我先講多年前的靈異事件先。話說廿幾年前有個親人因為自殺唔係度，咁我的媽咪就搵左個靈媒通靈，個靈媒除左同那位親戚通靈外，仲睇到我地屋企有兩個靈體一大一細的，其實我阿媽都成日話比鬼壓，但除左佢我地其他人都冇事的感覺唔到的。
自從我陪阿媽去搵過個靈媒，就連我都開始feel到，例如聽到怪聲，同埋feel到佢跳床。咁有一次我又feel到，咁我有D嬲啦就鬧佢，點知第日個浴簾俾人𠝹爛，間屋得我同阿爸阿媽，佢哋就覺得係我啦，只有我自己知道自己無辜，咁如是者換左兩三次浴簾，都係被𠝹爛收埸，我自己就覺得係那個靈體報復我鬧佢的。
昨天我見到屋企浴簾比人𠝹爛，我即刻諗返廿年前的靈異事件，後來我問阿女，佢認左係佢𠝹爛，因為我之前鬧佢 
我知我諗太多，但我好驚個女係那個的轉世
1個讚
咁驚！帶啊女去拜拜觀音好喎！
（雖然唔知有咩幫助）
1個讚
咁細個果件事之後有冇做過啲咩化解？
我媽做左好多野，整左個靈位比佢地，之後又有道士做法事，又貼左D符。之後就慢慢冇左怪事發生，但都搞左年幾兩年先冇事
睇完有小小起雞皮
如果都仲怕，可以去深水埗元清閣，朋友介紹
希望只係你自己諗多左
1個讚
巳經係過去嘅事，放鬆啲！
1個讚
我信有前世今生。
不過樓主先循住科學方向諗先，唔好嚇自己住。有冇問媽咪 有冇將細個𠝹浴簾嘅事話畀佢個孫聽？如果有就9成9有樣學樣。
否則都唔好太驚，因為阿女承認咗係自己做，只少肯定係人為嘅。
囡囡幾大？
我媽媽係阿女BB時候已經走了
阿女認左係佢做，所以我覺得應該唔係之前的靈體，而且那件事過左廿年，中間已經冇發生任何怪事。當然可能只係巧合，不過那一刻都幾心寒，因為𠝹浴簾發脾氣應該唔會太多人咁做。
個女今年八歲了。其實我好錫個女，不過自從生左佢，我同先生就開始運滯，我以前唔信命理的野，但近年運氣真係好差，無論幾努力到頭來得個吉，所以就去睇下各人的紫微，睇到阿女係尅父母的，其實睇完我都一樣會咁愛佢，不過都想睇下有冇野可以化解
1個讚
呢樣都係。。。
不過唔好諗太多。
一家人。夠食夠住，平安快樂就夠
現在是不是住舊居？有人提元清閣，好似有扶乩問事。
唔好意思⋯⋯原來係咁。
聽你成個故事，換轉係我，我都會懷疑同你細個嘅事有關。
我地成日都聽人講「仔女係嚟攞債」，我相信上一世一定係認識、有緣份先會做到仔女，所以我都唔太想有BB 
不過唔好太上心之前紫微斗數嘅事 
「剋」現代解讀係彼此相處不佳、個性不合、意見不容易溝通罷了。
如果好想做少少野求心安，唔知黃大仙幫唔幫到你，但只有求籤解簽，問下家宅。
我好少求神問卜，但家人有年年頭幫我求籤問過黃大仙，叫我注意下，我聽完就算。後來發生一啲事先記起年頭求過籤，應驗左，所以個人認為都幾靈。
1個讚
謝謝，我了解一下
未生真係要諗清楚。我同先生未有小朋友之前，生活幾優哉遊哉，得閒去下旅行，生活好輕鬆。有左小朋友真係劇變，當然做得父母就要盡力愛護同教導子女，但呢幾年生活得真係幾辛苦，開支大了收入少了，都想問問幾時會好轉
我以前唔理呢D野，我開刀生B都冇去搵人擇時辰八字，可能呢幾年運氣不好，見到好信風水那些人又多數生活不錯，所以都開始接觸下
如果小朋友真係剋，有冇方法解決？例如請個姐姐照顧，送出國之類？
不過有時可能你地大運差都有影響嘅，贊成趨吉避凶，但又唔一定諗到咩都關事嘅。
咁我睇到我呢十年的大運係比較差，以前阿媽好信呢D，已經同我講留意三十幾至四十幾歲，以前覺得佢迷信，但人越大越覺得好多野都應左，會後悔冇聽阿媽講。
我諗九成係巧合姐~
向好方面睇，可能你媽算得準，係你八字本身已注定呢幾年運氣唔好，而唔係囡囡剋你地
聽人講，其實畀野跟唔使咁驚，好多時都冇惡意架，而且當時你地幫佢搵師傅其實係積功德嘅一種，幫靈體move on係做咗件好事
有可能係啲磁場無意中影響左囡囡做埋相似嘅頑皮嘢姐，冇嘢嘅