出街?唔出街?

我bb而家14個月大,啱啱搬咗屋半個月,搬之前,舊屋多問題煮唔到野食,冇地方同bb沖涼,每日就係中午去娘家,食埋晚飯番屋企,娘家喺隔離街

疫情前,每個weekend都去街,去遊樂室,或行大商場,公園,有時平日我唔太攰,下午都會同bb去公園

但自從年初一,因疫情開始爆,就只係來回娘家,而家搬咗,半個月都未出過去

我本身有產後抑鬱,知要出下去好d,但都其次,我怕再唔同bb出下去,會嚴重影響佢發展,但出去個心又15、16,怕易中招,本來打算上星期六/日,落下樓下,慢慢適應番出下街,但就硬係好多借口又痴住喺屋企(一諗起就覺得自己好冇用)

想請教各位,如果帶呢個歲數嘅bb出去,要注意d咩?你地會帶d咩防疫用品?會坐交通工具嗎?番到屋企會點做?

我一方面鬧自己太緊張,一方面又控制唔住要咁潔癖,每日都好矛盾,求各位指點:pray:t2:感謝

疫情前我都日日帶bb 落公園
依架我係一星期2-3日帶bb 去散步,要bb 帶口罩先出得街
如果行到一半bb "lum"個口罩/唔肯帶就即刻帶返頂防疫帽(因為防疫帽超焗,睇嘢又唔方便)同返屋企,返到屋企就自己洗手先,幫bb 洗手,再幫佢沖涼,沖完涼比餅餅佢食,佢有餅餅食會好乖 :rofl:,自己再去沖涼。

出街會帶:濕紙巾,後備bb 口罩2個,防疫帽

落公園散步或者喺商場行個圈
接觸下外界會好啲架
買杯珍珠奶茶飲/食個糖水都開心啲啦
加油呀媽媽 :baby_girl04_laugh:

1個讚

去步行範圍算啦
大人同小朋友都要戴口罩
如果bb唔肯戴口罩,咁唔出去會好d

出去啦,好多小朋友都有出,

如果唔帶唔出安全d

我個仔就黎12個月,疫情前都有出街。疫情後真係出少左好多,我完全明白你講話擔心影響佢發展果D野。跟本隨左我亞媽外佢無乜見過其他人。
BB細過兩歲始終戴口罩都係唔好,因為佢哋呼吸系統未成熟,所以岩岩疫情開始果時我就推bb車用雨笠笠住佢,其實咁樣都已經好安全,如果你而家都係驚既話你都可以用呢個方法。
最近疫情好啲我已經乜都唔用,冇落雨笠,冇帶口罩,就咁推佢出去。 因為我係新界,出街嘅時候唔係人好多嘅時間,通常我會行遠啲人。 如果有啲好窄嘅位要同啲人行得埋嘅話,我就會拉bb車個蓬落嚟。 始終啲人高嗰架bb車,拉個縫擋一擋。
因為我覺得佢真係要出街望下人,望下車,望下天空,望下花草樹木。 呢個星期我直頭手抱佢落街買麵包, 等佢同麵包舖啲人say hello 有D互動。 太耐冇接觸其他人,等佢習慣下。我最驚係佢唔識同人互動。

1個讚

之前日日來回去娘家,佢都習慣咗戴口罩,我買咗頂bb防疫帽,仲諗住俾佢戴添:pensive:

我未敢喺出面食嘢呀

之前日日去娘家都習慣咗,但半個月冇戴,唔知肯唔肯

我都見好多都出,仲去埋沙灘,覺得自己係咪過分緊張?

我反而多咗出街食,二、三月嗰陣,有時成間火鍋店得我哋一檯客。當然小朋友太細就唔好食火鍋。我見都有人去食快餐

平日下午茶時間其實好少人
可以試下

係!就係咁!而家搬咗仲要只見到爸爸媽媽,我怕第日佢番學變咗似深山出嚟,而家不斷逼自己唔好再係咁

番到屋企,BB車會點消毒?尤其個碌?

咦?點解反而多咗嘅?因為少人出去食?

我諗首先要逼到自己出門口先,上星期借口落雨又唔出,呢個星期日再逼下自己

係呀

我同佢出去唔會畀佢掂嘢。如果佢掂到就用潔手消毒液搓佢隻手。 但係我冇抹個碌呀 :baby_boy12_tehe:

放假帶佢落街行下咋,只戴口罩,無用bb車,懶得消毒:smile:

附近有冇d較空礦既公園?