的學生時代朋友都在外國，所以呢方面佢係幾慘的～
不過佢呢大半年個人算主動揾朋友咗，我都希望佢多D見唔同人，有多D唔同啟發，因為我講咩都講到口水乾了～
情況同上兩集寂寞是幫兇，談隱青好類似。
入面有人都係一開始都有搵工，但唔啱心意，慢慢冇動力，
再慢慢對身邊事物不在乎。
要搵人幫手。
1個讚
好有共鳴
我老公原本份工係contract
Contract完左之後都好頹廢
好似完全唔憂做野揾錢咁
佢都係小康出身
我就同你一樣細個就係屋企窮到燶嗰種
份工幾辛苦都頂硬上 peak嗰時日日通頂做十幾個鐘
當年有不斷叫佢周圍揾工
乜工都要揾
但因為佢本身有phd 香港少opening
（其實佢最尾只係hae左2個月就揾到另一份）
之後我決定左 佢就算唔返工都要同佢一齊 我養佢
因為真係好鍾意佢
之後佢揾到份同佢expertise relevant既工
過左兩年再跳出去揾到份好好pay同穩定既工
不過你case唔同因為有細路要湊
但如果真係鍾意佢既話
睇下樓上sis意見可唔可以解決
唔好諗離婚住丫
聽你講完，諗起《十二夜》，鍾意吖嘛，咪盡力對佢好囉，但佢未必想要呢啲，我畀佢嘅嘢，我以為咁係好，以為自己做晒啲嘢係偉大，最終大家都辛苦
我係過勞辛苦，佢係唔知點好無乜被需要嘅辛苦（我估）
我做晒啲嘢係因為我唔忍得啲嘢hea晒喺度，佢每次都話等佢洗，但攤晒喺度夜一夜先洗，甚至無咗件事要我執手尾⋯⋯所以我成日抵唔住頸快快手做晒佢囉～
唉，你朋友個case都真係好似，我話接返小朋友跟我，唔好再由婆婆湊，佢第一句都係話請工人先
然後我話應該你搵到工先，先可以有其他move，然後佢就發我脾氣話我唔好成日提搵工囉
無限loop咁
不過你朋友個case都令我覺得狠心啲都可能有希望
唉，衰啲講，現代女人根本大部份叻過男人，又細心又溝通得好又捱得，為咗仔女做雙職，工作家務仔女功課…裡裡外外都顧得掂
係啲男人有份工就大晒，冇份工仲要女人唔比壓力佢，打機又唔見有壓力
我絕對冇縱我老公，不嬲我只管廚房，我買我煮我洗我清潔廚房一腳踢，但洗衫晾衫摺衫收衫、吸塵拖地我一樣都唔做，我真係連洗衣機同吸塵機都唔識用，我特登唔學，點都唔做
可能大家覺得我好衰，但我一結婚講得好清楚唔好以為我會做晒家務，除非我係 FTM，否則一定要分工，分唔昀冇乜所謂(例如我唔係晚晚煮飯佢未必洗衫好密)，但我點都唔會掂佢嗰瓣，而我係好忍到心︰佢唔洗衫大家一齊冇衫著，佢唔吸塵拖地污糟到有老鼠我都唔會做。所以佢冇我符，一定準時做家務，最多做完先打機
交屋企費用都係，一人負責一啲，佢唔交最多被罰款但我唔會過問。男人一定要負責任。我未嫁係大小姐一名，廚房都唔點入，阿媽水都斟埋。佢都係做皇帝，碗都未洗過隻。我哋結婚我已經講︰大家打和，唔好旨意我會孭晒家務。咁多年相安無事，非常和詣
13個讚
講到尾係責任感，覺得自己對頭家有責任就點都會做。
食曬老本自然要去做, 如果屢勸不聽, 我會由得佢, 但自己收入一個仙都唔會花喺家庭上, 令個老本加速用完。
其實響我眼中，我朋友個case 5年黎都係一個悲劇。佢老公搵左個藉口就唔返工，我朋友真心係一個善良就得人又顧家既好女人，捱到病要停工果一刻仲擔心緊老公唔知適唔適應到工作生活。結果唔係佢感動到老公，只係層樓要斷供會直接威脅到佢生活，先逼住做返嘢。不過好彩既係有返份工揹返d責任，佢老公就「生性」左。所以我唔太信老婆做到好體貼好好可「感動」到老公生性，人有惰性，唔逼到埋牆角點會跳出comfort zone.
2個讚
如果佢有投資果啲，我都唔會覺得佢無所事事
不過佢有自知之明，無亂來唔係隨時老本都無埋～
另一方面講其實佢係一個優柔寡斷的人，諗好多嘢先落決定，他自己都知無乜投資智慧，所以唔會投資
我接受唔到另一半唔返工又唔幫手做家務,仲唔幫手湊B 
1個讚
我諗你先生有機會有情緒病之類的問題,會唔會考慮向專業人士/NGO/輔導求助?
