唔係掛…
BB 車要成架噴消毒液喎！
咁誇張？
如果我真係咁做我老公一定話我發癲。 
我就淨係用漂白水噴碌
帶定支BB搓手泡泡,你可以先試下帶BB落街行下曬下太陽,30分鐘就夠~
因為個碌同對鞋一樣，接觸過出面個地，唔怕痴到飛沫病毒？
有冇邊隻係啱bb？
好似有個草地，但呢度好多蚊，諗緊好唔好落山腳行下
我都寧願用孭帶，番黎掉入機洗，一了百了，但佢識行，冇俾佢落地行下唔知好唔好
肯戴口罩就ok
坐交通工具就儘量避免啦
的士/uber呢d叫好少少
我唔知好唔好坐車，c6都話好多家長照同bb坐巴士，我地自己又唔識揸車，坐巴士地鐵小巴又怕人多，的士uber又怕唔知之前坐過咩人，空間細
我就係顧慮太多，驚呢樣驚嗰樣，遲遲冇帶bb出去，我呢個阿媽真係好軟弱冇用，想逼自己呢個星期日帶bb落樓下兜個圈，希望出得一次門口，就可以衝破到心理障礙
我唔覺得你係咁
我小朋友已經4歲幾，由農曆新年到依家0出街
講緊係樓下/步行範圍都無去
係呢排疫情好d我先帶佢出去玩下，但絕對唔係無口罩去沙灘嗰種
小朋友中咗好慘，要同家人隔離，身心都受傷，依家你小朋友唔出街，我覺得根本無乜損失
我寧願小心d都好過d人大安主義，你個小朋友中招，其他人唔會心痛，你先係最心痛嗰個
PS 點都唔會比小朋友坐超多人嘅交通工具，人地係點唔關我事，我只知我個小朋友係我呢個媽咪負責，我有責任保護佢，將危險降到最低
1個讚
我黎黎去去到係係屋企附近公園呀，超市呀，大廈平台呀，加上我都係呢排先同佢出得多啲，其實都係一個星期兩三次。 
屋企附近又無感染個案果啲。地下有飛沫病毒仲要痴到架車既機率應該低過飛機失事。如果咁都真係中既話我就真係抵L死
好辛苦呀，已經無得出去仲要諗咁多 
冇錯呀！我就係一直擔心佢中招，或者我地大人中招照顧唔到佢/傳染埋俾佢，你好了解我心情，萬一真係有咩事，我唔知點算，會內疚死！
我係諗太多嘅人，所以先冇動力出去，唉
多謝分享
但係都明既，為小朋友好唧。可能係我唔夠盡責
盡可能減低風險係做媽咪嘅責任
大人要出去係因爲要返工搵食，無得避
我地一家由農曆新年後無出過去食嘢，連外賣都無叫過，我作為FTM就盡煮啦，畢竟小朋友細，我想將風險減到最低。
如果要出去，近近地戴口罩出去玩下啦
去娘家都算出街嘅
而家又有機會社區大爆發
去屋企附近唔好行咁遠
我都唔敢喺出面食野，都係盡煮
希望疫情快d完，大人細路都可以過番正常生活
真係又再一次多得大陸唔少