咁似我老竇嘅？ 
記得我小學嗰陣佢就已經辭職唔做，變咗我阿媽又要做家務又要返工搵錢，仲要煮飯俾兩個小朋友去帶飯，我老竇就日日喺屋企或者出街消費，重點係其實佢都冇積蓄，用埋老人家留比我啲大學學費，變咗我讀書都係自己問政府借錢。
阿媽嫁咗一個咁嘅人都冇得後悔⋯⋯叫做兩個小朋友大左都生生性性，算係咁啦。
我老竇溝我阿媽嘅時候好好㗎，係女人都應該會俾佢呃到。
其實佢係有睇精神科，未至於係情緒病，佢係有ADHD的問題，最近先證實咗
我都知佢係有佢嘅問題去處理，又有部分係性格啦，所以我覺得辛苦，但某程度又明白佢嘅苦惱
如果你真係想繼續同佢一齊,我覺得婚姻輔導,或者你先生個人輔導都可以考慮
我本身有專業背景,你如果想可以PM我傾吓.我可以俾多啲資訊你
(放心我有自己工作,唔會賣廣告)
2個讚
樓主我睇你D回覆，其實你不滿嘅嘢都幾千絲萬縷，唔係淨係返唔返工咁簡單。我試下平心而論咁同你分析下，等你慢慢諗下。
其實佢唔返工都俾到錢屋企係佢本事。當然佢嘅積蓄要有一部份準備家庭同細路既開支、老人家開支、兩公婆退休等等嘅支出。咁如果佢筆錢真係夠cover以上呢幾樣之餘，仲可以support 到佢返工嗰時負責的開支，咁佢返唔返工就係佢嘅選擇。
當然我聽你口吻，唔係佢繼續俾錢你就滿意，你係覺得佢無責任心，有D老馮，咁你其實係想佢擔起咩責任呢？湊仔？家務？先諗諗，如果佢有返工，你想佢返工之餘仲喺呢兩方面有咩承擔？係基於乜嘢，公平？你諗清楚係咩就同佢傾呢D原因，例如你覺得你同佢都有返工，所以家務湊仔想大家一齊分擔。
再深一層，就係聽得出你驚佢越嚟越頹、你覺得再提佢搵工就係唔體貼（唔係愛佢嘅表現），仲有佢應承過你無幾耐就"打回原形"，令你好失望⋯⋯咁呢D感覺你可以坦白同佢講，因為你愛佢，所以你想提醒佢唔好懶/頹落去。你覺得好攰，但佢好似無呢種感覺，無唔開心（may not be true）⋯⋯
喺你嘅觀念有返工/幫屋企＝有責任心，implication好大，有冇同佢傾過佢嘅觀念係咪咁？或者佢會覺得佢同之前一樣有負擔到開支，都係有負責任，而喺佢眼中，可能只係屋企無需要佢做嘢嘅位置（湊仔佢唔叻本身又唔係佢責任；家務佢有話做，係你心急等唔切）
最後大家傾下而家嘅生活同你地想要既生活有冇距離？呢種生活佢有冇諗住想維持幾耐？佢嘅積蓄可以維持幾耐？傾好一個時間表就唔好再催佢"逼"佢返工，因為重點根本唔喺佢有冇搵工到。最好就係搵個婚姻輔導傾下，不過我諗佢會好抗拒。
3個讚
講真，長痛不如短痛，我吾會信一個人會變，尤其你地咁後生，有左小朋友都吾變咁仲有再有乜野理由佢會改變？浪費緊嘅係你自己嘅時間，我會提出分開一下等大家有個空間去諗之後點做，如果吾係只係等某一日大家開始埋怨及討厭對方作為句號。
1個讚
佢係咪有心結?
同佢傾下，搵社工幫下手
應該心理問題
1個讚
一個真實故事，都唔知什比意見當事人:
開始時同樓主情况幾乎-一樣，男冇做野但都算有D近身錢。女有份安穩工，租屋孩子學費全有津貼。男就大安止意，唔做全家生活都OK。
女方一直極力鼓勵男找工作，越講男就越唔開心，唔耐煩。去找第三者尋開心……。男又唔離婚、那小三又唔走、個女又唔咁心放手。死路一條。
我相信根本唔願面對。好皮氣時唔出聲、黑面;發起皮氣時就大吵。唉！
你最錯係involve埋自己阿媽
阿媽冇爭你d咩，做乜要做你兩公婆工人(除非你地個個月俾一大筆家用佢)
我諗你可以試下辭職做ftm
你老公係屋企過得太自在太好
打破左個comfort zone佢自然會出去
之但係佢本身積蓄可以頂到咁耐
話唔定有其他收入
你踢左佢出去返工唔保證可以用嘅錢會多左